Украина аз созишномаҳои авиатсияи гражданӣ ва истифодаи фазои ҳавоӣ, ки дар доираи ИДМ ба имзо расидаанд, берун рафт. Фармони дахлдорро рӯзи сешанбе президенти Украина Владимир Зеленский имзо кард.
«Президент Зеленский фармони таҳти рақами 70/2021-ро» Дар бораи хуруҷи Украина аз аҳдномаҳои байналмилалие, ки дар доираи Иттиҳоди Давлатҳои Мустақил баста шудаанд «имзо кард», гуфта мешавад дар паёме, ки вебгоҳи расмии президенти Украина нашр кард.
Ҳамзамон, гуфта мешавад, ки Украина аз созишномаи авиатсияи гражданӣ ва истифодаи фазои ҳавоӣ, ки 25 декабри соли 1991 ба имзо расидааст ва аз созишномаи истифодаи фазои ҳавоӣ аз 15 майи соли 1992 даст мекашад.
Президенти Украина дар фармони худ ба Вазорати корҳои хориҷӣ супориш додааст, ки Шӯрои байнидавлатии авиатсия ва истифодаи фазои ҳавоиро дар бораи хуруҷи Украина аз созишномаи авиатсияи гражданӣ ва истифодаи фазои он огоҳ созад.
Пас аз табаддулоти давлатӣ дар Украина дар моҳи феврали соли 2014, роҳбарияти нави кишвар эълон кард, ки раванди лағв кардани шартномаҳоро дар доираи ИДМ оғоз мекунад. Моҳи майи соли 2018 Украина иштирок дар кори мақомоти оинномавии Иттиҳодро қатъ кард ва намояндагии он дар мақомоти оинномавии ИДМ баста шуд.
Худи ҳамон сол, Киев раванди хуруҷ аз созишномаҳои ҳамкориро дар доираи ИДМ оғоз кард. Аз ҷумла, кишвар иштироки худро дар созишномаҳои ҳамкорӣ дар соҳаи фаъолияти иқтисодии хориҷӣ, таъсиси Шӯрои сарони воҳидҳои иктишофи молиявӣ, мубодилаи байнидавлатии иттилооти иқтисодӣ, таъмини амнияти сирри байнидавлатӣ дар соҳаи ҳифзи ҳуқуқии ихтироот қатъ кард.
Моҳи феврал Украина аз созишномаҳои ИДМ дар бораи ҳамоҳангсозии муносибатҳои байнидавлатӣ дар соҳаи алоқаи почта ва электротехникӣ низ баромад.
