.

Alternative flash content

Requirements

Get Adobe Flash player

Материалы отфильтрованы по дате: Сентябр 2018 - || ФАРАЖ

Шикастани шишаи мошинҳо ва дуздии ашёҳо аксари сокинони мошиндорро дар шаҳри Душанбе нигарон кардааст.

Сокинони кӯчаи Федина дар маҳаллаи «Автовокзал» дар суҳбат бо «Фараж» аз он изҳори озурдагӣ карданд, ки бори чандум аст, шахсони номаълум шабона шишаҳои мошинҳояшонро шикаста, ашёҳоро медузданд, вале мутаассифона, мақомот дар ошкору ба ҷавобгарӣ кашидани нафарони содиркунандаи чунин ҷиноятҳо саҳлангорӣ мекунанд.

Онҳо мегӯянд, шаби гузашта низ шахсони номаълум шишаҳои чанд мошинро, ки шабона дар назди бинои истиқоматӣ гузошта шуда буданд, шикаста, пулу ашё ва ҳатто ҳуҷҷати хизматиеро низ бо худ бурдаанд.

Умед, сокини ин маҳалла, ки яке аз ҷабрдидаҳост, мегӯяд, шишаи қафои мошинашро шикаста, онро кофтаанд, вале хушбахтона, ягон чизро надуздидаанд, вале аз дохили мошини ҳамсояааш, пул ва ҳуҷҷати хизматияшро дуздидаанд.  Бино ба гуфти Умед, чунин ҳодиса бо мошини ӯ 7 моҳ пеш рух дода буд. Он замон низ шахсони номаълум шишаи мошинашро шикаста буданд, вале ҳайратовараш он аст, ки боз ҳам чизеро надуздида буданд.

Яке аз ҷабрдидаҳо, ки нахост номаш ифшо шавад, гуфт, соати 6-и субҳ аз ҳодиса огоҳ шуда, ба мақомот хабар додааст. «Баъдан кормандони ШВКД-2 дар ноҳияи Сино ба ҷои ҳодиса ҳозир шуда, баёноти ҷабрдидаҳоро гирифтанд». Ин дар ҳолест, ки аз қисми навбатдории ШВКД-2-и ноҳияи Сино ба занги телефонии «Фараж» гуфтанд, ки аз рух додани чунин ҳодиса хабар надоранд.

Шумо дар Хабари рӯз
Сешанбе, 25 Сентябр 2018 15:56

Tcell ва “Ҷоизаи мусиқии Боб”

«Ҷоизаи мусиқии Боб» озмуни миллии оҳангу сурудҳои асил аст, ки ду сол боз дар Тоҷикистон баргузор мешавад. Иҷозаи ширкат дар онро ҷавононе ба даст меоранд, ки тарона ва мусиқиро худашон эҷод карда бошанд. Tcell дар ин давра ба шарики собити озмун табдил ёфта, барои дарёфти истеъдодҳо ва рушду такомули санъат мусоидат мекунад. 

Аз 1 май то 15 августи соли 2018 қабули дархостҳо барои ширкат дар озмун идома дошт. Ҷавонони аз 16 то 28-сола имкони супоридани дархостро тавассути сомонаи www.bobsmusicaward.tj ва пур кардани пурсишнома, инчунин ирсоли матну навори оҳанг (суруд) дар иҷрои муаллифро доштанд. Тайи ин муддат 45 дархост аз мусиқачиёни ҷавони Душанбе, вилояти Суғд ва ВМКБ ворид гардид. Ба даври ниҳоӣ 11 нафар, ки аз ҷониби ҳакамон баргузида шуданд, роҳхат гирифтанд.

Ин 11 нафар дар наздиктарин фурсат, аниқтараш 29-сентябри соли равон, соати 17:00 дар “Гала-консерт”-и ниҳоии “Ҷоизаи мусиқии Боб”, ки қарор аст дар Филармонияи давлатии ба номи Акашариф Ҷӯраев баргузор шавад, ҳунарнамоӣ хоҳанд кард. Даромадан (воридшавӣ) барои мухлисон ройгон аст, билетҳоро бепул аз ғурфаҳои филармония дастрас карда метавонед.

Ҳамаи финолистҳо суруди мусиқии муаллифиашонро, ки дар равияҳои мухталифи мусиқӣ ва бо забонҳои гуногун эҷод кардаанд, иҷро менамоянд. Қабл аз “Гала- консерт” барои онҳо дарси вижа (мастер-класс)-ҳо дар мавриди овозхонӣ ва ҳунарнамоӣ аз ҷониби ҳунармандони ҳирфаии санъати Тоҷикистон баргузор мешавад. Ба ҳайати ҳакамони озмун - Ҷасур Халилов, Иқбол Завқибеков, Кирилл Кузмин, Ширинмоҳ Ниҳолова, M.One – Мастер Исмаил, Беҳруз Зеваров ва Баха 84 шомиланд.

Пас аз ҷамъбасти ҳунарнамоӣ 3 нафар ғолиби озмун муайян гардида, барои рушди ояндаи эҷодиёташон соҳиби мукофоти пулӣ мешаванд. Барандаи мақоми аввал бошад, ҳуқуқ пайдо мекунад, ки маҳсули эҷодашро дар эфири радиои “Ватан” ройгон пахш намояд, инчунин барои ӯ хидмати студияи сабти садо (оҳанг) ва дастгирии мутахассис-продюсер пешниҳод мешавад

Барои Tcell дастгирии  «Ҷоизаи мусиқии Боб» - ҳамчун лоиҳаи муҳими иҷтимоӣ ҷиҳати бунёд ва эъмори майдон ба ҷавонони боистеъдод, рушди санъату мусиқӣ, дастгирии имкониятҳои онҳо аз аҳамияти хоса бархӯрдор аст. Ҳадафи озмун– дастгирии мусиқачиёни ҷавон аз ҳамаи гӯшаву канори Тоҷикистон, ки дар равияҳои мухталиф суруду оҳанг меофаранд, мебошад. 

Тайи ин ҳама муддат, ки ирсоли дархостҳо идома дошт, Tcell тавассути рақами кӯтоҳи 1414 дастгирии техникиро ба роҳ монда, ба муддаиён тартиб, шарту шароит ва қоидаҳои иштирокро дар озмун мефаҳмонд. Ба ғайр аз ин, воридшавӣ ба сомонаи расмии ҷоиза барои муштариёни  Tcell ройгон сурат мегирифт. Дар чаҳорчӯби дастгирии иттилоотӣ, ширкати Tcell ба аҳолӣ маълумоти заруриро тариқи шабакаҳои гуногун дар бораи ин чорабинӣ пешниҳод сохт. Дар ҳамаи марказҳои хизматрасонӣ ва эксклюзивӣ низ кормандони ширкат шахсони тавваҷҷуҳдоштаро бо қоидаву шартҳои озмун ошно мекарданд, барои пур кардани суолнома (анкета) кӯмак расониданд.

“Маркази фарҳангии Бохтар” бори дуввум аст, ки озмуни миллии сурудҳои асили “Ҷоизаи мусиқии Боб”-ро бо дастгирии Дафтари ҳамкориҳои Швейтсария дар ҶТ, Сафорати Британияи Кабир ва Ирландияи Шимолӣ, Сафорати Фаронса дар ҶТ, ширкати Tcell ва Вазорати фарҳанги Тоҷикистон баргузор менамояд.

Шумо дар Хабари рӯз

Ояндаи наздик палатаи  поёнии Парламенти Тоҷикистон ба лоиҳаи Қонуни Ҷумҳурии Тоҷикистон «Дар бораи минтақаҳои озоди иқтисодӣ» тағйиру  иловаҳо ворид менамояд.

Раиси кумитаи Маҷлиси намояндагон оид ба иқтисод ва молия Шариф Раҳимзода дар ҷаласаи Шӯрои Маҷлиси намояндагон  25 сентябр зимни баррасии масъалаи мазкур гуфт, ки лоиҳаи қонун бо мақсади фароҳам овардани заминаи воқеӣ ҷиҳати рушди устувори минтақаҳои озоди иқтисодии кишвар ва мутобиқати он ба муқаррароти Конвенсияи Киото (1973) дар бораи содагардонии механизми воридот ва содирот аз ҳудуд ва ба ҳудуди минтақаҳои озод таҳия гардидааст.

Ҳамзамон аъзои Шӯро ворид намудани тағйиру иловаҳо ба лоиҳаи Қонуни Ҷумҳурии Тоҷикистон  «Дар бораи муфлисшавӣ»-ро баррасӣ намуданд. Зикр шуд, ки  лоиҳаи қонуни мазкур бо мақсади мутобиқ намудан ба лоиҳаи Қонуни Ҷумҳурии Тоҷикистон «Дар бораи гарави молу мулки манқул ва бақайдгирии уҳдадориҳои таъминшуда» таҳия гардидааст. Иловаи қисми 6 ба моддаи 53 масъалаи бо дархости кредитор аз ҷониби суд дар бораи аз моратория хориҷ намудани уҳдадориҳои пулии шахси муфлисшударо, ки дар асоси он молу мулк ба фоидаи чунин кредитор ҳамчун таъминот пешниҳод шудааст, муқаррар менамояд. Инчунин лоиҳаи қонун ба таъмини ҳифзи манфиатҳои амонатгузорон дар ташкилотҳои қарзӣ нигаронида шудааст.

Дар ҷаласаи Шӯрои Маҷлиси намояндагон инчунин лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи ишораҳои ҷуғрофӣ»  баррасӣ шуд.

Шумо дар Хабари рӯз

Бо мақсади амалӣ намудани «Стратегияи миллии мубориза бар зидди гардиши ғайриқонунии маводи мухаддир дар Ҷумҳурии Тоҷикистон барои солҳои 2013-2020» ҳамасола дар қаламрави мамлакат дар ду марҳила - аз 20 май то 31 август ва аз 1 сентябр то 30 ноябр дар ҳудуди ҷумҳурӣ амалиёти «Кӯкнор» гузаронида мешавад.

Дар Агентии назорати маводи нашъаовари назди президент оид ба ҷамъбасти марҳилаи якуми Ситоди ҷумҳуриявии амалиёти «Кӯкнор-2018» ҷаласа баргузор гардид. Дар ҷаласа намояндагони мақомоти ҳифзи ҳуқуқ ва сохторҳои қудратӣ иштирок намуда, ҳисоботи сардори шуъбаи фаврӣ-ҷустуҷӯии Раёсати Агентии назорати маводи нашъаовар дар вилояти Суғд ва сардори Раёсати Агентии назорати маводи нашъаовар дар вилояти Хатлон оид ба ташкили гурӯҳҳои корӣ, дуруст ба роҳ мондани кор дар ин самт ва ҳамкорӣ бо мақомоти дахлдор, баргузории чорабиниҳои маҷмӯии таблиғотию пешгирикунанда дар байни аҳолӣ шунида шуд.

Зикр гардид, ки ҳадафи амалиёти «Кӯкнор» ошкор ва нобуд кардани растаниҳои нашъадори худрӯй ва ғайриқонунӣ киштшуда, бастани роҳҳои интиқоли ғайриқонунии маводи нашъаовар   дар  ҳудуди   Ҷумҳурии  Тоҷикистон,  инчунин  гузаронидани чорабиниҳои  маҷмӯии  таблиғотӣ-пешгирикунанда дар байни табақаҳои гуногун дар қаламрави  ҷумҳурӣ мебошад.

Ҳамчунин диққати ҳозирин ба рафъи камбудиҳои ҷойдошта ва ҷоннок намудани фаъолият дар ин самт ҷалб карда шуд.

Шумо дар Хабари рӯз
саҳ 2 аз 41

Хабари рӯз

Календар

« Сентябрь 2018 »
Пн Вт Ср Чт Пт Сб Вс
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Минбари сардабир

  • симКАРта

    Дар ҳафтае, ки гузашт, дар шабакаҳои иҷтимоӣ ин калима аз…

Нигоҳи хос

  • «РИСК»

    Ба назар чунин мерасад, ки нависандагони мо ба «бемории хомӯшӣ»…
  • Чаро бояд китоб хонд?

    Инсон дар таърих ду кашфиёти бузург дорад: яке ҳунари ноширӣ,…

Парадокс

Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ...
Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ба ...
Гуфтед? Мегӯянд! (№3
Бег САБУР, раиси Хадамоти алоқа:- Ман қарорамро бекор накардаам.Танз: Офарин ба Шумо, оғои Бег ...
Гуфтед? Мегӯянд! (№2
Аскар ҲАКИМ, Шоири халқии Тоҷикистон:- Дар замони шӯравӣ мо асареро пайдо намекунем, ки дар ...
Гуфтед? Мегӯянд! (№1
Абдуалим ИСМОИЛЗОДА, раиси шаҳри Қӯрғонтеппа Хонандаи беҳтарин- Кӯшиш мекунам ҳар рӯз лоақал ...

Назарҳо

Яндекс.Метрика

 

Яндекс.Метрика

 

© «Фараж», 2011-2018. Истифодаи маводи сайти мазкур танҳо бо иҷозати хаттии идора мумкин аст.

Нишонии идора: шаҳри Душанбе, хиёбони Саъдии Шерозӣ, 16, ошёнаи 8.
Сайт бо кӯмаки моддии Free Press Unlimited сохта шудааст.