Сардори Комиссияи марказии интихоби Беларус Лидия Ермошина гуфт, ки президенти кунунӣ Александр Лукашенко дар интихоботи рӯзи 9-уми август мувофиқи ҳисоби раъйҳо дар ҳама минтақаҳои Беларус пирӯз шудааст.
Интихоботи президентӣ дар Беларус рӯзи якшанбе баргузор шуд. Тибқи маълумоти аввалини раъйдиҳӣ дар интихоботи раёсатҷумҳурии кунунӣ, Александр Лукашенко 79,7%, пас аз ӯ Светлана Тихоновская 6,8% овозҳоро соҳиб шудаанд.
Вобаста ба интихобот дар як қатор шаҳрҳои Беларус эътирозҳои беиҷозат оғоз ёфтанд. Кормандони мақомоти ҳифзи ҳуқуқ барои пешгирии тазоҳурот ва боздошти тазоҳуркунандагон чораҳо андешиданд.
Аксари тазоҳургарон аз ноҳияҳои марказии Минск пароканда шуданд, вазъ дар маҷмӯъ ба оромӣ бармегардад, хабар медиҳад ОИР Новости.
Нерӯҳои амниятӣ маҳдудиятҳои ҳаракатро қисман лағв карданд ва баъзе кӯчаҳоро боз карданд. Аммо, дар қисматҳои гуногуни маркази шаҳр ҳоло ҳам мошинҳои полис ҳастанд. Кормандони мақомоти ҳифзи ҳуқуқ барои танзими ҳаракати мошинҳо баландгӯякҳоро истифода мебаранд ва инчунин аз эътирозгарони боқимонда дархост мекунанд, ки пароканда шаванд.
