Мизоҷи ҶСК «Бонки Эсхата» ҶДММ «ЗирвЭко» дар доираи Лоиҳаи ECTAP аз Иттиҳоди Аврупо таҳти барномаи маблағгузории муштараки Бонки Эсхата ва Бонки Аврупоии Таҷдид ва Рушд (EBRD) дастгирии молиявиро дар намуди грант соҳиб шуд.
Қаблан, «ЗирвЭко» дар доираи Барномаи БАТР “Тақсимоти хавфҳо”/ RSF барои хариди таҷҳизоти навтарин барои истеҳсоли равғани растании хӯрокворӣ маблағгузории лоиҳавӣ гирифта буд.
Ширкати навтаъсис аллакай дар бозор бомуваффақият фаъолият мебарад ва маҳсулоти ширкат (равғани растании баландсифат) аз ҷониби харидорон талаботи зиёд дорад. Маросими ифтитоҳи корхонаи нав моҳи августи соли 2019 бо иштироки Президенти кишвар, Пешвои миллат, муҳтарам Эмомалӣ Раҳмон баргузор гардид.
«Мо шодем, ки дар ҳамкорӣ бо БАТР ва Иттиҳоди Аврупо бо мақсади мусоидат ба татбиқи стратегияи чоруми миллӣ – саноатикунонии босуръати кишвар метавонем корхонаҳои хурду миёнаро бо шартҳои оқилона ва дастрас қарз пешниҳод намоем ва ба ин васила ба рушди бахши хусусӣ дар Тоҷикистон саҳмгузор бошем, аз ҷумла, истеҳсоли ватанӣ. ҶДММ «ЗирвЭко» ширкатест, ки дар он мо имкониятҳои бузурги ҳамкории минбаъдаро мебинем. Бо дастгирии грантӣ, ширкат метавонад як қисми хароҷоти асосии таҷҳизотро пӯшонад, ки қаблан аз ҳисоби маблағҳои қарзӣ дар доираи маблағгузории муштарак харидорӣ намуд” — гуфт Раҳимҷон Ҳакимов, сардори Департаменти қарздиҳии корпоративӣ ва миёнаи ҶСК“ Бонки Эсхата”.
Дар навбати худ, муассиси ҶДММ «ЗирвЭко» Абдумубин Абдушукуров аз ҳамкорӣ дар доираи лоиҳаи мазкур изҳори қаноатмандӣ кард. Вай қайд кард, ки гранти гирифташуда ба рушди марҳилаи дуюми маблағгузории лоиҳаи «ЗирвЭко» равона карда мешавад:
«Мо дар назди худ нақшаҳои калоне дорем, ки мехоҳем дар ояндаи наздик амалӣ кунем. Грант, бешубҳа дастгирии моддӣ дар ин самт аст.
Умуман, ман мехоҳам ҳамкории судмандро бо Бонки Эсхата ва БАТР таъкид кунам — ин ҳамдигарфаҳмӣ, самаранокӣ, оптимизатсияи хавфҳои молиявӣ ва касбияти баланди кормандон мебошад. Мехостам миннатдории худро ба Иттиҳоди Аврупо барои дастгирии корхонаҳои ватанӣ изҳор намоям. Бо дидани дурнамо ва натиҷаҳои мусбати ҳамкорӣ, мо умедворем, ки шарикии мутақобилан судмандро идома диҳем. »
Дастгирии соҳибкорони хурд ва миёна дар Тоҷикистон яке аз самтҳои афзалиятноки тамоми воситаҳои молиявии Бонки Эсхата мебошад. Бонк лоиҳаҳои сармоягузориро тавассути пешниҳоди шаклҳои гуногуни маблағгузорӣ барои навсозии истеҳсолот ва бизнес-лоиҳаҳои нав дастгирӣ менамояд. Шартҳои мусоид ва маблағгузории дастрас ба ширкатҳои маҳаллӣ имкон медиҳанд, ки лоиҳаҳои тиҷоратиро саривақт татбиқ намоянд.
