Имсол Хадамоти муҳоҷирати Русия шаҳрвандии ин кишварро ба хориҷиён якуним маротиба бештар додааст, ки дар ин миён 30 ҳазор аз Тоҷикистон соҳиби шиносномаи ФР шудаанд.
Мувофиқи маълумоти омории Вазорати корҳои дохилии ин кишвар, аксарияти дорандагони шиносномаи нав украинҳо мебошанд. Онҳо зиёда аз нисфи нафароненанд, ки шаҳрвандии Русияро қабул карданд — 146 ҳазор нафар. Инҳо асосан сокинони Донеск ва Луганск мебошанд, ки барои онҳо дар баҳор қоидаҳои гирифтани ҳуҷҷати русиро содда гардонидаанд.
Инчунин, шиносномаҳои Русия аксар вақт аз ҷониби онҳое, ки аз Қазоқистон (35 ҳазор нафар), Тоҷикистон (30 ҳазор), Арманистон (17 ҳазор), Узбакистон (14 ҳазор) ва Молдова (11,5 ҳазор) омада буданд, гирифта шуданд.
Тибқи маълумоти Хадамоти федералии давлатии омор, дар моҳҳои январ-сентябр 285 ҳазор нафар шаҳрвандии Русияро қабул кардаанд. Ин нисбат ба ҳамин давраи соли гузашта (192 ҳазор нафар) 48% зиёд аст.
Афзоиши бақайдгирифташуда «бинобар тағйироти қабулшуда дар қонунгузории муҳоҷират, ки ба соддагардонии расмияти шаҳрвандии Русия нигаронида шудааст», гуфта мешавад аз Вазорати корҳои дохилӣ.
Қайд шудааст, ки қабули шаҳрвандӣ коҳиши табиии аҳолиро ҷуброн мекунад. Бо вуруди шаҳрвандони нав, мехоҳанд камбудиҳои демографиро дар ин кишвар бартараф кунанд.
