Дар финали Ҷоми футболи Тоҷикистон, ки 8-уми октябр баргузор хоҳад шуд, дастаҳои “Хатлон»-и шаҳри Бохтар ва «Равшан»-и шаҳри Кӯлоб мубориза мебаранд. Ин дастаҳо 17 сол пеш дар финали ин мусобиқа ширкат карда буданд.
Дирӯз дар Варзишгоҳи «Пахтакор»-и шаҳри Бохтар бозии даври нимниҳоии Ҷоми футболи Тоҷикистон байни дастаҳои футболи «Хатлон»-и шаҳри Бохтар ва «Истаравшан»-и шаҳри Истаравшан баргузор шуд.
Дар ин бозӣ «Хатлон» бо ҳисоби 2:0 пирӯз шуд ва ба финали Ҷоми футболи Тоҷикистон роҳ ёфт. Голҳоро Караматуло Саидов ва Худойдод Узоқов заданд.
Дар финал дастаи «Хатлон»-и шаҳри Бохтар бо дастаи «Равшан»-и шаҳри Кӯлоб бозӣ мекунад.
«Равшан»-и шаҳри Кӯлоб дар дари нимниҳоӣ «Регар-ТадАЗ»-и шаҳри Турсунзодаро мағлуб кард ва ба финали Ҷоми футболи Тоҷикистон роҳ ёфт. Голи ягонаи ин бозиро Абдураҳмон Нозимов дар дақиқаи 51-уми бозӣ ба ҳадаф расонд.
Финали Ҷоми футболи Тоҷикистон-2020 бо иштироки «Хатлон»-и шаҳри Бохтар ва «Равшан»-и шаҳри Кӯлоб 10-уми октябр дар Варзишгоҳи марказии шаҳри Душанбе бе ҳузури мухлисон баргузор мегардад. Оғози бозии ниҳоӣ соати 16:00 дар назар аст.
