Вазорати корҳои дохилии кишвар бо як эълон аз шаҳрвандон хоҳиш кард, ки то 10-уми август шиносномаҳои намунаи соли 1996-умро бо ID-ҳои пластикии намунаи соли 2014-уми иваз кунанд.

Дар эълон омадааст, ки бо мақсади дар амал ҷорӣ намудани Қарори Ҳукумати Ҷумҳурии Тоҷикистон аз 30 апрели соли 2016, таҳти №207-7 «Дар бораи тартиб ва талаботи пайвастшавӣ ба шабакаи алоқаи барқӣ ва хизматрасониҳои вобаста ба он», ки мувофиқи он барои азнавбақайдгирии симкортҳои мобилии шахсоне, ки бо шиносномаҳои намунаи соли 1996 ба қайд гирифта шудаанд, бояд симкортҳои худро бо шиносномаи шаҳрвандии Ҷумҳурии Тоҷикистон намунаи соли 2014 то 10-уми августи соли равон аз нав ба қайд гиранд.

Дар эълон аз нафароне, ки бо шиносномаи намунаи соли 1996 симкорти мобилӣ гирифтаанд, низ чунин хоҳиш шудааст. Аз ин бармеояд, ки симкортҳо бо шиносномаи пешин шояд  баста шаванд. «Аз ҳамаи шаҳрвандони Ҷумҳурии Тоҷикистон, ки симкортҳои мобилиашон бо шиносномаи намунаи соли 1996 ба қайд гирифта шудаанд, хоҳиш карда мешавад, ки барои иваз намудани шиносномаҳои худ ба шуъбаҳои шиносномадиҳии шуъбаҳои ВКД дар шаҳру ноҳияҳои ҷумҳурӣ муроҷиат намоянд», омадааст дар эълон.

Гуфта мешавад, ки бо мақсади саривақт амалӣ шудани ин қарор тасмим гирифта шудааст, ки шуъбаҳои шиносномадиҳии шаҳру ноҳияҳо то соати 22:00 кор кунанд: «Тибқи дастури Вазири корҳои дохилии Ҷумҳурии Тоҷикистон ҳамаи шуъбачаҳои шиносномадиҳии ШВКД-ҳо дар шаҳру ноҳияҳои ҷумҳурӣ вазифадор шудаанд, ки реҷаи кории худро аз соати 08:00-и субҳ то соати 22:00-и шаб ба роҳ монанд».

Рӯйхати ҳуҷҷатҳое, ки барои ивази шиносномаи шаҳрванди Ҷумҳурии Тоҷикистон лозим мебошанд

Барои иваз намудани шиносномаи шаҳрванди Ҷумҳурии Тоҷикистон намунаи соли 1996 ба намунаи нави соли 2014 ҳуҷҷатҳои зерин пешниҳод каррда мешаванд:

  1. Шиносномаи намунаи соли 1996.
  2. Рақами мушаххаси андозсупоранда (ИНН).
  3. Маълумот оид ба гурӯҳи хун (ихтиёрӣ).
  4. Расид (квитансия) ба андозаи 10 доллар бо асъори миллӣ (иштирокчиёни ҶБВ ва шахсони ба онҳо баробар карда шуда, нафақахӯрон, маъюбони гурӯҳи 1 ва 2 аз пардохти маблағи шиноснома озоданд).
  5. Дафтари ҳавлӣ ё ордери хона (манзилнома) ё маълумотнома аз ҷамоати деҳот.
  6. Шаҳодатномаи ақди никоҳ (ё бекор кардани ақди никоҳ).
  7. Як дона сурати сиёҳ-сафеди 3,5 х4,5 мм.

Добавить комментарий