Фардо дар Варзишгоҳи маркази шаҳри Ҳисор бозии ниҳоӣ барои дарёфти Ҷоми Федератсияи футболи Тоҷикистон-2019 байни дастаҳои «Кӯктош» (ноҳияи Рӯдакӣ) ва «Истиқлол»(Душанбе) баргузор мешавад.

Дар бозии якуми нимниҳоии Ҷоми ФФТ-2019 дастаи футболи «Кӯктош»-и ноҳияи Рӯдакӣ 3 март дар нимаи аввали рӯз бар дастаи «Регар-ТадАЗ»-и шаҳри Турсунзода бо ҳисоби 3 бар 1 пирӯз шуд.  Дар бозии дуюми нимниҳоӣ, ки нимаи дуюми дирӯз доир гашт, «Истиқлол» дастаи «Душанбе-83»-ро бо ҳисоби 5:0 мағлуб кард.

Вохӯрӣ барои ҷои сеюм нимаи аввали рӯзи 5-уми март барпо мегардад, ки дастаҳои «Регар-ТадАЗ» ва «Душанбе-83» мубориза мебаранд. Нимаи дуюми ҳамон рӯз ҳаводорони футбол шоҳиди бозии финалӣ байни дастаҳои «Кӯктош» ва «Истиқлол» хоҳанд шуд. Бозӣ дар Варзишгоҳи марказии шаҳри Ҳисор соати 14:00 оғоз мешавад.

Ин дастаҳо дар чорфинали ҳамин мусобиқа бо ҳам бозӣ крад буданд ва «Истиқлол» бо ҳисоби 2:1 бар «Кӯктош» ғалаба карда буд. «Истиқлол» чор маротиба соҳиби ин ҷом шудааст, аммо «Кӯктош» то ҳол ба финали ин мусобиқа набаромад буд.

ЯК ҶАВОБ ТАРК

Please enter your comment!
Please enter your name here