Ширкати Tcell дар доираи дастгирии соҳаи маориф барои донишҷӯёни донишгоҳҳои бузурги кишвар семинарҳо мегузаронад. Семинарҳо барои дарёфт ба кори сазовор аз сӯи менеҷери шӯъбаи идоракунии лоиҳаҳои стратегии Tcell Зарина Ғазарян гузаронида мешаванд.
Нақшаҳои шавқовар барои ояндаи дурахшон дар замони донишҷӯйӣ аксар вақт бо норасои таҷриба омехта мешаванд. Ҳолатҳое мешавад, ки хатмкунандаи донишгоҳ кори мувофиқи хешро меёбад, аммо шарҳи ҳоли хуб пешниҳод карда наметавонад, ё ҳангоми суҳбат ба хатоиҳои рафтор ё мантиқӣ роҳ медиҳад.
Дарсҳои “Суҳбат барои қабул ба кор” алакай дар ду донишгоҳи кишвар — Донишгоҳи технологии Тоҷикистон ва Донишгоҳи давлатии Кӯлоб дар ҳамдастӣ бо марказҳои касбии донишгоҳҳои мазкур доир гашт. Ин марказҳо ба он нигаронида шудаанд, ки донишҷӯён барои гирифтани маслиҳатҳо ва пайдо кардани ҷойи кор муроҷиат мекунанд.
Зарина Ғазарян мегӯяд: “Нахустин талаби корфармоён ҳангоми пешниҳоди ҷойи кор ин таҷрибаи корӣ аст. Ин масъалаи хело дардовар барои донишҷӯён аст, чун дар аввал онҳо умуман таҷриба надоранд ва агар таҷриба ҳам бошад, хеле кам аст. Миёни ҷавонон истеъдодҳо бисёранд, аммо онҳо бо сабаби набудани таҷрибаи корӣ ба андозаи кофӣ ҷуръат намекунанд ба ширкаҳои бузург ҳуҷҷат супоранд. Мо барои донишҷӯён як семинари кӯчаке таҳия кардем, ки дар он таҳияи “резюме” барои корро меомӯзем. Дар семинар донишҷӯён тавсияҳоеро дарёфт карданд, ки метавонанд ба ҷои таҷрибаи корӣ ишора кунанд, ки онҳо курсҳои ихтиёрӣ, курсҳои онлайн ё таҷрибаи истеҳсолиро гузаштаанд ва ё дорои малакаҳои хос мебошанд”.
Дар қисми дуюми семинар, донишҷӯён моҳияти мусоҳиба ё мусоҳиба барои ба кор даромаданро омӯхта, фаҳмидаанд, ки чӣ гуна омода шудан, тарзи рафтор ва чӣ тавр бо ҷавоби мусбат аз назди корфармо баромад. Миёни иштирокчиёни семинарҳо низ озмун эълон шудааст. Донишҷӯён вазифа гирифтаанд, ки ҳама марҳилаҳои шомил шудан ба корро гузаранд, яъне кор ёфтан, ҳуҷҷатҳоро пешниҳод кардан ва аз суҳбат гузаштан. Дар мавриди ҳамаи мушкилоте, ки онҳо ҳангоми иҷро кардани вазифа ба миён меоянд, бояд ҳисобот диҳанд – иштирокчиён бо беҳтарин ҳисобот, новобаста аз муваффақият ё нокомӣ ҳангоми иҷрои “вазифа”, метавонанд барои гузаштани таҷрибаи истеҳсолӣ дар қисмҳои сохтории Tcell даъват шаванд. Донишомӯзон бо хурсандии зиёд гузариши таҷриба дар базургтарин ширкати мухобиротиро қабул карданд.
Донишҷӯёне ки ин курси омӯзишии Tcell-ро гузаштанд маълумотҳои амалиро гирифтанд, ки барои дарёфти кор дар оянда ба эшон кумак хоҳад кард.
Tcell, ба унвони як ширкати иҷтимоии масъул, аксар вақт дар чорабиниҳои омӯзишӣ таълимӣ ширкат мекунад. Ин ширкат ҳамасола таҷрибаомӯзон, коромӯзонро аз миёни ҷавонон, ки хоҳиши гузаштани таҷриба ва корро доранд, қабул мекунад.
