.

Alternative flash content

Requirements

Get Adobe Flash player

Материалы отфильтрованы по дате: Сентябр 2018 - || ФАРАЖ

Имрӯз президент Эмомалӣ Раҳмон сафирони Тоҷикистон дар як қатор кишварҳои Аврупоро аз вазифа озод ва ба ҷойи онҳо кадрҳои дигарро таъйин кард.

Дар фармони президент аз 18-уми сентябр омада, ки сафири фавқулодда ва мухтори Ҷумҳурии Тоҷикистон дар Ҷумҳурии Федеративии Германия Неъматов Маликшо Маҳмадшоевич, ки ҳамзамон дар вазифаи сафири фавқулодда ва мухтори Ҷумҳурии Тоҷикистон дар Ҷумҳурии Полша ва Ҷумҳурии Чехия кор мекард, аз вазифааш озод карда шавад. Ба вазифаи сафири фавқулодда ва мухтори Ҷумҳурии Тоҷикистон дар Ҷумҳурии Федеративии Германия Ғайратшо Соҳибназар Қаноатшо таъйин шудааст

Бо як фармони дигар Халифазода Масуд сафири фавқулодда ва мухтори Ҷумҳурии Тоҷикистон дар Шоҳигарии Британияи Кабир ва Ирландияи Шимолӣ таъйин гардид.

Дар акс Миликшо Неъматов

Шумо дар Хабари рӯз

Имрӯз дар Қасри миллат Эмомалӣ Раҳмон кадрҳоеро, ки ба вазифаҳои муовинони раиси Вилояти Мухтори Кӯҳистони Бадахшон, мақомоти судӣ ва ҳифзи ҳуқуқу тартибот дар ВМКБ ба вазифаҳои масъулу роҳбарикунанда таъин гардиданд, барои суҳбат ба ҳузур пазируфт.

Бо фармони президент Додихудозода Давлатмо Бахтибек аз вазифаи раиси суди Вилояти Мухтори Кӯҳистони  Бадахшон озод гардида, Усмонзода Шоғуфрон – раиси Суди ВМКБ таъин гардид.

Бо дастури президент муовинони раиси Вилояти Мухтори Кӯҳистони Бадахшон аз вазифа озод ва барои ба вазифаи муовини якуми раиси Вилояти Мухтори Кӯҳистони  Бадахшон таъин намудани Мирзонаботов Алишер Худобердиевич, муовинони раиси ин вилоят таъин гардидани Амирбекзода Назира, Иматшозода Анвар Иматшо ва Носиров Умедҷон розигӣ дода шуд.

Сардорони шуъбаи корҳои дохилии Вазорати корҳои дохилӣ дар ВМКБ, шаҳри Хоруғ, ноҳияҳои Шуғнон, Рӯшон, Ишкошим ва Мурғоб, инчунин сардори шуъбаи Бозрасии давлатии автомобилии Раёсати Вазорати корҳои дохилӣ дар ВМКБ аз вазифаҳои ишғолкардаашон озод гардиданд.

Дар мувофиқа бо президент уовини якуми вазири корҳои дохилӣ Аламшозода Абдураҳмон Аламшо ҳамзамон сардори Раёсати вазорати корҳои дохилӣ дар Вилояти Мухтори Кӯҳистони Бадахшон таъин гардида, ба вазифаҳои сардорони Раёсати корҳои дохилӣ дар шаҳру ноҳияҳои вилоят, аз ҷумла муовини сардори Раёсати Вазорати корҳои дохилӣ дар Вилояти Мухтори Кӯҳистони Бадахшон, сардори Шуъбаи бозрасии давлатии автомобилии Раёсати Вазорати корҳои дохилӣ дар Вилояти Мухтори Кӯҳистони Бадахшон, муовини сардори Раёсати Вазорати корҳои дохилӣ дар Вилояти Мухтори Кӯҳистони Бадахшон, сардори Шуъбаи Вазорати корҳои дохилӣ дар шаҳри Хоруғ, сардорони шуъбаҳои корҳои дохилӣ дар ноҳияҳои Шуғнон, Ишкошим, Мурғоб ва Рӯшон ба вазифаҳо таъин карда шуданд.

Шумо дар Хабари рӯз
Сешанбе, 18 Сентябр 2018 11:34

Нархи об дар Душанбе 2,34 сомонӣ шуд

Корхонаи воҳиди давлатии обу корези Душанбе мунтаҳо боло рафтани нархи оби нӯшокӣ ва хидматрасонии корезрро дар пойтхат тасдиқ кард ва гуфт, ки сокинони шаҳр бояд барои 1 метри кубӣ об 2,34 сомонӣ пардохт кунанд.

Аз КВД обу корез хабар расида, ки аз 15-уми октябр аҳолии шаҳр бояд барои 1 метри кубӣ об 0,78 сомонӣ пардохт кунанд. Аз ин 0,58 барои оби нӯшокӣ ва 0,20 сомонӣ барои корез аст, аммо дар ҷамъ бояд ба хазинаи давлат 2,34 сомонӣ супоранд.

Арзиши об дар маҷмӯъ бо назардошти коэффисенти 3 бояд 2,34 сомонӣ шавад. Сокиноне, ки дар хонаҳояшон ҳисобкунак доранд, барои як метри кубӣ обу корез 2,34 сомонӣ медиҳанд, онҳое, ки ҳисобкунак надоранд, ҳар моҳ ба сари ҳар фарди оила бояд 8,42 сомонӣ пардохт кунанд.

Вақте дар хонаҳои шаҳр ҳисобкунак насб карда шуд ва аҳолӣ барои оби истифодашуда маблағ пардохт кард, маълум шудааст, ки корхона зиён дидааст. Коэффисенти 3 барои дастгирии КВД обу корези Душанбе аз тарафи шаҳрдорӣ роҳандозӣ шудааст.

Акнун созмонҳои тиҷоратӣ, аз ҷумла сафоратхонаҳо ва намояндагии кишварҳои хориҷии муқими Душанбе барои 1 метри кубӣ об бояд 6 сомониву 73 дирам диҳанд. Барои корҳонаҳои буҷетӣ нархи об аз 1 январи сроли 2019 барои 1 метри кубӣ 2,66 сомонӣ муқаррар шудааст.

То ин дам барои 1 метри кубӣ об аҳолӣ 0,625 сомонӣ, корхонаҳои буҷетӣ 1,97 сомонӣ ва ташкилоти тиҷоратӣ 5,38 сомонӣ пардохт мекарданд.  

Шумо дар Хабари рӯз

Имрӯз қисми зиёди роҳҳои маҳалии ноҳияи Шаҳритус ҳолати ногувор дошта, ниёз ба таъмиру азнавсозии ҷиддӣ доранд, вале масъулини соҳа вазъро ба таври дигар шарҳ дода мегуянд, ки 50 дарсади роҳҳои маҳалӣ ба талабот ҷавобгӯ аст.

Барои бе мушкилӣ ҳаракат кардани воситаҳои нақлиёт ҳамасола аз буҷаи кишвар маблағҳои ҳангуфт ҷудо карда мешавад, ки бо маблағҳои ҷудошуда қисме аз роҳҳо таъмиру бозсозӣ мешаванд, аммо вазъи таъмирталабии роҳҳо дар ноҳияи Шаҳритус то кунун ҳамчун мушкилоти меҳварӣ ба шумор меравад. Ба гуфти сармуҳандиси Муассисаи давлатии нигоҳдории роҳҳои автомобилгарди ноҳияи Шаҳритус Шуҳрат Маҷидов дар мувозинаи муассиса зиёда аз 94,7 км роҳҳои аҳамияти маҳалидошта мавҷуд аст, ки баъзеи ин роҳҳо тӯли 27 сол тамоман рӯи таъмиро надидаанд. Гуфта шуд, ки таъмиру нигаҳдории роҳҳои маҳалӣ бар зиммаи мақомоти маҳал вогузор гардидааст, аммо дар 8 моҳи соли ҷорӣ аз ҷониби мақомоти маҳалӣ 17 ҳазор сомонӣ ҷудо гардидааст, ки бо ин маблағ имкони таъмир кардани ҳатто 1 км роҳ нест. Ӯ мегӯяд: “Чандин маротиба ба мақомоти болоӣ барои маблағгузории бештари  таъмири роҳҳои маҳал муроҷиат кардем, аммо касе ёрӣ накард». Инчунин, ӯ афзуд, ки 50 дарсади роҳҳои маҳалӣ ба талаботи рӯз ҷавобгӯ аст. Ин дар ҳолест, ки тибқи мушоҳидаҳо маълумамон гардид, ки дар умум ҳамаи роҳҳои маҳалии ноҳия ҳоли хароб доранд. Беҳуда нагуфтаанд: «Офтобро ба доман пӯшонида намешавад». Пас, чаро бархе аз масъулин мушкилотро пинҳон мекунанд? Бояд гуфт, ки дар роҳи мазкур ҳаракати нақлиёт дар фасли баҳору зимистон мушкил аст ва сокинон аз ин чиз солҳост азият мекашанд. Ҳарчанд мушкилот зиёд аст, вале масъулини муассисаи давлатии нигоҳдории роҳҳои автомобилгарди ноҳияи мазкур мегӯянд, ки норасоиҳо ҳалли худро пайдо хоҳанд кард. Агар аз як тараф вазъи ҳузнангези роҳҳои маҳалии ноҳия ҳамчун мушкилоти калидии ронандагон ба шумор равад, ҳамзамон бинои муассисаи мазкур ба таъмири ҷиддӣ ниёз дорад, зеро шахс аз ворид гардидан ба ин бино табъаш хира мегардад. Бархе аз утоқҳои кории кормандони ин муасссиса пур аз хоканду ҳатто партов низ дида мешавад.

Раҳмоналӣ Додархӯҷаев

Шумо дар Хабари рӯз
саҳ 9 аз 38

Хабари рӯз

Календар

« Сентябрь 2018 »
Пн Вт Ср Чт Пт Сб Вс
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Минбари сардабир

  • симКАРта

    Дар ҳафтае, ки гузашт, дар шабакаҳои иҷтимоӣ ин калима аз…

Нигоҳи хос

  • «РИСК»

    Ба назар чунин мерасад, ки нависандагони мо ба «бемории хомӯшӣ»…
  • Чаро бояд китоб хонд?

    Инсон дар таърих ду кашфиёти бузург дорад: яке ҳунари ноширӣ,…

Парадокс

Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ...
Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ба ...
Гуфтед? Мегӯянд! (№3
Бег САБУР, раиси Хадамоти алоқа:- Ман қарорамро бекор накардаам.Танз: Офарин ба Шумо, оғои Бег ...
Гуфтед? Мегӯянд! (№2
Аскар ҲАКИМ, Шоири халқии Тоҷикистон:- Дар замони шӯравӣ мо асареро пайдо намекунем, ки дар ...
Гуфтед? Мегӯянд! (№1
Абдуалим ИСМОИЛЗОДА, раиси шаҳри Қӯрғонтеппа Хонандаи беҳтарин- Кӯшиш мекунам ҳар рӯз лоақал ...

Назарҳо

Яндекс.Метрика

 

Яндекс.Метрика

 

© «Фараж», 2011-2018. Истифодаи маводи сайти мазкур танҳо бо иҷозати хаттии идора мумкин аст.

Нишонии идора: шаҳри Душанбе, хиёбони Саъдии Шерозӣ, 16, ошёнаи 8.
Сайт бо кӯмаки моддии Free Press Unlimited сохта шудааст.