Ба гуфтаи сарвазири Украина Владимир Гройсман, тибқи фарзияҳои пешакӣ таркиши анбори муҳимоти ҷангӣ дар вилояти Виннитсаи ин кишвар омили хориҷӣ дорад. “Фарзияи пешакии мо ва мутахассисон ин аст, ки анбор худ ба худ оташ нагирифтааст. Яъне, он омили берунӣ дорад”, — изҳор дошт ӯ.
Дар Ситоди кулли Украина харобкорӣ будани таркиши анбори муҳимоти ҷангиро аз эҳтимол дур намедонанд. Он яке аз бузургтарин анбори аслиҳаи Украина шумурда мешуд. Мушовири вазири корҳои дохилии ин кишвар Зорян Шкиряк дар Фейсбук навишт, ки таркиши анбор кори “харобкорҳои рус” аст.
Шаби сешанбе тахминан соатҳои 22:00 дар анбори силоҳи қисми низомии А1119 нахуст сӯхтор ва баъдан таркиш ба амал омад. Дар натиҷа 30 ҳазор сокини маҳаллӣ ба ҷойҳои бехавф кӯчонида шуданд. Тибқи иттилои пешакӣ, дар ин ҳодиса як зан ҷароҳат бардоштааст.
Ба ҷуз ин, равуои ҳавоӣ ва ҳаракати нақлиёт дар шоҳроҳи Виннитса-Киев қатъ гашта, масири қаторҳо низ тағйир дода шудааст. Дар ин анбор, ки дар масоҳати
