Сардори собиқи ташхисгоҳи уфунатҳои пурхатари «Вектор» (Федератсияи Русия), профессори вирусшинос Александр Чепурнов дар бораи хатари доруи «Ремдесивир», ки Созмони ҷаҳонии тандурустӣ (СҶТ) онро таъсиргузортарин доруи зидди вирусӣ дар табобати COVID-19 донистааст, ҳушдор дод.
Вирусшинос аз хатари Remdesivir ҳушдор дод. Тибқи гуфтаи ӯ, истифодаи ин доруҳо ба далели аворизи ҷонибӣ ба саломатӣ хатарнок аст.
«Мушкилоти мубориза алайҳи вирусӣ дар он аст, ки вирус ба дохили ҳуҷайра дохил мешавад ва қариб тамоми доруҳои таъсирбахш ба ин вирус дохили ҳуҷайраҳо мешаванд, аз ин рӯ организм заҳролуд мешавад», — гуфтааст Чепурнов ба Ura.ru.
Профессор таъкид кард, ки эҷодкунандагони чунин доруҳо бояд мувозинате пайдо кунанд, ки дору барои ҳуҷайра қобили қабул бошад, на барои вирус.
Қаблан, муҳаққиқи аршади СҶТ Сумия Сваминатан гуфта буд, ки «Ремдесивир» дар санҷишҳо натиҷаҳои боэътимодро нишон додааст. Тавре аз ин созмон шарҳ додаанд, истифодаи ин дору боиси кам шудани шумори ба бемористонҳо муроҷиат кардани беморон шудааст, аммо пеши роҳи фавтро нагирифтааст.
