Клуби футболи «Хуҷанд»-и Хуҷанд дар доираи даври плей-оффи Ҷоми КФО дар вохӯрии ҷавобӣ бо «Аҳал»-и Туркманистон мусовӣ кард ва ба даври гуруҳӣ роҳ ёфт.

Вохӯрӣ имрӯз дар варзишгоҳи «20-солагии Истиқлолияти Тоҷикистон» баргузор шуд. Кӯшишҳои ҳарду даста барои задани гол самара надод ва бозӣ бо натиҷаи мусовӣ – 0:0 анҷом ёфт. Ин натиҷа ба «Хуҷанд» имкон дод, ки ба даври гуруҳӣ барояд, зеро дар бозии якум дар Туркманистон ҳисоби бозӣ 1:1 шуд, ки голи дар сафар задаи хуҷандиҳо боиси бартарии онҳо шуд.

«Хуҷанд» дар Ҷоми КФО дар гуруҳи «D» бо дастаҳои «Олтин Асир» (Туркманистон), «Дордой» (Қирғизистон) ва «Истиқлол» (Тоҷикистон) бозӣ хоҳад кард.

Добавить комментарий