Як ҷавони 20-сола бо роҳи шикастани тирезаи мошин аз дохили он 700 ҳазор сомониро дуздидааст, вале аз ҷониби милитсия дастгир шудааст. Дар ин бора маркази матбуоти ВКД хабар дод.
Ба ШВКД-1 дар ноҳияи Фирдавсӣ аризаи марди 28-солаи сокини ноҳияи Рӯдакӣ ворид гардидаст, ки санаи 17 ба 18-уми декабри соли 2019, шахсони номаълум дар кӯчаи Деҳотии пойтахт бо роҳи пинҳонӣ тирезаи ақиби автомашинаи тамғаи «Мерседес-Бенс»-ро шикаста, аз дохилаш 700 000 сомониро дуздида, аз ҷойи ҳодиса ғайб задаанд.
Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия ҷавони 20-солаи сокини кӯчаи Клара Сеткинаи шаҳри Душанбе ҳамчун гумонбар дар содир кардани ҷинояти дуздӣ дастгир гардида, аз рӯи ин ҳодиса тафтишот идома дорад.
