Ҳоло ки дар тамоми ҷаҳон ба далели дунёгир шудани коронавирус мусобиқоти варзишӣ манъ шудаанд, диққати мухлисони футбол ба ҷониби Тоҷикистон равона гардид.
Дар Тоҷикистон, ки сирояти коронавирус ба қайд гирифта нашудааст, мусобиқаҳои мавсими нав мувофиқи нақша гузаронида мешаванд, аммо барои эҳтиёт бозиҳо бе ширкати мухлисон дар варзишгоҳҳои холӣ баргузор мешаванд. Ҷойи тамошобинонро навиштаи бузурге бо арзи сипос ба унвони пизишкони ҷаҳон, ки имрӯзҳо бо коронавирус панҷа нарм мекунанд, гирифта буд.
5-уми апрел мавсими нави Чемпионати футболи Тоҷикистон миёни дастаҳои Лигаи олӣ оғоз гардид. Дастаҳои нави Лигаи олӣ “Локомотив-Помир” (Душанбе) ва “Файзканд (Восеъ) дар Варзишгоҳи марказии ҷумҳуриявӣ мусовӣ (2:2) бозӣ карданд. “Хатлон” (Бохтар) бар дастаи “Истаравшан” (Истаравшан) бо ҳисоби 2:1 пирӯз шуд. Дидори дастаҳои “Куктош” (Рӯдакӣ) ва “Регар-ТадАЗ” (Турсунзода) бе гол анҷом ёфт.
Ду бозии дигари даври якуми Чемпионати Тоҷикистон, дирӯз, 8-уми апрел, баргузор шуданд. “Хуҷанд” дар меҳмонӣ бар КМВА пирӯз шуд. Ин бозӣ бо натиҷаи 1:3 анҷом ёфт. “Душанбе-83” дар Варзишгоҳи марказии Душанбе аз “Истиқлол” шикаст хӯрд. Дар ин бозӣ «Истиқлол» 7 гол зад, ки хет-трики аввалин мавсим ба Манучеҳр Ҷалилов тааллуқ дорад. Дублро Шериддин Бобоев ба номи худ навишт.
Чемпионати футболи Тоҷикистон. Лигаи олӣ. Даври 1-ум:
«Локомотив-Помир» – «Файзканд» – 2:2
Голҳо: Наврӯз Рустамов, 49 (0:1). Шаҳром Сулаймонов, 55 (1:1). Азизбек Ҳасанов, 71 (2:1). Азизҷон Зарифов, 72 (2:2).
5 апрел. Душанбе, Варзишгоҳи марказии ҷумҳуриявӣ
«Хатлон» – «Истаравшан» – 2:1
Голҳо: Илҳом Баротов, 10 (0:1). Парвиз Боқӣ-Охунов, 53 (1:1). Эҳсон Бобоев, 90+4 – аз пеналтӣ (2:1).
5 апрел. Ҷалолиддин Балхӣ. Варзишгоҳи ба номи Уктам Маматов.
«Куктош» – «Регар-ТадАЗ» – 0:0
5 апрел. Рӯдакӣ. Варзишгоҳи «Нефтяник».
КВМА – «Хуҷанд» – 1:3
Голҳо: Андрей Сидоров, 45 (0:1). Хуршед Бекназаров, 63 (0:2). Шодибек Ғаффоров, 76 (1:2). Манучеҳр Аҳмадов, 90+2 – а пеналтӣ (1:3).
8 апрел. Душанбе. Варзишгоҳи КМВА-и Вазорати мудофиа.
«Душанбе-83» – «Истиқлол» – 0:7
Голҳо: Вахит Оразсахедов, 25 (0:1). Манучеҳр Ҷалилов, 31 (0:2). Алишер Ҷалилов, 46 (0:3). Манучеҳр Ҷалилов, 59 (0:4). Манучеҳр Ҷалилов, 64 (0:5). Шериддин Бобоев, 80 (0:6). Шериддин Бобоев, 90 (0:7).
8 апрел. Душанбе, Варзишгоҳи марказии ҷумҳуриявӣ.
