Фардо, 21-уми феврал, бозиҳои марҳилаи ниҳоии Ҷоми ФФТ оғоз мешавад. Дар ин марҳира ҳашт даста аз минтақаҳои Душанбе, Суғд ва Хатлон иштирок мекунанд.
Ба гурӯҳи «А» дастаҳои КМВА ВМ ҶТ, «Локомотив-Помир» (ҳарду аз Душанбе) , «Истаравшан»-и Истаравшан ва «Равшан»-и Кӯлоб шомил шудаанд.
Дар гурӯҳи «Б» дастаҳои «Кӯктош», «Душанбе-83», «Эсхата» ва «Хатлон» қарор доранд.
Клуби «Истиқлол», ки ҳақи иштирок дар ин марҳиларо дошт, бинобар сабаби гузаронидани марҳилаи таълимию тамринӣ дар Анталия (туркия) қарор дошта, дар ин марҳила иштирок намекунад. Ба ҷойи дастаи «Истиқлол», ки ҳамасола муддаии асосии ғолиби ин мусобиқа дониста мешуд, дастаи «Кӯктош», ки дар гурӯҳи душанбегиҳо зинаи сеюмро касб кард, дар финал бозӣ хоҳад кард.
Бозиҳо то якуми март идома мекунанд.
Бахтиёр Хакимзода
