Ҳадди аққал 218 конгрессмени демократ изҳор доштанд, ки онҳо аз қатъномаи импичмент эълон кардани президенти амалкунандаи ҷумҳурихоҳ Доналд Трамп пуштибонӣ мекунанд, менависад Politico .
Рӯзнома қайд мекунад, ки ин рақам барои тасдиқи ин санад ҳангоми овоздиҳӣ дар палатаи намояндагони Конгресси ИМА кифоя аст.
Ин ташаббус имрӯз оғоз ёфт. Дар қатънома гуфта мешавад, ки ҷаноби Трамп тарафдоронашро ба ошӯб таҳрик кардааст.
Раиси палатаи парлумон Нэнси Пелосӣ рӯирост изҳор дошт, ки агар худи Доналд Трамп истеъфо надиҳад ва ё бо истифодаи татбиқи 25-ум ба Сарқонуни ИМА барканор нашавад, вай ҳуҷҷатро ба овоз хоҳад гузошт. Раиси Кумитаи доимии Маҷлиси намояндагони ИМА демократ Ҷим МакГоверн гуфт, ки овоздиҳӣ барои импичмент ба президент Доналд Трамп рӯзи чоршанбеи 13-уми январ баргузор хоҳад шуд. Ба ақидаи ӯ, импичмент тасдиқ карда мешавад.
