Kyodo News хабар медиҳад, ки дар натиҷаи тӯфони Ҳагибис, ки 12-уми октябр дар Ҷопон рух дод, ҳадди аққал 35 нафар кушта ва 17 нафари дигар бедарак шудаанд. Зиёда аз 170 нафар маҷрӯҳ шудаанд, менависад Medusa.
Мақомоти Ҷопон як амалиёти наҷотро роҳандозӣ кардаанд, ки тақрибан 27 ҳазор низомӣ ва кормандони фавқулоддаро дар бар мегирад. Наҷотдиҳандагон дар чархболҳо сокинони хонаҳои зери об мондаро таҳвил медиҳанд.
Даҳҳо ҳазор бино дар Ҷопон бе барқ мондаанд. Дар ин кишвар беш аз 800 парвози ҳавоӣ лағв ва ҳаракати роҳи оҳан қатъ карда шудааст.
Мақомоти Ҷопон тӯфони Ҳагибисро аз соли 1958 инҷониб қавитарин меноманд. Он дар бисёр минтақаҳои кишвар боришоти зиёде овард, ки то ҳол мушоҳида нашуда буд. Дар деҳаи Ҳаконе дар ҷазираи Хоншу, дар як рӯз 939,5 миллиметр борон боридааст.
