.

Alternative flash content

Requirements

Get Adobe Flash player

Материалы отфильтрованы по дате: Чоршанбе, 29 Август 2018 - || ФАРАЖ

Дар ноҳияи Инстрински наздикии Маскав ҳодисаи аҷибе рух дод, ки қариб ба фоҷиа анҷом мешуд. Ба як духтари 11-сола саги зоти ротвейлер ҳамла кардааст, ки муҳоҷирони тоҷик духтарро наҷот додаанд.

Бино ба иттилои расонаҳои Русия, сохтмончиёни тоҷик дар қитъаи наздиҳавлигӣ  кор мекарданд, ки овози кӯдакро мешунаванд ва сари вақт ба ҷои ҳодиса ҳозир шуда, духтарчаро аз саги калони бадҷаҳл наҷот додаанд.

Ҳодиса дар деҳа ба вуқӯъ пайвастааст, ки Настя ҳамроҳи дӯстони худ сайругашт мекардаст. Ногаҳон аз паси девор саги калони ротвейлер баромада ба сӯяш ҳамла намудааст. Чор нафар сохтмончӣ овози кӯдакро шунида барои наҷотдиҳӣ шитобидаанд.

“Мо садои доду фарёдро шунидем ва ба кӯмак давидем. Вақте расидем, саг духтарчаро аз гулӯяш гирифта буд. Баъди чанд зарбаи бел саг гурехт”, - нақл кардааст Дилшод.

Ӯ изҳор доштааст, ки падари 6 фарзанд аст ва дар чунин ҳолатҳо ҳеҷ кас наметавонад бетараф бошад. Сохтмончиёни тоҷик то расидани табибон кӯмаки аввалияи тиббӣ расонда, пеши роҳи хунравии шадидро гирифтаанд.

Настя ҷарроҳӣ шудааст ва ба гуфтаи табибон бояд таҳти назорату барқарорсозии тӯлонӣ қарор гирад. 

Падари Настя бо изҳори миннатдорӣ ба сохтмончиёни тоҷик изҳор доштааст, ки духтараш чанд захми хатарнок барои ҳаётро бардоштааст.

Соҳиби саги ҳамлагар муайян гардида, феълан таҳқиқи қазия идома дорад.

Шумо дар Хабари рӯз
Чоршанбе, 29 Август 2018 11:42

Даъвоҳо бо корду табар

Маркази матбуоти ВКД аз даъвоҳои шаҳрвандон хабар дод, ки дар ин муноқишаҳо аз корду табар кор гирифта шудаанд ва боиси ҷароҳат бардоштану бистарӣ шудани тарафҳо гардидааст.

Дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 37-солаи сокини ҷамоати деҳоти Зайнабободи ноҳияи Рӯдакӣ бо гумони қасдан расонидани зарари вазнин ба саломатӣ дастгир карда шудааст. Номбурда, рӯзи 27-уми августи соли 2018, тахминан соати 20:00-, дар ҳолати мастӣ дар деҳаи Иқбол бо марди 48-солаи ҳамдеҳааш даъво карда, бо табар 1 маротиба ба сараш задааст. Дар натиҷа, ҷабрдида ҷароҳати вазнини ҷисмонӣ бардошта, дар беморхона бистарӣ гардидааст.

Ҳамчунин, зимни гузаронидани чорабиниҳои оперативӣ-ҷустуҷӯӣ кормандони ШВКД дар шаҳри Хуҷанд марди 25-солаи сокини ноҳияи Бобоҷон Ғафуровро барои қасдан расонидани зарари вазнин ба саломатӣ дастгир кардаанд.  Номбурда, 17-уми августи соли 2018, тахминан соати 17:00, дар заминҳои кушоди ҳудуди маҳаллаи 28-уми шаҳри Хуҷанд бо марди 25-солаи сокини шаҳри мазкур муноқиша карда, бо мақсади қасдан расонидани зарар ба саломатӣ, бо корди хоҷагӣ 2 маротиба ба қафаси синааш задааст. Дар натиҷа, тараф мувофиқи маълумотномаи ташхиси судӣ-тиббӣ ҷароҳати вазнини ҷисмонӣ бардошта, дар беморхона бистарӣ гардидааст.

Аз рӯи ин ҳодисаҳо тафтишот идома дорад.

Шумо дар Хабари рӯз
Чоршанбе, 29 Август 2018 10:29

«Кӯли ҷавонон» бозсозӣ шуд

Эмомалӣ Раҳмон бо сарвазир Қоҳир Расулзода ва раиси шаҳри Душанбе Рустами Эмомалӣ шоми дирӯз дар маросими ифтитоҳи Муассисаи давлатии боғи фарҳангию фароғатии «Кӯли ҷавонон», ки баъди навсозӣ ба истифода дода шуд, иштирок кард.

Боғи фарҳангию фароғатии «Кӯли ҷавонон», ки бо номи «Кӯли комсомол» маъруф буд, ҳанӯз соли 1940 бунёд ёфта, бо гузашти солҳо ин мавзеъ, атраксионҳо ва дигар дастгоҳу таҷҳизоти дилхушии кӯдакон корношоям гардида, ба навсозии пурра эҳтиёҷ доштанд.

Корҳои навсозӣ дар боғи фарҳангию фароғатии «Кӯли ҷавонон» моҳи ноябри соли 2017 оғоз гардида, бо назардошти талаботи замони муосир дар ҳудуди иншооти мазкур ниҳоли дарахтони нодири сояафкан, ороишӣ ва гулу буттаҳо шинонида шуданд ва девору роҳравҳо сафолакпӯшу соҳили кӯлу атрофи боғ пурра навсозӣ шуданд.

Ҳудуди боғи фарҳангию фароғатии «Кӯли ҷавонон» 3,5 гектарро ташкил дода, дар ҷараёни корҳои навсозӣ зиёда аз 15 ҳазор метри мураббаъ роҳравҳо сафолакпӯш ва 18 ҳазор метри мураббаъ майсазор гардонида шудааст. Барои чароғонкунии боғ бошад 267 сутунпояи аз 3 то 12-метра насб карда шудаанд.

Барои сарсабзу хуррамгардонӣ дар ҳудуди боғи фарҳангию фароғатии «Кӯли ҷавонон» зиёда аз 500 бех дарахтони нодири сояафкану ороишӣ шинонидаанд.

Се навъи гулҳои мавсимӣ, дар маҷмуъ зиёда аз 400 ҳазор бех муҳити боғро зебою назаррабо гардонидаанд.

Як фаввораи бузурги бо мусиқӣ танзимшаванда ва ду фаввораи хурди боғи фарҳангию фароғатии «Кӯли ҷавонон» бо рӯшноии чароғҳои ранга муҳити атрофро ҷаззоб месозанд. Дар боғ таваққуфгоҳ барои 70 автомашина ва бинои нави маъмурӣ низ сохта шудааст.

Шумо дар Хабари рӯз

Президент рамзи ҷашни 27-солагии Истиқлолияти давлатии Ҷумҳурии Тоҷикистонро, ки аз ҷониби Академияи мусаввирии Тоҷикистон пешниҳод гардидааст, тасдиқ кардааст.

Гуфта мешавад, ки ангораи мазкур ба таври васеъ метавонад ҳамчун рамзи 27-солагии Истиқлолияти давлатӣ истифода гардад.

Ин рамз барои корбарӣ ва мавриди истифода қарор додан ба вазорату кумитаҳо, идораҳо, ширкату иттиҳодияҳо, корхонаҳо, бонкҳои саҳомӣ, рӯзномаҳои расмӣ, ташкилоту муассисаҳо, ҷамъиятҳо, иттифоқҳо, мактабҳои олӣ, марказҳои татбиқи лоиҳаҳои инвеститсионӣ, мақомоти иҷроияи ҳокимияти давлатии Вилояти Мухтори Кӯҳистони Бадахшон, вилоятҳои Суғду Хатлон, ноҳияҳои тобеи ҷумҳурӣ, шаҳри Душанбе пешниҳод мегардад.

Шумо дар Хабари рӯз
саҳ 2 аз 3

Хабари рӯз

Календар

« Август 2018 »
Пн Вт Ср Чт Пт Сб Вс
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Минбари сардабир

  • симКАРта

    Дар ҳафтае, ки гузашт, дар шабакаҳои иҷтимоӣ ин калима аз…

Нигоҳи хос

  • «РИСК»

    Ба назар чунин мерасад, ки нависандагони мо ба «бемории хомӯшӣ»…
  • Чаро бояд китоб хонд?

    Инсон дар таърих ду кашфиёти бузург дорад: яке ҳунари ноширӣ,…

Парадокс

Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ...
Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ба ...
Гуфтед? Мегӯянд! (№3
Бег САБУР, раиси Хадамоти алоқа:- Ман қарорамро бекор накардаам.Танз: Офарин ба Шумо, оғои Бег ...
Гуфтед? Мегӯянд! (№2
Аскар ҲАКИМ, Шоири халқии Тоҷикистон:- Дар замони шӯравӣ мо асареро пайдо намекунем, ки дар ...
Гуфтед? Мегӯянд! (№1
Абдуалим ИСМОИЛЗОДА, раиси шаҳри Қӯрғонтеппа Хонандаи беҳтарин- Кӯшиш мекунам ҳар рӯз лоақал ...

Назарҳо

Яндекс.Метрика

 

Яндекс.Метрика

 

© «Фараж», 2011-2018. Истифодаи маводи сайти мазкур танҳо бо иҷозати хаттии идора мумкин аст.

Нишонии идора: шаҳри Душанбе, хиёбони Саъдии Шерозӣ, 16, ошёнаи 8.
Сайт бо кӯмаки моддии Free Press Unlimited сохта шудааст.