.

Alternative flash content

Requirements

Get Adobe Flash player

Материалы отфильтрованы по дате: Сентябр 2018 - || ФАРАЖ

Хонандагони Муассисаи таҳсилоти миёнаи умумии №48-и ноҳияи Қубодиёнро надоштани толори варзишӣ ва гузаронидан дарсҳои варзиш дар фасли сармо дар синфхонаҳои танг нигарон кардаст. 

Директори МТМУ №48-и ноҳияи Қӯбодиён Дилафрӯз Шарипова гуфт, ки  мушкилии асосии 652 нафар хонандаи муассиса надоштани толори варзишӣ мебошад.

Ӯ нигаронӣ аз он кард, ки  «фасли зимстон дар пеш аст, мо намедонем дарсҳои тарбияи ҷисмониро дар куҷо ба хонандагон гузаронем».

Дар муассиса як майдончаи варзишӣ аст, ки он низ пур аз сангу хок буда, хонандагон наметавонанд, ба хубӣ машғулиятҳои варзишии худро гузаронанд.

Ҳамзамон ӯ қайд намуд, ки 6 сол қабл ин муассиса соҳиби як толори варзишии садамавӣ буд, аммо аз набудани синфхона онро низ хароб карда, дар ҷойяш 8  синфхона бунёд карданд.

Дилафрӯз Шарипова афзуд:

- Ман дар ин муасссиса як сол шуд директор шудаам ва то ҳол ба мақомоти лозима барои бунёди толор, муроҷиат накардаам, аммо директорони пешинаи ин даргоҳ борҳо ба мақомоти болоӣ барои бунёди толори варзишӣ мактуб карда буданд, вале беҷавоб боқӣ мондаанд. Гарчанде, ман соҳибкоронро борҳо барои бунёди ин толор даъват намудаам, аммо онҳо аз ин кор даст кашиданд, зеро барои бунёди як толори варзишӣ маблағи зиёд лозим аст.

Мактаби №48 дар маркази  ноҳияи Қубодиён аз соли 1938 сохта шудааст. Агар дар маркази ноҳия муассисаи таълимӣ толор надошта бошад, пас дар мактубҳои дурдасти ноҳия вазъ дар кадом ҳолат қарор дорад?

Бояд гуфт, ки орзуи ягонаи 652 нафар хонандаи МТМУ №48-и ноҳияи Қубодиён бунёди толори варзишӣ дар таълимгоҳашон аст, аммо ин орзуи онҳо кай амалӣ мешуда бошад? 

Рахмоналӣ Додархӯҷаев

Аҳмадчон Раҳимзода

 

Шумо дар Хабари рӯз

 

Як нафари пеш судшуд бо истифода аз корд ба чони ноболиғи 10-сола таҳдид карда, пулу моли хонаро дуздидааст, аммо ба зудӣ дастгир шудааст ва бояд барои ин амалаш ҷавоб гӯяд.

Ба ШВКД дар ноҳияи Мастчоҳ ҷавони 28-солаи сокини ҷамоати деҳоти Бӯстони ноҳияи мазкур дар он хусус муроҷиат намудааст, ки 13-уми сентябри соли 2018, тахминан соати 00:00, шахси номаълуми ниқобпӯши бо корд мусаллаҳ, ба хонаи истиқоматиаш даромада, бо корд писари ноболиғи 10-солааш таҳдид кардааст. Бо ин роҳ ин нафар 44.000 сомонӣ пул, 3 адад телефони мобилии тамғаҳои «Айфон-5», «ОППО» ва «Нокиа», ки арзишашон 2400 сомониро ташкил медиҳад, гирифта, аз ҷои ҳодиса ғайб задааст. Кормандони милитсия марди 29-солаи сокини ноҳияи Мастчоҳ, ки пеш бо моддаи 237-и Кодекси ҷиноятии Ҷумҳурии Тоҷикистон суд шудааст, ҳамчун гумонбар дар содир намудани ҷинояти роҳзанӣ дастгир кардааанд.

 

Шумо дар Хабари рӯз
Ҷумъа, 14 Сентябр 2018 10:00

Интернети 4G-Tcell дар Боми ҷаҳон

Tcell нахустин шуда сокинони Хоруғро бо интернети 4G таъмин кард. Мутахассисони ширкат дар наздикии Боғи марказии шаҳри Хоруғ истгоҳи наверо насб карданд, ки дастрасии сокинони шаҳрро ба интернети тезсуръати то 20 Мбит/с фароҳам хоҳад сохт.

Шаҳри Хоруғ маркази маъмурии ВМКБ буда, сатҳи дониш дар он бо вуҷуди дурияш аз пойтахти кишвар фарқкунанда аст. Дар Хоруғ се муассисаи таҳсилоти олӣ фаъолият доранд, ки ҳамасола садҳо нафар бо тахассусҳои гуногун онҳоро хатм мекунанд. Дар шаҳр марказҳои бузурги тиҷоратӣ, коргоҳ, тарабхона ва меҳмонсаройҳо хеле зиёданд.

Ба ҳамагон маълум аст, ки дар чунин шаҳр ҳамеша талабот ба иртиботи устувору боэътимод ва замонавӣ хеле зиёд аст.

Ширкати Tcell бо вуҷуди мушкил будани интиқоли техникаҳо ба минтақаҳои баланди куҳӣ, талош дорад, то сокинони минтақаро бо имкониятҳои нави технологӣ таъмин созад. Бештари сокинони ВМКБ муштариёни бовафои Tcell буда, тайи даҳсолаҳо аз он истифода мекунанд ва бинобар ин, бояд сетро беҳтару устувортар кард. Истгоҳи нави меъёри 4G маркази шаҳри Хоруғ - Боғи марказӣ, коргоҳҳо, марказҳои тиҷорӣ, таваққуфгоҳҳо, тетар, додгоҳ, бинои РКД шаҳрӣ, меҳмонхонаҳо ва тарабхонаҳоро фаро мегирад, ки бештари инҳо муштариёни корпаративии ширкатанд.

Интернети 4G имкон медиҳад, ки муштариён дилхоҳ матлаби худро роҳат ва зуд боргирӣ карда, навору видеоҳои хостаашонро бе ягон мушкил гӯш ва тамошо кунанд.

"Ҷаҳони имрӯз дар ҳаракат буда, ҳар сония дигар мешавад. Муносибати мо бо телефонҳои мобилӣ низ тағйир хоҳад ёфт. Имрӯз мо сокинони Хоруғро бо дараҷаи чаҳоруми алоқа ё худ иртибот таъмин мекунем, ки бовар дорем, рушди иқтисодиву доираҳои кории шаҳрро дар оянда хоҳад тезонд ва тавонмандии сайёҳии минтақаро боз ҳам беҳтар хоҳад кард", - мегӯяд мудири кулли Озодхон Давлатшоев.

Истгоҳи нав дастрасии шабака (сет)-ро барои муштариён, бахусус истифодабарандагони смартфон ва интернет беҳтар хоҳад кард. Акнун сокинон ва меҳмонони Хоруғ метавонанд, бо боварии комил аз иртиботи дараҷаи чаҳорум ба воситаи ширкати Tcell истифода бурда, чаҳони дигареро барои худ кашф кунанд. Ин навоварӣ имкон медиҳад, ки сокинони Хоруғ ба манобеи омӯзишиву иттилоотӣ ва тафреҳии шабакаи ҷаҳонӣ дастрасии хуб дошта бошанд.

Нақшаҳои Tcell барои рушди шабака дар минтақа дар инҷо хотима намеёбанд. Ширкат тасмим дорад, рӯзҳои наздик тамоми шаҳри Хоруғ ва марказҳои навоҳии ВМКБ-ро бо интернети 4G таъмин созад.

Шумо дар Хабари рӯз

Аз 16-ум то 19-уми сентябри соли равон дар шаҳри Душанбе мавсими 3-юми кинофестивали «Навсоз-2018» бахшида ба “Соли рушди сайёҳӣ ва ҳунарҳои мардумӣ” дар кинотеатри “Ватан” баргузор мегардад. Дар ин бора ба хабарнигорон директории кинофестивал Муҳибназар Холназаров имрӯз иттилоъ дод.

Ӯ гуфт, соли ҷорӣ барои ширкат варзидан дар кинофестивал наздики 80 филм аз 9 давлат ба монанди ИМА, Тоҷикистон, Қазоқистон, Қирғизистон, Арманистон, Русия, Ӯзбекистон, Афғонистон ва Белорусия пешниҳод шуданд, ки аз ҷониби ҳайати ҳакамони ҷашнвора 20 филми бадеӣ ва ҳуҷҷатӣ ба фестивал роҳ ёфтанд.

Ҳадафи баргузории ин ҷашнвора таваҷҷӯҳ ба соҳаи кино, ҷалби киносозони ҷавон ва дарёфти истеъдодҳо дар доираи барномаи рушди соҳаи кино, ки аз ҷониби Президенти кишвар Эмомалӣ Раҳмон пешниҳод шудааст, маҳсуб меёбад. 

Гуфта мешавад, ки ҳамзамон дар фестивал филмҳои ғайриозмунӣ низ ба намоиш гузошта мешавад.

Дилшод Болтаев

Шумо дар Хабари рӯз
саҳ 19 аз 41

Хабари рӯз

Календар

« Сентябрь 2018 »
Пн Вт Ср Чт Пт Сб Вс
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Минбари сардабир

  • симКАРта

    Дар ҳафтае, ки гузашт, дар шабакаҳои иҷтимоӣ ин калима аз…

Нигоҳи хос

  • «РИСК»

    Ба назар чунин мерасад, ки нависандагони мо ба «бемории хомӯшӣ»…
  • Чаро бояд китоб хонд?

    Инсон дар таърих ду кашфиёти бузург дорад: яке ҳунари ноширӣ,…

Парадокс

Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ...
Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ба ...
Гуфтед? Мегӯянд! (№3
Бег САБУР, раиси Хадамоти алоқа:- Ман қарорамро бекор накардаам.Танз: Офарин ба Шумо, оғои Бег ...
Гуфтед? Мегӯянд! (№2
Аскар ҲАКИМ, Шоири халқии Тоҷикистон:- Дар замони шӯравӣ мо асареро пайдо намекунем, ки дар ...
Гуфтед? Мегӯянд! (№1
Абдуалим ИСМОИЛЗОДА, раиси шаҳри Қӯрғонтеппа Хонандаи беҳтарин- Кӯшиш мекунам ҳар рӯз лоақал ...

Назарҳо

Яндекс.Метрика

 

Яндекс.Метрика

 

© «Фараж», 2011-2018. Истифодаи маводи сайти мазкур танҳо бо иҷозати хаттии идора мумкин аст.

Нишонии идора: шаҳри Душанбе, хиёбони Саъдии Шерозӣ, 16, ошёнаи 8.
Сайт бо кӯмаки моддии Free Press Unlimited сохта шудааст.