Дар вилояти Хатлон бояд то соли 2021-ум 103 коргоҳу корхонаи нави саноатӣ бунёд шавад, ки дар даҳ моҳи соли равон 73 адади он бунёд шуда, мавриди баҳрабардорӣ қарор дода шуд.
Ба иттилои мудири шуъбаи иттилотиву таҳлилии дастгоҳи раиси вилояти Хатлон баъди ба истифода қарор гирифтани 73 коргоҳу корхона 765 ҷойи кори нав муҳайё мегардидааст.
Сармеъмори шуъбаи меъморӣ ва шаҳрсозии шаҳри Бохтар Ятимзода Валиҷон гуфт, ки аз ҳисоби ҳама сарчашмаҳои даромад, то соли 2021 дар ҳудуди шаҳри Бохтар 18 корхонаи саноатӣ бунёд карда мешавад.
Манбаъ гуфт, азимтарин корхонаҳои саноатие, ки то соли 2021 дар шаҳри Бохтар бунёд мешаванд, ин корхонаи истеҳсоли дучархабарорӣ, корхонаи ҷуроббофӣ, корхонаи коркарди дору, сардхона, корхонаи меваю сабзавот, корхонаи масолеҳи сохтмонӣ ва дигар корхонаҳои саноатӣ мебошанд, ки то ин дам ду адади он сохта шудааст.
