Кормандони милитсия ҳангоми гузаронидани чорабиниҳои оперативӣ-ҷустуҷӯӣ марди 24-солаи сокини шаҳри Истаравшанро бо гумони қасдан расонидани зарари вазнин ба саломатӣ дастгир кардаанд.
Маркази матбуоти ВКД иттилоъ дод, ки номбурда, рӯзи 13-уми августи соли 2018, тахминан соати 00:10, дар хиёбони Рӯдакии шаҳри Душанбе бо марди 37-солаи сокини шаҳри Исфара, даъво роҳ андохта, бо корд як маротиба ба қафаси синааш задааст.
Дар натиҷа, ҷабрдида мувофиқи маълумотномаи ташхиси судӣ-тиббӣ ҷароҳати вазнини ҷисмонӣ бардоштааст.
Далели шайъӣ 1 адад корд гирифта шуда, аз рӯи ин ҳодиса тафтишот идома дорад.
