.

Alternative flash content

Requirements

Get Adobe Flash player

Материалы отфильтрованы по дате: Сентябр 2018 - || ФАРАЖ

Имрӯз дар ноҳияи Шоҳмансури пойтахт Муассисаи таълимии таҳсилоти умумии ғайридавлатии «Академияи умумиҷаҳонии Кембриҷ» ба истиофда дода шуд, ки дар расми ифтитоҳи он президент Эмомалӣ Раҳмон ва раиси шаҳри Душанбе Рустами Эмомалӣ ширкат доштанд.

Ба сохтмони ин муассисаи байналмилалии Тоҷикистону Бритониё 28 апрели соли 2017 санги асос гузошта шуда буд, ки дар давоми яку ним сол бо тарҳи замонавӣ ва сифати баланди меъморӣ бунёд карда шуд.

Масоҳати умумии қитъаи замини муассисаи таълимии мазкур 6847 метри мураббаъ ва масоҳати умумии сохтмони он 2345 метри мураббаъро ташкил медиҳад. Муассиса аз ду бинои сеошёна бо таҳхонаю болохона ва як бинои дуошёна иборат мебошад.

Дар мактаби мазкур 500 ҷой барои таълиму тарбияи томактабӣ ва таҳсилоти умумӣ фароҳам оварда шудааст.

Ошхона бо 150 ҷойи нишаст, нуқтаи тиббӣ, китобхона ва синфхонаҳо барои таълиму тарбияи томактабӣ ва синфҳои болоӣ мавҷуд аст. Дар муассиса синфхонаҳо барои омӯзиши фанни таълими меҳнат, аз ҷумла, азхудкунии пухту паз, синфхонаи муҳандисӣ барои омӯзиши технологияи муосир, ҳавзи оббозӣ, синфхонаи махсус барои омӯзиши рақсҳои гимнастика ва балет, толори варзишӣ, ҳуҷраи ивази сару либос ва толори маҷлис барои 90 ҷойи нишаст ҷойгир мебошанд.

Таълим дар ин муассиса тибқи барномаҳои таълимии зинаҳои таҳсилоти томактабӣ ва таҳсилоти умумӣ дар асоси стандартҳои давлатии таҳсилоти Британияи Кабир ва мутобиқ ба стандартҳои давлатии таҳсилоти Ҷумҳурии Тоҷикистон сурат гирифта, забони таълим забони англисӣ мебошад. Таълиму тарбияи томактабӣ дар маркази инкишофи кӯдакон ва таҳсилоти умумӣ дар се зина - ибтидоӣ, умумии асосӣ ва миёнаи умумӣ амалӣ мегардад.

Пас аз хатми ин муассиса ба хатмкунандагон ҳуҷҷатҳои таҳсилоти намунаи давлатии Ҷумҳурии Тоҷикистон ва Британияи Кабир дода шуда, онҳо метавонанд таҳсили худро дар муассисаҳои таълимии таҳсилоти олии касбӣ ва илмии кишварҳои Аврупо, Амрико, Япония ва ғайра идома диҳанд.

Омӯзгорону устодон дар ин муассиса аз доираи беҳтарин муаллимони соҳибкасбу соҳибтаҷрибаи Британияи Кабир ва Ҷумҳурии Тоҷикистон даъват гардида, машғулиятҳову дарсҳо ба хонандагон бо истифода аз усулҳои муосири таълим ба роҳ монда мешаванд.

Ба ғайр аз ин, муассисон ба нақша гирифтаанд, ки то соли 2020 баъди аз ҷониби мақомоти дахлдори давлатӣ ҷудо гардидани қитъаи замин барои хонандагони аз 18 то 23- сола коллеҷ бунёд намоянд.

Шумо дар Хабари рӯз
Панҷшанбе, 20 Сентябр 2018 09:49

Куштори набера ба дасти модарбузург

Ваҳшонияти модар ба ҷойе расидааст, ки набераи хурдсоли худро зинда зери хок кардааст. Дар ин бора маркази матбуоти ВКД ҶТ хабар дод.

Рӯзи 18-уми сентябри соли 2018, соати 16:30-дақиқа, аз назди ҷӯйбори обгузари ҷамоати деҳоти Ифтихори ноҳияи Абдураҳмони Ҷомӣ ҷасади писарбачаи хурдсол дарёфт гардидааст.

Бо гузаронидани чорабиниҳои оперативӣ-ҷустуҷӯӣ аз ҷониби кормандони милитсия маълум гардидааст, ки ҷасади дарёфтгардида писарбачаи 3-солаи сокини ҷамоати деҳоти Ифтихори ноҳияи мазкур мебошад.

Ӯро 12-уми сентябри соли 2018, тахминан соатҳои 10:00, модарбузургаш, зани 58-сола, тариқи маҷбурӣ, зинда таги хоку лой намудааст, ки дар натиҷа хурдсол ба ҳалокат расидааст. Ҳодиса аз ҷониби милитсия тафтиш мешавад.

Шумо дар Хабари рӯз
Панҷшанбе, 20 Сентябр 2018 09:44

«Хуҷанд» дубора бар маснад нишаст

Клуби футболи «Хуҷанд»-и Хуҷанд дар даври 17-уми Чемпионати футболи мамлакат байни дастаҳои Лигаи олӣ дар сафар бар «Регар-ТадАЗ» пирӯз шуд ва дуюора ба ҷои аввали ҷадвали мусобиқот баромад.

Рӯзи сешанбе «Истиқлол»-и Душанбе бо мушкилӣ тавонист ба «Кӯктош»-и ноҳияи Рӯдакӣ ғолиб ояд ва муваққатан ба ҷойи аввал барояд. Дар ҷавоби ду голи соҳибони майдон душанбегиҳо бо че гол - дубли Фатҳуллоев (дубл) ва як голи Амирбек Ҷӯрабоев ҷавоб гардонданд.

Барои «Хуҷанд» низ зарур буд, ки дар бозӣ бо турсунзодагиҳо ғолиб ояд. Фарҳод Тоҳиров тавонист дар варзишгоҳи «Талко-Арена»  дар дақиқаи 57-ум ба дарвозаи соҳибони майдон тӯби ягонаро ворид намояд ва дастаашро дубора бар маснад шинонад.

Дар бозии дуюми рӯз дастаи «Панҷшер»-и Ҷалолиддини Балхӣ дар майдони худ «Хатлон»-ро ба шикаст рӯ ба рӯ карда, бо ҳисоби 2:0 пирӯзӣ ба даст овард. Тӯбҳоро Мунир Давлатбеков дар дақиқаи 22-юм ва Хайриддин Тӯрахонов дар дақиқаи 77-ум заданд.

Даври 17-уми Чемпионат имрӯз бо бозии байни дастаҳои «Барқчӣ» ва КМВА «Помир» дар Варзишгоҳи марказии шаҳри Ҳисор ба анҷом мерасад.

Чемпионати Тоҷикистон. Лигаи олӣ.

Даври 17

«Кӯктош» – «Истиқлол» – 2:3

Голҳо: Меҳроҷиддин  Музаффаров, 15 (1:0). Фатхулло Фатхуллоев, 45 (1:1). Идан Окран, 58 – аз пеналтӣ (2:1). Амирбек Ҷӯрабоев, 60 (2:2). Фатҳулло Фатҳуллоев, 81 – аз пеналтӣ (2:3).

«Регар-ТадАЗ» – «Хуҷанд» – 0:1

Гол: Фарҳод Тоҳиров, 57.

«Панҷшер» – «Хатлон» – 2:0

Голҳо: Мунир Давлатбеков, 22 (1:0). Хайриддин Тӯрахонов, 77 (2:0).

Ҷой

 Дастаҳо

В

П

М

Б

Т\т

И

1

«Хуҷанд» (Хуҷанд)

17

13

3

1

37-14

42

2

«Истиқлол» (Душанбе)

17

13

3

1

31-15

42

3

«Кӯктош» (Рӯдакӣ)

17

7

3

7

24-26

24

4

«Регар-ТадАЗ» (Турсунзода)

17

5

4

8

21-23

19

5

КМВА «Помир» (Душанбе)

16

4

7

5

19-26

19

6

«Хатлон» (Бохтар)

17

5

3

9

17-22

18

7

«Панҷшер» (Ҷалолиддини Балхӣ)

17

3

6

8

14-22

15

8

«Барқчӣ» (Ҳисор)

16

2

1

13

10-25

7

Шумо дар Хабари рӯз
Панҷшанбе, 20 Сентябр 2018 09:33

Вазъи ҳаво: Борон ва раъду барқ мешавад

Имрӯз дар ҷумҳурӣ ҳавои камабри тағйирёбанда шуда, борон ва ба амал омадани раъду барқ дар назар аст.  Агентии обуҳавошиносии Тоҷикистон хабар медиҳад, ки ҳарорат дар бештари ноҳияҳои кишвар нисбат ба рӯзҳои қаблӣ то 2 дараҷа паст мегардад.

Ба иттилои манбаъ, имрӯз дар Вилояти Мухтори Кӯҳистони Бадахшон ҳавои абрноки бебориш пешгӯӣ гардида, ҳаво дар ғарби вилоят шабона 6-11, рӯзона 24+29 ва дар шарқи ин вилоят шабона 1-6 ва рӯзона +10+15 дараҷа гарм мешавад.

Имрӯз дар вилояти Суғд ҳавои абрноки тағйирёбанда шуда, боридани борон ва ба амал омадани раъду барқ дар назар аст. Ҳаво дар водиҳо шабона +10+15 ва рӯзона +21+26 дараҷа гарм мешавад.

Дар вилояти Хатлон ҳавои камабри тағйирёбанда пешгӯӣ шуда, дар ноҳияҳои кӯҳӣ боридани боронҳои кӯтоҳмуддат пешбинӣ мешавад. Дар водиҳо шабона 14-19 ва рӯзона 27+32 дараҷа гарм хоҳад шуд.

Дар шаҳру ноҳияҳои тобеи марказ ҳаво абрноки тағйирёбанда гашта, борон ва раъду барқ ба амал меояд. Шабона +9 +14 ва рӯзона +25+30 дараҷа гарм мешавад.

Дар шаҳри Душанбе шабона ва рӯзона боридани боронҳои кӯтоҳмуддат ва ба амал омадани раъду барқ дар назар аст. Шабона +11+13 ва рӯзона +28+30 дараҷа гарм мешавад.

Шумо дар Хабари рӯз
саҳ 8 аз 40

Хабари рӯз

Календар

« Сентябрь 2018 »
Пн Вт Ср Чт Пт Сб Вс
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Минбари сардабир

  • симКАРта

    Дар ҳафтае, ки гузашт, дар шабакаҳои иҷтимоӣ ин калима аз…

Нигоҳи хос

  • «РИСК»

    Ба назар чунин мерасад, ки нависандагони мо ба «бемории хомӯшӣ»…
  • Чаро бояд китоб хонд?

    Инсон дар таърих ду кашфиёти бузург дорад: яке ҳунари ноширӣ,…

Парадокс

Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ...
Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ба ...
Гуфтед? Мегӯянд! (№3
Бег САБУР, раиси Хадамоти алоқа:- Ман қарорамро бекор накардаам.Танз: Офарин ба Шумо, оғои Бег ...
Гуфтед? Мегӯянд! (№2
Аскар ҲАКИМ, Шоири халқии Тоҷикистон:- Дар замони шӯравӣ мо асареро пайдо намекунем, ки дар ...
Гуфтед? Мегӯянд! (№1
Абдуалим ИСМОИЛЗОДА, раиси шаҳри Қӯрғонтеппа Хонандаи беҳтарин- Кӯшиш мекунам ҳар рӯз лоақал ...

Назарҳо

Яндекс.Метрика

 

Яндекс.Метрика

 

© «Фараж», 2011-2018. Истифодаи маводи сайти мазкур танҳо бо иҷозати хаттии идора мумкин аст.

Нишонии идора: шаҳри Душанбе, хиёбони Саъдии Шерозӣ, 16, ошёнаи 8.
Сайт бо кӯмаки моддии Free Press Unlimited сохта шудааст.