— Пас аз натиҷаи нуҳмоҳаи соли 2020 интиқоли маблағҳои муҳоҷирони меҳнатӣ андозаи касри савдои хориҷии Тоҷикистонро баланд кард,- хабар медиҳад Агентии омори назди Президенти Ҷумҳурии Тоҷикистон.
Тибқи иттилои Агентӣ, аз январ то сентябри соли 2020 ҳаҷми гардиши савдои хориҷии Тоҷикистон 3,4 миллиард долларро ташкил додааст. Ҳаҷми содирот қариб ба 1,2 миллиард доллар расидааст, ки ин нисбат ба ҳамин давраи соли 2019 тақрибан 54% ё 420,7 миллион доллар зиёд аст. Дар навбати худ, воридот аз 2,2 миллиард доллар гузаштааст.
Иқтисодшиносон мегӯянд, ки касри савдо тақрибан пурра аз ҳисоби интиқоли маблағҳои муҳоҷирон пӯшонида мешавад. Аз ҷумла, дар тӯли нуҳ моҳ аз Русия ба Тоҷикистон танҳо тавассути системаҳои пардохт беш аз 1,2 миллиард доллар интиқол дода шудааст.
