Раиси ноҳияи Шаҳритус Ҷаббори Ғаффор зимни нишасти матбуотӣ иттилоъ дод, ки соли 2020-ум 69 қарори раиси ноҳия бекор карда шудаст, ки 15 дарсади онҳо қарорҳои худи ӯ мебошанд.
— Боқии қарорҳои бекоршуда аз соли 2015-ум то инҷониб, ки собиқ раисони ноҳия имзо карданд, ба ҳисоб мераванд, — илова кард раиси ноҳия.
Зимни нишасти хабарии Прокуратураи вилояти Хатлон итилоъ дода шуда буд, ки соли 2020-ум дар вилояти Хатлон аз ҷониби кормандони Прокуратураи вилоят 272 қарори раисони шаҳру ноҳияҳо бекор карда шудааст, ки бештараш ба қарорҳои раисони шаҳру ноҳияҳои Қубодиён, Шаҳритус ва Кӯлоб рост меояд.
