Дирӯз Комиcсияи марказии интихобот ва раъйпурсии Тоҷикистон (КМИР) натиҷаҳои пешакии интихоботи вакилон ба парламенти мамлакатро, ки 1-уми март баргузор гардид, эълон кард.
Раиси КМИР Бахтиёр Худоёрзода дар брифинг бо иштироки намояндагони ҳисзюҳо, мушоҳидони байналмилалӣ ва воситаҳои ахбори омма изҳор дошт, дар ҳавзаи ягонаи умумиҷумҳуриявии интихоботӣ аз рӯи рӯйхати ҳизбҳои сиёсӣ ба тарафдории Ҳизби аграрии Тоҷикистон 700 ҳазору 582 нафар (16,50%), ба тарафдории Ҳизби демократии Тоҷикистон 216 ҳазору 526 нафар (5,10%), ба тарафтории Ҳизби ислоҳоти иқтисодии Тоҷикистон 705 ҳазору 252 нафар (16,61%), ба тарафдории Ҳизби коммунистии Тоҷикистон 132 ҳазору 49 нафар (3,11%), ба тарафдории Ҳизби сотсиалистии Тоҷикистон 218 ҳазору 696 нафар (5,15 %), ба тарафдории Ҳизби сотсиал-демократии Тоҷикистон 13 ҳазору 735 нафар (0,32%) ва ба тарафдории Ҳизби халқии демократии Тоҷикистон 2 139 741 нафар (50,40%) овоз додаанд.
Иттилоъ дода шуд, ки шумораи овозҳои интихобкунандагоне, ки ба муқобили рӯйхати ҳамаи ҳизбҳои сиёсӣ дода шудаанд, 52 ҳазору 30 нафар ё 1,39%-ро ташкил медиҳад.
Ҳизбҳои сиёсие, ки ба тарафдории онҳо 5% ва зиёда аз он интихобкунанда овоз додаанд, миқдори зерини мандати вакилиро соҳиб шуданд: Ҳизби аграрии Тоҷикистон бо 16,50% — 4 мандати вакилӣ, Ҳизби демократии Тоҷикистон бо 5,10% — 1 мандати вакилӣ, Ҳизби ислоҳоти иқтисодии Тоҷикистон бо 16,61%- 4 мандати вакилӣ, Ҳизби сотсиалистии Тоҷикистон бо 5,15 % — 1 мандати вакилӣ, Ҳизби халқии демократии Тоҷикистон бо 50,40% — 12 мандати вакилиро соҳиб шуданд.
Гуфта шуд, дар маҷмӯъ 4 миллиону 245 ҳазору 951 нафар интихобкунанда дар ин маърака иштирок кардаанд, ки ин 86,4 дарсади шумораи умумии интихобкунандагонро ташкил медиҳад.
Бахтиёр Худоёрзода ҳамчунин номи 41 вакили аз ҳавзаҳои якмандатӣ интихобшударо эълон кард, ки ба тарафдории онҳо зиёда аз 50 дарсади интихобкунандагони дар интихобот ширкатварзида, дар ҳавзаи якмандатаи дахлдор овоз додаанд.
Аз ҳавзаҳои интихоботии якмандатӣ:
Фирдавсӣ №1 — Насриддинзода Эмомалӣ Сайфиддин
Исмоили Сомонӣ №2 — Меликова Парвина Иноятуллоевна
Шоҳмансур №3 — Обидов Фозил
Сино№4 — Шоҳмурод Рустам
Турсунзода №5 — Холмаҳмадзода Солеҳа
Шаҳринав №6 — Баротзода Файзулло
Ҳисор№7 — Уроқова Сурайё Дӯстмуродовна
Сомонӣ№8 — Юсуфӣ Муҳаммадраҳим
Рӯдакӣ №9 — Усмонзода Хайриддин Усмон
Ваҳдат №10 — Муртазозода Ҷамшед Сайдалӣ
Файзобод №11 — Наҷмиддинов Файзулло Раҷабович
Рашт №12 — Зокирзода Муҳаммадтоҳир Зоир
Хуҷанд №13 — Назирӣ Гулбаҳор Назир
Бобоҷон Ғафуров №14 — Мирзозода Мавлудахон Зайнӣ
Урунхоҷаев №15 — Ахмедов Мирзоанвар
Ҷаббор Расулов №16 — Акрамзода Баҳодур Исмоил
Ашт №17 — Зиёӣ Баҳриддин Саҳобиддин
Мастчоҳ №18 — Азиззода Ғайрат Мулломаҳмад
Конибодом №19 — Раҷабзода Равшан Муҳиддин
Исфара№20 — Шамсиддинзода Мавзуна Шамсиддин
Панҷакент №21 — Шодизода Парвиз Шодибой
Айнӣ №22 -Шарифзода Ғиёсиддин
Истаравшан№23 — Умаров Абдуҷаббор Қаҳҳорович
Деваштич №24 — Исмоилзода Зуфар Муртазохон
Спитамен №25 — Аҳмадзода Бахтиёр Ҳикматулло
Бохтар №26 — Маҷидова Сарвиноз Комиловна
Кӯшониён №27 — Шодиён Муҳаммад Султонзода
Абдураҳмони Ҷомӣ №28 — Ашӯрзода Гулбаҳор Сангило
Ёвон №29 — Азимзода Толибхон Ситомурод
Ҷалолиддини Балхӣ №30 — Тоҳирзода Ҳаким Ҳикматулло
Қубодиён №31 — Файзуллозода Зафар Хайрулло
Вахш №32 — Сафарзода Бахтовар Амиралӣ
Ҷайҳун №33- Шарофзода Гавҳар
Фархор №34 — Раҳмонзода Зоҳир Файзалӣ
Ҳамадонӣ №35 — Одинаев Ҳаёт Абдулҳақович
Данғара № 36 — Абдухолиқзода Лутфия Абдухолиқ
Кӯлоб №37 — Ҳакимзода Шариф Саидович
Мӯъминобод №38 — Абдуллоев Мироҷ Саломович
Восеъ №39 — Латифзода Рустам Барот
Ванҷ №40 — Қодири Қосим
Хоруғ № 41 — Гиёзода Азиз Қодир
