Дар натиҷаи таркиш ва тирпаронӣ дар Коллеҷи политехникии шаҳри Керч дар Қрим 19 нафар кушта ва наздики 50 тани дигар захмӣ шудаанд.
Гуфта мешавад, ки як ҷавони 18-сола бо номи Владислав Росляков ба ин амали мудҳиш даст задааст. Ӯро баъди ҳодиса дар ошёнаи дуюми коллеҷ мурда пайдо кардаанд. Шояд ӯ худкушӣ карда бошад. Росляков аз соли 2015 донишҷӯи ин коллеҷ будааст ва ҳоло дар курси чорум мехондааст. 8-уми сентябр ӯ иҷозатномаи аслиҳаи қутраш 12-ро дарёфт кардааст ва чанд рӯз пеш барои он 150 дона гулӯла харидааст.
Ин амалро фоҷиа унвон карданд, аммо Росляков танҳо ба ин кор даст зада, шарикҷурм надоштааст. Ба гуфтае, ӯ барои ниқор гирифтан аз устодон таркиш ва тирпаронӣ роҳ андохтааст.
Дар Қрим ва Симферпол барои кушташудагони ин фоҷиа се рӯз мотами миллӣ эълон карданд. Аз ҳисоби буҷети Қрим барои ҳар оилаи кушташуда 1 миллион рубл ва барои осбедидаҳо 500 000 рубл ҷудо карда шудааст.
