Зане дар ноҳияи Бобоҷони Ғафурови вилояти Суғд ҳамсарашро ба қатл расонидааст. Дар ин бора маркази матбуоти ВКД ҶТ хабар дод.
Ин зани 22-солаи сокини ноҳияи Бобоҷон Ғафуров аз ҷониби кормандони милитсия бо гумони қасдан расонидани зарари вазнин ба саломатӣ дастгир карда шудааст.
5-уми декабри соли 2017, тахминан соати 18:00 дар ҳавлии истиқоматиаш зан бо шавҳари худ даъво кардаааст. Дар рафтаи муноқиша гумонбаршуда бо корди ошхона 1 маротиба ба қафаси синаи шавҳараш задааст, ки дар натиҷа марди 22-сола ҷароҳати вазнини ҷисмонӣ бардошта, дар беморхона ба ҳалокат расидааст.
Аз рӯи ин ҳодиса парвандаи ҷиноятӣ оғоз гардида, тафтишот идома дорад.
