Конфедератсияи футболи Осиё Тоҷикистонро макони баргузории мусобиқоти мутамаркази Ҷоми КФО-2021 дар гуруҳи “F” тасдиқ кард. ки макони баргузории бозиҳо шаҳри Душанбе интихоб шудааст. Дар ин гуруҳ дастаи “Хуҷанд”-и шаҳри Хуҷанд Тоҷикистонро намояндагӣ мекунад.
Дар марҳилаи гуруҳии Ҷоми КФО-2021, дар гуруҳи “F”, дар Минтақаи марказӣ дастаҳои футболи АГМК ва ё “Насаф” (Узбекистон), «Олтин Асир» (Туркманистон) ва “Олой” (Қирғизистон) ҳарифон дастаи “Хуҷанд” мебошанд. Марҳилаи гуруҳии Ҷоми КФО-2021 дар шакли мутамарказ аз 14 то 20-уми май баргузор мешавад.
Мусобиқоти мутамаркази Ҷоми КФО-2021 дар гуруҳи “Е” бо иштироки барандаи Ҷоми Тоҷикистон, дастаи футболи “Равшан”-и Кӯлоб аз 14 то 20-уми май дар Бишкеки Қирғизистон мегузарад. Ҳарифони “Равшан” дар гуруҳ аз Қирғизистон дастаи футболи “Дордой” ва аз Туркманистон дастаи футболи “Аҳал” мебошанд.
Ғолибони гуруҳҳо аз минтақаи Осиёи Марказии Ҷоми КФО-2021 дар бозиҳои ниҳоии минтақавӣ, ки аз рафту баргашт иборат ҳастанд, вомехӯранд. Ин бозиҳо рӯзҳои 11 ва 25-уми август баргузор хоҳанд шуд.
Ёдрас мешавем, ки дар сурати ба марҳилаи гуруҳии Лигаи чемпионҳои КФО-2021 роҳ ёфтани АГМК дар Ҷоми КФО-2021 Узбекистонро дастаи “Насаф” намояндагӣ мекунад.
Ҷоми КФО-2021. Минтақаи марказӣ. Гурӯҳи «Е»
Макон – Бишкек, Қирғизистон
«Равшан» (Тоҷикистон)
«Дордой» (Қирғизистон)
«Аҳал» (Туркманистон)
Даври 1-ум. 14 май (ҷумъа)
«Аҳал» (Туркманистон) – «РАВШАН» (ТОҶИКИСТОН)
Даври 2-юм. 17 май (душанбе)
«Дордой» (Қирғизистон) – «Аҳал» (Туркманистон)
Даври 3-юм. 20 май (панҷшанбе)
«РАВШАН» (ТОҶИКИСТОН) – «Дордой» (Қирғизистон)
Гурӯҳи «F» Макон – Душанбе, Тоҷикистон
АГМК ва ё «Насаф» (Узбекистон)
«Олтин Асир» (Туркманистон)
«ХУҶАНД» (ТОҶИКИСТОН)
«Олой» (Қирғизистон)
Даври 1-ум. 14 май (ҷумъа)
АГМК ва ё «Насаф» (Узбекистон) – «Олой» (Қирғизистон)
«Олтин Асир» (Туркманистон) – «ХУҶАНД» (ТОҶИКИСТОН)
Даври 2-юм. 17 май (душанбе)
«Олой» (Қирғизистон) – «Олтин Асир» (Туркманистон)
«ХУҶАНД» (ТОҶИКИСТОН) – АГМК ва ё «Насаф» (Узбекистон)
Даври 3-юм. 20 май (панҷшанбе)
АГМК ва ё «Насаф» (Узбекистон) – «Олтин Асир» (Туркманистон)
«ХУҶАНД» (ТОҶИКИСТОН) – «Олой» (Қирғизистон)
