Намояндагони Тоҷикистон ва Олмон дар бораи рушди ҳамкориҳои иқтисодӣ музокироти дуҷониба анҷом доданд.
Сафири Тоҷикистон дар Олмон Соҳибназар Ғайратшо бо ҳамоҳангсозии ҳамкориҳои ҷамъиятӣ бо Русия, кишварҳои Осиёи Марказӣ ва шарики шарқии Вазорати федералии корҳои хориҷии Олмон, вакили Бундестаг Йоханн Заатхоф мулоқот кард, хабар медиҳад хадамоти матбуоти Вазорати корҳои хориҷии Тоҷикистон.
Дар ҷараёни суҳбат намояндагони ду кишвар дар мавриди имконоти тавсеаи ҳамкориҳо дар соҳаи иқтисод, энергетика, амнияти минтақавӣ ва дар бораи ҳифзи муҳити зист табодули назар кардаанд.
Дар алоҳидагӣ, дар ҷараёни суҳбат Соҳибназар Ғайратшо ва Заатхоф дар бораи ҳамкориҳо дар самтҳои нав гуфтугӯ кардаанд. Сафири Тоҷикистон вакили олмониро барои ба назар гирифтани иқтидори гидроэнергетикии Тоҷикистон ҳангоми банақшагирии стратегияи миллии сиёсати хориҷӣ дар соҳаи манбаъҳои алтернативии энергияи барқароршаванда даъват кардааст.
Ёдовар мешавем, ки дар охири соли 2020 Тоҷикистон ба дарёфти роҳҳои имконпазири ҳамкории бештари иқтисодӣ бо Олмон шуруъ кард. Дар айни ҳол лоиҳаҳои гуногун, аз масъалаҳои муҳоҷират то корхонаҳои муштарак, баррасӣ мешаванд.
