.

Alternative flash content

Requirements

Get Adobe Flash player

Материалы отфильтрованы по дате: Сентябр 2018 - || ФАРАЖ

Имрӯз қисми зиёди роҳҳои маҳалии ноҳияи Шаҳритус ҳолати ногувор дошта, ниёз ба таъмиру азнавсозии ҷиддӣ доранд, вале масъулини соҳа вазъро ба таври дигар шарҳ дода мегуянд, ки 50 дарсади роҳҳои маҳалӣ ба талабот ҷавобгӯ аст.

Барои бе мушкилӣ ҳаракат кардани воситаҳои нақлиёт ҳамасола аз буҷаи кишвар маблағҳои ҳангуфт ҷудо карда мешавад, ки бо маблағҳои ҷудошуда қисме аз роҳҳо таъмиру бозсозӣ мешаванд, аммо вазъи таъмирталабии роҳҳо дар ноҳияи Шаҳритус то кунун ҳамчун мушкилоти меҳварӣ ба шумор меравад. Ба гуфти сармуҳандиси Муассисаи давлатии нигоҳдории роҳҳои автомобилгарди ноҳияи Шаҳритус Шуҳрат Маҷидов дар мувозинаи муассиса зиёда аз 94,7 км роҳҳои аҳамияти маҳалидошта мавҷуд аст, ки баъзеи ин роҳҳо тӯли 27 сол тамоман рӯи таъмиро надидаанд. Гуфта шуд, ки таъмиру нигаҳдории роҳҳои маҳалӣ бар зиммаи мақомоти маҳал вогузор гардидааст, аммо дар 8 моҳи соли ҷорӣ аз ҷониби мақомоти маҳалӣ 17 ҳазор сомонӣ ҷудо гардидааст, ки бо ин маблағ имкони таъмир кардани ҳатто 1 км роҳ нест. Ӯ мегӯяд: “Чандин маротиба ба мақомоти болоӣ барои маблағгузории бештари  таъмири роҳҳои маҳал муроҷиат кардем, аммо касе ёрӣ накард». Инчунин, ӯ афзуд, ки 50 дарсади роҳҳои маҳалӣ ба талаботи рӯз ҷавобгӯ аст. Ин дар ҳолест, ки тибқи мушоҳидаҳо маълумамон гардид, ки дар умум ҳамаи роҳҳои маҳалии ноҳия ҳоли хароб доранд. Беҳуда нагуфтаанд: «Офтобро ба доман пӯшонида намешавад». Пас, чаро бархе аз масъулин мушкилотро пинҳон мекунанд? Бояд гуфт, ки дар роҳи мазкур ҳаракати нақлиёт дар фасли баҳору зимистон мушкил аст ва сокинон аз ин чиз солҳост азият мекашанд. Ҳарчанд мушкилот зиёд аст, вале масъулини муассисаи давлатии нигоҳдории роҳҳои автомобилгарди ноҳияи мазкур мегӯянд, ки норасоиҳо ҳалли худро пайдо хоҳанд кард. Агар аз як тараф вазъи ҳузнангези роҳҳои маҳалии ноҳия ҳамчун мушкилоти калидии ронандагон ба шумор равад, ҳамзамон бинои муассисаи мазкур ба таъмири ҷиддӣ ниёз дорад, зеро шахс аз ворид гардидан ба ин бино табъаш хира мегардад. Бархе аз утоқҳои кории кормандони ин муасссиса пур аз хоканду ҳатто партов низ дида мешавад.

Раҳмоналӣ Додархӯҷаев

Шумо дар Хабари рӯз

Духтарони футболбози Тоҷикистон (U-16) дар марҳилаи якуми даври интихобии Чемпионати Осиё-2019, ки дар варзишгоҳи марказии шаҳри Ҳисор идома дорад, ҳамсолони худ аз Ҷазираҳои Мариянаи Шимолиро бо ҳисоби 3:0 шикаст доданд.

Духтарони 16-солаи футболбози Тоҷикистон дар дақиқаи 18-ум ҳисобро кушоянд. Ҳуҷумкунандаи дастаи мунтахаби Тоҷикистон Амина Собирова муаллифи голи аввалин гардида, дарвозабони дастаи мунтахаби Ҷазираҳои Мариянаи Шимолиро маҷбур кард, ки боз ду тӯби дигарро дар дақиқаҳои 56-ум ва 57-ум аз дарвозааш гирад. Ин аввалин хет-трики Амина дар силсилаи ин бозиҳо мебошад.

Дар даври дуюм духтарони футболбози Таиланд дастаи мунтахаби Сингапурро бо ҳисоби 6:0 шикаст доданд. Футболбоздухтарони тоҷик дар бозии якуми худ аз дастаи Сингапур бо натиҷаи 1:4 шикаст хӯрда буданд.

Дар марҳилаи якуми интихобии Чемпионати футболи Осиё миёни духтарони то 16-сола дастаҳои мунтахаби Тоҷикистон, Таиланд, Эрон, Сингапур ва Ҷазираҳои Мариянаи Шимолӣ иштирок доранд.

Аз шаш гурӯҳ ду дастаи ҷойҳои якум ва дуюм ба бозиҳои марҳилаи дуюм роҳхат гирифта, ду дастаи беҳтарини мақоми сеюм низ чунин имкониятро соҳиб хоҳанд шуд.  Се дастаи беҳтарини чемпионати гузашта – ҶХДК, Кореяи Ҷанубӣ ва Ҷопон ба даври финалӣ, ки соли оянда дар Таиланд баргузор мегардад, роҳхати мустақим ба даст оварданд.

Шумо дар Хабари рӯз

Дар чорроҳаи кӯчаи Рӯдакӣ ва Назаршоеви Душанбе як марди тақрибан 25-30-сола зери чархи мошин монда, дар бемористон ба ҳалокат расидааст, ки шахсияташ маълум нест.

17-уми сентябри соли 2018, тахминан соати 20:10а, ронандаи автомашинаи тамғаи “Опел-Астра” Гулов Фариддун Нурмаҳмадович, соли таваллудаш 2000, сокини кӯчаи Садриддин Айнии шаҳри Душанбе, ҳангоми ҳаракат аз самти кӯчаи Аҳмади Дониш ба самти кӯчаи Валаматзода, дар ҳудуди чорроҳаи кӯчаи Рӯдакӣ ва Назаршоеви пойтахт аз уҳдаи идораи воситаи нақлиёт набаромада, пиёдагарди ҷинсаш марди шахсияташ номаълум, тахминан 25-30-соларо зер кардааст. Дар натиҷа ин пиёдагард ҷароҳатҳои вазнини ҷисмонӣ бардошта, дар беморхонаи “Ёрии таъҷилӣ”-и Душанбе ба ҳалокат расидааст.

Шумо дар Хабари рӯз

Дирӯз Суди олии Тоҷикистон нсибати роҳбари ширкати «Умед-88» Раҷабалӣ Одинаев ҳукм баровард, ки дар асоси он ин соҳибкори тоҷик ба муддати 24 сол бояд дар паси панҷара монад.

Раҳбарияти ширкат ба азхудкунии воситаҳои давлатӣ ва ғайримақсаднок истифода бурдани қарз гунаҳкор дониста шудааст. Мудири ширкат Идибек Иброҳимов ба 22 соли зиндон маҳкум шудааст.

Муассиси ширкат Раҷабалӣ Одинаев ба иттиҳоми азхудкунии воситаҳои давлатӣ, камомад ва ғайримақсаднок истифода бурдани қарз ба 24 сол аз озодӣ маҳрум гардиааст. Адвокатҳои судшавандагон аз шарҳу тавзеҳи масъала худдорӣ варзиданд.

Раҳбарияти ширкати “Умед-88” 14 октябри соли гузашта боздошт шуда будШ. Гуфта мешуд, ки ин ширкат аз Вазорати молия дар ҳаҷми 170 млн. сомонӣ қарз гирифта, муддати қариб 4 сол аст онро ба давлат баргардонидааст. Охири моҳи майи соли ҷорӣ парвнада ба баррасии суд дода шуд. Моҳи июл раиси Суди олии Тоҷикистон Шермуҳаммад Шоҳиён ба журналистон хабар дод, ки роҳбари ширкати “Умед-88” дар содир намудани ҷиноят аз рӯи 7 модда гумонбар дониста шуда, бо сабаби махфӣ будани баъзе ҳолатҳои ҷиноятҳои Одинаев, мурофиаи судӣ пушт дарҳои пӯшида баргузор мешавад.

Ширкати “Умед-88” муддати беш аз 20 сол ба воридот ва фурӯши чаканаи маҳсулоти нафтӣ дар Тоҷикистон машғул буд. Ширкат асосан аз Русия ва Қазоқистон бензин ва сӯзишвории дизелӣ ворид мекард.

Шумо дар Слайд
саҳ 6 аз 34

Хабари рӯз

Календар

« Сентябрь 2018 »
Пн Вт Ср Чт Пт Сб Вс
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Минбари сардабир

  • симКАРта

    Дар ҳафтае, ки гузашт, дар шабакаҳои иҷтимоӣ ин калима аз…

Нигоҳи хос

  • Чаро бояд китоб хонд?

    Инсон дар таърих ду кашфиёти бузург дорад: яке ҳунари ноширӣ,…
  • зодРӮЗ

    Андӯҳи ту, ки хуршедро падруд мегӯяд, ба андозаи ҳасрати як…

Парадокс

Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ...
Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ба ...
Гуфтед? Мегӯянд! (№3
Бег САБУР, раиси Хадамоти алоқа:- Ман қарорамро бекор накардаам.Танз: Офарин ба Шумо, оғои Бег ...
Гуфтед? Мегӯянд! (№2
Аскар ҲАКИМ, Шоири халқии Тоҷикистон:- Дар замони шӯравӣ мо асареро пайдо намекунем, ки дар ...
Гуфтед? Мегӯянд! (№1
Абдуалим ИСМОИЛЗОДА, раиси шаҳри Қӯрғонтеппа Хонандаи беҳтарин- Кӯшиш мекунам ҳар рӯз лоақал ...

Назарҳо

Яндекс.Метрика

 

Яндекс.Метрика

 

© «Фараж», 2011-2018. Истифодаи маводи сайти мазкур танҳо бо иҷозати хаттии идора мумкин аст.

Нишонии идора: шаҳри Душанбе, хиёбони Саъдии Шерозӣ, 16, ошёнаи 8.
Сайт бо кӯмаки моддии Free Press Unlimited сохта шудааст.