Президенти Ӯзбекистон Шавкат Мирзиёев фармон «Дар бораи таҷлили 80-солагии президенти нахустини ҷумҳурӣ, сиёсатмадор ва корманди барҷастаи давлатӣ Ислом Абдулғаниевич Каримов»-ро имзо кард.
Дар ин ҳуҷҷат омадааст, ки фармон бо назардошти «хизматҳои таърихии президенти нахустини Ӯзбекистон дар касби истиқлолият, таъмини рушди устувори кишвар, инчунин, бо ҳадафи гиромӣ доштани ёди ӯ» имзо мешавад.
Азҷумлаи чорабиниҳои ин ҷашн кушодашавии зиёратгоҳи Каримов дар моҳи январи соли 2018 дар шаҳри Самарқанд ва пардабардорӣ аз пайкараи вай дар шаҳри Қаршӣ ба шумор мераванд.
Инчунин, офаридани филм дар бораи ҳаёт ва фаъолияти Каримов, нашри китобҳо дар бораи ӯ ва китобҳое, ки худи Каримов навиштааст, дар назар аст. Дар Самарқанд ҳамчунин конфронси байналхалқии илмӣ дар мавзуи «Ислом Каримов — асосгузори Ҷумҳурии мустақили Ӯзбекистон» дар назар аст.
Дар муассисаҳои таълимӣ, қисмҳои низомӣ, эътилофҳои меҳнатӣ ва мақомоти маҳаллӣ бо ширкати шоирону олимон бахшида ба гиромидошти хотираи Каримов мулоқот баргузор мешавад.
Ислом Каримов 30 январи соли 1938 таваллуд ва сар аз соли 1991 то лаҳзаи марг президенти Ӯзбекистон буд, ки 2 сентябри соли 2016 дар синни 79-солагӣ аз сактаи мағзӣ вафот кард.
