Як марди 53-сола дар Душанбе ба гумони қатли саррофе дастгир шудааст.
6-уми марти соли 2018, ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 53-солаи сокини кӯчаи 40-солагии Октябри шаҳри Душанбе ҳамчун гумонбар дар содир намудани ҷинояти роҳзанӣ ва куштор дастгир карда шуд.
Номбурда, рӯзи 9-уми январи соли 2001, тахминан соати 14:00, дар кӯчаи Ҳофизи Шерозӣ марди 52-солаи сокини кӯчаи Умари Хайёми пойтахтро, ки ҳамчун сарроф (шахсе, ки кораш табдили сикка ё арзи як кишвар ба пули роиҷи кишвари дигар аст) машғули фаъолият будааст, бо воситаи корд ба қатл расонида, 3000 доллари амрикоиро гирифта, аз ҷойи ҳодиса ғайб задааст.
