.

Alternative flash content

Requirements

Get Adobe Flash player

Материалы отфильтрованы по дате: Чоршанбе, 14 Ноябр 2018 - || ФАРАЖ

Тавре ки аз ҳодисаи даҳшатбор дар маҳбасхонаи рақами №3/3 шаҳри Хуҷанд рух дод, маълум мегардад дар пушти ин бетартибиҳо ва хунрезиҳои бесомон гурӯҳҳои хушунадталабу ифротии ТЭТ ҲНИ, “Давлати Исломӣ” ва “Гурӯҳи 24”пинҳон мебошанд.

Ин гурӯҳҳои ҷинояткор тавассути сарбозони маргталаби ТЭТ ҲНИ, “Давлати исломӣ” ва гумоштаҳои ифротии худ дар дохили маҳбасхона ба қатлу куштори оммавии маҳбусон даст зада, аз ҷониби дигар дастгоҳҳои иттилоотии ташкилотҳои террористӣ ба ин ҳодиса характер ва тобеиши сиёсӣ дода, ҷониби Ҳукумати Ҷумҳурии Тоҷикистонро бадном мекунанд.

Изҳоротҳои додашудаи ташкилоти экстремистии “Гуруҳи-24” ва ТЭТ ҲНИ дар фазои иттилоотӣ ноқиз ва нодуруст буда, аз ҳақиқати воқеият хабар намедиҳанд, балки қадам фарохтар гузошта, ҳадафҳои нопок ва мақсадҳои шуми худро пинҳон месозанд.

То ҷое мо огоҳ ҳастем, тартибот дар дохили маҳбасхонаи мазкур тибқи муқарароти муайянкардаи қонун ҳифз карда мешуд, ба ин нигоҳ накарда, сарбозони маргталаби ТЭТ ҲНИ, “Давлати исломӣ” ва дигар маҳбусони ифротӣ даст ба амалҳои терррористӣ, ғайриинсонӣ ва ғайришариатӣ задаанд. Дар натиҷа, маҳбусони зиёд ҷароҳатҳои гуногуни вазнин бардошта ва як қисми онҳо ба ҳалокат расиданд.

Бо шарофати ҳушёрӣ ва бедории ниҳодҳои зудаамали мақомоти дахлдор пеши ошӯби террористӣ дар маҳбасхонаи мазкур гирифта шуд.

Ба ҳар инсони бохирад ва ҳушманд маълум аст, ки террористони маргталаб ба осонӣ ҷон намедиҳанд, балки онҳо мувофиқи ақидаи ифротӣ ва усулу методҳои террористӣ то охири нафаси худ меҷанганд. Барои ин маргталабон муҳим нест, ки онҳо дар зиндон ё дар ҷабҳаи ҷанг мебошанд. Табиати фитрии онҳо иборат аз хунрезӣ ва нооромии ҷомеа мебошад. Барои ин маргталабони ифротӣ ҳаёти инсон ва зиндагии ягон фарди мусалмон эътибор ва арзиш надорад.

Мусаллам аст, ки пешгирии хунрезӣ ва безараргардонии террористони дар маҳбасхона қарор дошта, кори осон ва саҳл нест, зеро онҳо ба ягон маҳбуси дигар раҳм накарда, бидуни мақсад ва ҳадафи муайян ҳамсафони худро ба қатл расониданд.

Чуноне ки аз изҳороти саҳифаи расмии “Давлати исломӣ” бармеояд кирдори содиршудаи террористӣ дар маҳбасхонаи зикргардида, тибқи нақшаи он амалӣ гардидааст. Мутаассифона, мухолифини Ҳукумати Ҷумҳурии Тоҷикистон аз баёни омилҳои асосии ҳодисаи мазкур чашм пушида, балки дидаву дониста ва ғаразнок ҷониби давлати Тоҷикистонро мавриди туҳмат қарор доданд.

Айни замон мақомоти дахлдори кишвари Тоҷикистон аз лиҳози касбият таҷрибаи хуби муқовимат бо гурӯҳҳои террористӣ ва экстремистиро доранд. Онҳо намегузоранд, ки шахси алоҳида ё гуруҳҳои муташаккили террористӣ фазои амниятии кишвар ва давлатдории миллиро осебпазир созанд.

Хуб шуд, ки сари вақт оташи фитнаи террористон дар дохили маҳбасхона  гирифта шуд, дар дигар сурат онҳо ба берун фирор намуда, хуни садҳо шаҳрванди бегуноҳро мерезониданд.

Ҳодисаҳои даҳшатбори кишвари Сурия ва Ироқ моро ҳушдор медиҳад, ки нисбати ҳар як падида ва ҳодисаи террористӣ, чӣ дар дохили маҳбасхона ва чи дар ҷойҳои ҷамъиятӣ, чораҳои мушаххас ва қотеона нисбати террористон биандешем. Дар дигар сурат, онҳо ҳар як лаҳзарро истифода намуда, даст ба амалҳои хушунатбор ва даҳшатбори террористӣ мезананд.

Имрӯз давлат ва Ҳукумати Ҷумҳурии Тоҷикистон аз лиҳози сиёсӣ ва низомӣ пурқувват аст. Омодааст, ки пеши ҳамагуна ҳодисаҳои номатлуби террористӣ ва нақшаҳои тарҳрезишудаи ҳизбу ҳаракатҳои моҷароҷӯрро сари вақт хунсо ва безарар гардонад.

Ҳодисаи рухдода дар маҳбасхонаи рақами №3/3-и шаҳри Хуҷанд бори дигар симои даҳшатбор ва кирдору амалҳои гурӯҳҳои ифротиро дар чашми мардум ба таври равшан ошкор ва муайян намуд.

Айни замон тамоми сокинони Тоҷикистон ба ташкилкунандагони террористии ин ҳодисаи нангин, ки боиси марги шаҳрвандони Тоҷикистон  гардидааст, нафрат мехонанд.

Маргталабони ТЭТ ҲНИ, аз ҷумла пайравони шиамазҳаб ва “Давлати исломӣ”дар зиндонҳо низ ором нестанд, балки онҳо бо ин кирдору амалҳои ғайриинсонии худ мехоҳанд, ки Ҳукумат ва давлати Тоҷикистонро дар арсаи байналмиллалӣ  бадном созанд.

То ҷое ки маълум аст, нақшаи ошӯби маҳбусон дар Хуҷанд қаблан омода гашта, аз ҷониби роҳбарони ТЭТ ҲНИ, алалхусус худи Муҳиддин Кабирӣ, бо роҳи пинҳонкорӣ амалӣ гашт. Муҳиддин Кабирӣ дар фитнаангезӣ ва исён таҷрибаи хубе дорад. М.Кабирӣ сазовори эътимоди  хоҷагони хориҷиаш бояд дар Тоҷикистон амали террористӣ содир намояд. Ба ӯ куштори сайёҳони хориҷӣ камӣ кардааст ва акнун даст ба маҳбасхонаҳо зада истодааст.

М.Кабирӣ ва хоҷагони хориҷиаш ба мақсадҳои шуми худ расида натавонистанд ва аз ҷониби мақомоти дахлдор сари вақт безарар гардонида шуданд.

Волидайнро зарур аст ки дар тарбия ва беҳдошти фарзандони худ бетараф набошанд. Онҳоро аз шомилшавӣ ба гуруҳҳои ифротӣ ва террористӣ пешгирӣ намоянд. Ононе, ки дар задухурдҳои зидди давлатии Сурия ва Ироқ ширкат кардаанд, ҳатто дар маҳбасхонаву масҷидҳо даст ба амал ва кирдорҳои террористӣ мезананд.

Барои бартараф ва решакан намудани ин омилҳои манфии террористӣ ва зиддибашарии ифротӣ зарур аст, ки тамоми ҷомеаи шаҳрвандӣ масъулияти ҷиддӣ ҳис намоянд.

Аслиддини Соҳибназар, сокини шаҳри Душанбе

Шумо дар Слайд
Чоршанбе, 14 Ноябр 2018 16:39

Вокуниш ё андешаҳо

Инсон шакли ҳастиест, ки дар саргаҳи олами вуҷуд меистад ва тамоми асрори олами вуҷудро дар худ таҷассум менамояд. Ин муъҷизаи олам ба ин дунё ҷиҳати созандагӣ, бунёдкорӣ ва аз худ меросе гузоштан барои равшан гардонидани роҳи насли баъдӣ омадааст. Ба маънии дигар, инсон дар олами моддӣ масъулияти бузургеро бар дўш дорад, ки риоя ва иҷрои ин масъулият метавонад баҳри пешрафт ва шукуфоии ҷомеаи инсонӣ боис гардад. Дар сурати иҷро нагардидани ин масъулият, яъне созандагиву бунёдкорӣ ва хайрхоҳиву покандешӣ имкони ворид гардидани халал ба низоми ҷомеаи инсонӣ ҳарчи бештар мешавад. Аз ин ҷиҳат, ҳар як инсон пеш аз иҷрои амале бояд андеша намояд, ки фаъолияти ӯ ҷониби бунёдкорӣ равона шудааст ё ҷониби дигар. Маҳз ҳамин андеша метавонад водоркунанда ва ё боздорандаи инсон дар иҷрои ҳар амал бошад.

Ҷаҳони имрӯз, ки бо хусусиятҳои гуногунрангӣ ва ғаразҳои сиёсиву ақидативӣ миёни мардумони олам машҳур гаштааст, ҳар лаҳза идеология ва ҷараёну ақидаҳоеро эҷод намуда ба таври таҳмилӣ бор кардаистодааст, ки на танҳо хусусияти созандагӣ надоранд, балки хусусияти сузандагиро дар худ бештар парвариш додаанд. Аз зумраи ин гуна ҷараёнҳои навпайдо Давлати ба ном Исломии Ироқу Шом (ДИИШ) мебошад, ки мақсад аз эҷоди ин ташкилот сӯзандагӣ ва хароб кардани ҷомеаи инсонӣ аст. Таълимот ва идеологияи ин ташкилот нишон медиҳад, ки умуман принсип ва таълимоти дини ислом, ки аксаран дар он раҳм, адолат, шафқат, меҳрубонӣ ва дар маҷмӯъ гуманизм аст, на танҳо риоя балки метавон гуфт, ки ҳатто эътироф намешаванд. Дар ин ҷараён тавассути нест кардани инсонҳои бегуноҳ, рехтани хуни ноҳақ, халалдор намудани амнияту оромии мардум ва боло гузоштани манфиати гурӯҳи муайян таълим ва талқин карда мешавад. Ҳар амале, ки дар ин ё он мамлакат аз ҷониби аъзоёни ин гурӯҳи манфиатҷӯй анҷом дода мешавад, амали разилона ва берун аз доираи таълимоти дин ва ахлоқи инсонӣ аст. Ҳамин гуна ташкилоти динии ғаразнок ва камманфият барои мардум, ки муддати муайян дар Ҷумҳурии Тоҷикистон фаъолият дошт ТЭТ ҲНИ мебошад. Ин ҳизб низ дар давоми фаъолияти хеш бо истифода аз шуури динии мардум ҳадафҳои ғаразноки худро амалӣ намуда, бо роҳгум намудани ҷавонон мақсадҳои нопоки худро мехостанд амалӣ намоянд. Ин ҳизб низ мисли ДИИШ дар Тоҷикистон чандин бор кӯшиши тағйир додани сохти конститутсионӣ ва бунёди давлати Исломиро карда буд. Аз ҷумла, соли 1193 дар водии Рашт «Ҷумҳурии исломии Ғарм»-ро ташкил намуда, мехостанд, ки ба ҳамин васила мардуми Тоҷикистонро мисли мардумони мамлакатҳои дигари ҷангзада умре ба гирдоби ноамнӣ ва сарсонӣ андозанд.

Ҳамин тариқ, мақсадҳои ғаразноки ин ТЭТ ҲНИ чанд бори дигар низ идома ёфта, оқибат аз ҷониби ҷомеа муайян карда шуданд ва фаъолияти ин ҳизб расман манъ карда шуд. Баъд аз мамнуъ эълон гардидан ин ташкилоти террористиву экстремистӣ фаъолияти худро дар ҳамоҳангӣ бо ДИИШ идома дода, кӯшиши халалдор намудани амнияти мардуми Тоҷикистонро карда истодаанд. Аз амалҳои охирин ғайриинсонона ва мудҳиши ДИИШ ва ТЭТ ҲНИ барангехтани иғво дар Муассисаи ислоҳии вилояти Суғд мебошад. Дар ин иғво асосан нафароне фаъолона ширкат варзиданд, ки ба ташкилотҳои зикргардида вобастагӣ дошта  ба ҳамин ҷурм зиндонӣ гардида буданд.

Хулоса, ҷомеаи моро зарур аст, ки сари ҳар қадами хеш аз аъмоли чунин ташкилотҳои хунхор ва зидиинсонӣ андеша намуда, зарбулмасали машҳури «Душманат гар пашша бошад камтар аз филаш мадон»-ро сармашқи фаъолияти рузмарраи хеш дар муносибат ба ин гуна равия ва ташкилотҳо қарор диҳанд  

Шомилшавии баъзе афроди ҷомеа ба гурӯҳҳои ифротӣ яке аз падидаҳои  номатлуби иҷтмоӣ дар ҷомеаи Тоҷикистони соҳибистеқлол маҳсуб меёбад. Ин аст, ки гурӯҳи муайяни шаҳрвандони даст ба қонуншиканию даҳшатафканӣ мезананд, ҳамчун ҷинояткорон дар маҳбасу муассисаҳои ислоҳӣ адои ҷазои ҷинояти содиркардаашонро менамоянд.

Мувофиқи ахбори расонаҳои хабарӣ, мутаассифона дар яке аз маҳбасҳои вилояти Суғд аз ҷониби гурӯҳи муайяни маҳбусони ифротгаро ошубе бархост, ки дар натиҷа нафарони бисёр аз ҳар ду тараф кушта шуданд.

Бояд қайд кард, ки психологияи маҳбуси ифротӣ мураккаб, устуворгардида ва душворислоҳшаванда буда, ташкили кори ҳамаҷонибаро дар низоми ислоҳӣ металабад. Дар сурати ба таври зарурӣ ба роҳ намондани корҳои ислоҳкунии ҳамаҷониба, онҳо ҳамеша зери таъсири фикру андеша ва дастуроти «сарварони барӯмандашон» амал мекунанд ва мемонанд.

Ба андешаи мо, ҳамин хел вазъияту ҳолат дар маҳбаси вилояти Суғд ба амал омад. Аз ин хотир, зарурати дахолати бамавриди қувваҳои низомӣ ба ин ошӯби муташаккуилонаи маҳбусони ифротӣ пеш омад, ки он сурат гирифт. Барои пешгирии чунин ошубҳои  муташаккилона дар низоми ислоҳӣ зарур аст.

Маълум аст, ки ошуб дар ин муссисаи ислоҳотӣ аз ҷониби роҳбарони ҳаракати террористии ҲНИ ба роҳ монда шудааст. Онҳо бо ин кирдори худ мехостанд, ки вазъияти иҷтимоӣ – сиёсии моро зери суол монанд, аммо онҳо ҳеҷ вақт ба мақсад нахоҳанд расид.

Барои дарк кардани тамоми амалҳои нопоку зиддинсонаи ҳаракати ифротию террористӣ ҲНИ мехоҳем ба таърихи ташаккулёбию амали он рӯй биёрем. Таҳлили он имкон фароҳам меорад, ки мо моҳияти зиддибашарии ин ҳаракатро дарк намоем. Истиқлолият беҳтарин дастоварди миллати мо буда, ҳаракати ифротию террористӣ ҲНИ кӯшиш ба харҷ дода истодааст, ки ба ҳар роҳҳу восита истиқлолияти комили моро халалдор созад.

Истиқлолият  вожаи муҳиму арзманд буда, дар тақдири халқу миллатҳои гуногуни олам нақши муҳим гузоштааст. Имрӯзҳо  халқу миллатҳои зиёд ҷиҳати расидан ба истиқлолият муборизаҳои зиёд мебаранд.Ибтидои соли 90 –уми асри ХХ дар баробари дигар кишварҳои собиқ Шӯравӣ Ҷумҳурии Тоҷикистон низ аз Истиқлолият баҳраманд гашт  ва қувваҳои демократӣ аз он истиқбол карданд. Ҳукумати ҳамонвақтаи Тоҷикистонро маҷбур карданд, ки Истиқлолияти далатиро эътироф намояд  ва Эъломияи истиқлолияти давлатии  Ҷумҳурии Тоҷикистонро ба тасвиб расонад.

Дар маҷмӯъ баъд аз ба сари ҳокимият омадани қувваҳои сиёсии нав мубориза дар байни  гурӯҳҳои зиёд ва минтақаҳои гуногуни Тоҷикистон тезутунд гардиданд. Дар ин муборизаҳо ҲНИ, ҲДТ, ҳаракати Лаъли Бадахшон ва дигар гурӯҳҳои сиёсӣ барои гирифтани ҳокимият талош меварзиданд. Зикр кардан ба маврид аст, ки дар ҳамин истиқлолиятхоҳӣ муборизони сиёсӣ, ки бештар маҳсуб ба ТЭТ ҲНИ, ҲДТ,  ва минъбад Созмони Лаъли Бадахшон аз ҷумлаи «Истеъфохоҳон»  қарор доштанд. Ибтидои  муборизаи сиёсии онҳо аз майдон нишонаҳои ибтидои солҳои  90_ и асри  ХХ манша мегиранд. Ҳанӯз  онҳо аз истеъфои роҳбарони аввали давлатро  талаб мекарданд, ки илҳомбахшон «муборизон» аъзоёни ТЭТ Ҳизби Наҳзати Исломи Тоҷикистон буданд.

Дар ҳаракатҳои тазоҳуротчиёни майдонишинони Наҳзатиён ва қувваҳои ҳамсафарашон  ҳамеша нидои  «Истеъфо»   баланд мекарданд ва ин амалу фаъолияти онҳо минъбад ҳамеша идома меёфт, ки нуқтаи баланди он моҳи апрел- майи соли 1992 буд. Онҳо сабабгори  асосии  дар шаҳри  Душанбе гирд овардани мардуми рашттабори минтақаҳои Раштонзамин ва Хатлону шаҳри Душанбе ва навоҳии тобеии марказ буданд. Маҳз  дар ҳамон давра Муҳиддин Кабирии донишҷӯ яке аз фаъолони гирдиҳамоӣ  будааст, ки аз изҳороташ бахшида ба ҷашни 20 –умин солгарди имзои  Созишномаи умумии истиқрори сулҳ ва ризоияти миллӣ дар назди муҳоҷирони беруна аз ватан дар олам садо дод.

Ба қавли  М. Кабирӣ онҳо ҳанӯз маводҳои таблиғотиро аз хонаи  Зайд Саид  барои истеъфохоҳони майдони назди бинои собиқ Ҳизби Коммунисти Тоҷикистон меовардаанд ва дар байни истеъфохоҳон тақсим мекардаанд. Ҳамзамон, зимни ҳамин суханронияш  иброзаш намуд, ки гӯё он  мардум дар ҳамон давра (моҳҳои апрел ва майи соли 1992)    дар ин майдон  аз Истиқлолияти давлатии Тоҷикистон дифоъ мекардаанд. Шояд Муҳиддин Кабирӣ  имрӯз  мардуми дар толорбударо тасалло диҳад ва бо ҳамин васила худашро ором намояд. Ҳар гуна суханҳои қабеҳоро  зидди ҳокимияти имрӯза арза намояд, то худро андаке бошад дар назди хоҷагони хориҷияш нишон диҳад. Аммо маълум аст, ки ӯ дигар бо ҳокимият ва намояндагони давлатии Тоҷикистон созиш карданӣ нест. Бигзор созиш накунад. Аз кишвар берун  рафт ва метавонад, дигар бар нагардад. Хас каму ҷаҳон пок !

Аз 10 то 20 сентябри соли 2017 дар шаҳри Варшава ҳамасола маҷлиси Бюрои институти демократӣ ва ҳуқуқи инсон (БДИПЧ ОБСЕ) баргузор мегардад. Муҳиддин Кабирӣ дар маҷлиси пленарии баргузоргардида дар ҳузури намояндагони Тоҷикистон маърӯза кард. Аммо, дар шаҳри Варшава ӯ барои бештар айбдор ва бадном кардани ҳукумат ва ҳақ  баровардани  хеш кӯшишҳои зиёд намудааст. Ҳатто Абдураҳим Каримов (мулло Абдураҳим) ӯро барои мулоқот бо ҳокимият майл кунонидан хост, аммо ҳама ҳаракатҳои ӯ амалеро ба бор намовард. Кабирӣ намехост, ки бо вакилони дар конференсияи дар шаҳри Варшава ҳузурдошта  ва аъзои онҳо Сайфулло Сафаров ва мулло Аёмиддин Сатторов  (собиқ мубаллиғи ҲНИ) дар бораи минбаъд мулоқот кардан кӯшиш намояд ё коре анҷом диҳад.

Аз изҳороти Сафаров С. бармеояд, ки «мардуми Тоҷикистон дар интихоботи охирин аз интихоби ду ҳизби хосияти  тоталитаридоштаи коммунистӣ ва наҳзати исломӣ худдорӣ карданд. Дар оянда ҲНИ ба ташкилоти террористӣ табдил ёфт. Аммо коммунистҳо ҳанӯз фаъолият ва зиндагӣ доранд ва муқобили онҳо ягон амали ғайр истифода нашудааст ва онҳо низ муқобили мардуми мо амали иртиҷоӣ содир накардаанд» - изҳор кардааст Сафаров С. Ба андешаи мо Сафаров С., аз ин изҳороташ қаноатманд аст ва хубтар мебуд, ки мавқъеи ТЭТ ҲНИ– ро  аз ҳамин минбар бурро ва олимона, қотеъона ва фаҳмо барои аҳли толор ироа мекард, хеле хуб мебуд.   

PS :     Хулоса, агар боз ба амал ва фаъолияти ТЭТ ҲНИ ва раисони он Муҳиддин  Кабирӣ баргардем, маълум мегардад, ки онҳо ҳеҷ  гоҳ Истиқлолият ва озодии Тоҷикистонро намехостанд ва баргардондаи мамлакат ба режими теократӣ буд. Амал ва фаъолияти ТЭТ ҲНИ аз канора- ҷӯйи ва террор берун  набуд, Дар ягон давлати дунё ташкилоти террористӣ экстремистии Ҳизби Наҳзати Ислом  қудрат ва хосияти пешқадаме надошт ва ҳамеша майли канораҷӯиро ихтиёр кардааст. Онҳо аз ибтидо  то интиҳо (имрӯз) аз Истиқлолияти ҶТ ҳеҷ гоҳ дифоъ накардаанд. Дар ибтидо онҳо барои ғасби ҳокимият аз вожаи истиқлол  истифода бурдаанд. Аммо ҳамеша дар забонашон «Истеъфо» буд. Бо вожаи «Истеъфо»  коми худро  ширин карда буданд ва ин вожжа онҳоро ба «Истиклол» нарасонд онҳо ноком ва бадном шуданд.

Аммо ТЭТ ҲНИ тавонист ҳамин майдонро (Варшава) барои мустаҳкам кардани мавқеи хеш истифода барад ва барои бунёд намудани Коалитсияи оппозитсионии миллии Тоҷикистон, ба ғайр аз ТЭТ ҲНИТ инчунин Ҳаракат барои ислоҳот ва пешравӣ, Форуми озодандешони Тоҷикистон ва Ассотсиатсияи муҳоҷирони Осиёи Марказӣ замина гузошт. 

Маҳмадиев Н.Д. н.и.ф, дотсент, декани факултети фалсафа

Шаъбонов Н. н.и.с, дотсент, мудири кафедраи равандҳои сиёсӣ дар Тоҷикистон

Амирхонов Ш.Т. н.и.ф, дотсент, мудири кафедраи таърихи фалсафа ва фалсафаи иҷтимоӣ

Шумо дар Сиёсат

Дар ноҳияи Панҷ то ҷашни 30-солагии Истиқлолияти давлатии кишвар 130 иншооти таъиноташон гуногун  бо харҷи 79 милону 517 ҳазор сомонӣ сохта мешаванд.  

Раиси ноҳияи Панҷ Сайфидинзода Маҳамадюнус зимни тасдиқи ин хабар афзуд, ки бахшида ба ҷашни 30-солагии Истиқлолияти давлатии Ҷумҳурии Тоҷикистон дар ноҳия корҳои ободониву бунёдкорӣ бо маром идома доранд.

Раиси ноҳия гуфт, аз ҳисоби ҳама сарчашмаҳои даромад, 131 иншоот ба нақша гирифта шудаанд, ки то имрӯз чанде аз онҳо мавриди истифода қарор гирифтаанд.

Ба гуфти манбаъ, дар се соли охир дар ноҳияи Панҷ 4 корхонаи истеҳсолӣ ва дузандагӣ,  19 майдончаи варзишӣ, 11 сартарошхона, 4 бинои маъмурӣ, 14 бунгоҳи тиббӣ, 9 муассисаи таълимӣ ва томактабӣ, 10 маркази савдо ва нуқтаҳои хизматрасонӣ, бунёди  4 гармхона ва  фермаҳои чорводорӣ, таъмири пойгоҳҳои обрасонии хати оби нушокӣ ва таъмиру чароғонкунии роҳу пулҳо ба нақша гирифта шудаанд.

Зикр шуд, ки тибқи  нақшаи генералӣ, бояд дар маркази ноҳия биноҳои баландошиёнаи истиқоматӣ  сохта шаванд, ки ва барои бунёди он соҳибкорони ватанӣ ҷалб шудаанд. 

Сайфидинзода Маҳамадюнус раиси ноҳия афзуд, ки ин ҳама талошҳои мо бо мақсади сазовор пешвоз гирифтани ҷашни 30- солагии Истиқлолияти давлатии кишвар мебошад.    

Раҳмоналӣ Додархӯҷаев

Шумо дар Хабари-рӯз
Чоршанбе, 14 Ноябр 2018 10:31

Тоҷикистонӣ дар «Арсенал»

Мутахассиси маъруфи тоҷикистонӣ Игор Черевченко сармураббии клуби футболи «Арсенал»-и шаҳри Тулаи Федератсияи Русия таъйин шуд.

Черевченкори 44-сола дар мавсими гузашта клуби футболи «Балтика»-и Калининградро роҳбарӣ мекард. Ин даста зери роҳбарии ӯ мавсимро дар зинаи панҷум ба охир расонд.

Игор Черевченко соли 1974 дар шаҳри Душанбе ба дунё омадааст. Баъд аз бозӣ дар ҳайати дастаи «Помир»-и маъруф ба дастаи «Локомотив»-и Маскав гузаштааст. Аз соли 2008 дар ҳайати мураббиёни ин клуб кор кардааст. Соли 2015 ба ҳайси иҷрокунандаи вазифаи сармураббии «Локомотив» дастаро ғолиби Ҷоми Русяия кардааст.

Черевченко дар «Арсенал» Олег Каноновро иваз кард. Ҳоло «Арсенал» дар ҷадвали мусобиқа баъди 14 давр бо 17 имтиёз дар зинаи 11-ум қарор дорад.

Хабар дода мешавад, ки Олег Кононов сармураббии клуби «Спартак»-и шаҳри Маскав таъйин гардидааст. Роҳбарияти дастаи «Спартак» бо мутахассиси 52-сола ба муддати 2 сол созишнома ба имзо расониданд. Баъди итмоми 14 даври сипаришуда дастаи «Спартак» бо гирифтани 19 имтиёз дар мақоми нуҳуми ҷадвали Пример Лигаи Русия ҷойгир шудааст.

Шумо дар Слайд
  •  << 
  •  < 
  •  1 
  •  > 
  •  >> 
саҳ 1 аз 2

Хабари-рӯз

Календар

« Ноябрь 2018 »
Пн Вт Ср Чт Пт Сб Вс
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Минбари сардабир

  • ДАВоДАВ

    Масофаи роҳ бо машинае, ки 150 ҳазор доллар нарх дорад…

Нигоҳи хос

  • Шӯро

    Ҳафтаи сипаригашта ду ниҳод - Вазорати фарҳанг ва Кумитаи забон…
  • «Шамол»-и Худо

    Инак, моҳи аввали фасли дай фаро расид. Инак, мавсими «рустшавак»…

Парадокс

Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ...
Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ба ...
Гуфтед? Мегӯянд! (№3
Бег САБУР, раиси Хадамоти алоқа:- Ман қарорамро бекор накардаам.Танз: Офарин ба Шумо, оғои Бег ...
Гуфтед? Мегӯянд! (№2
Аскар ҲАКИМ, Шоири халқии Тоҷикистон:- Дар замони шӯравӣ мо асареро пайдо намекунем, ки дар ...
Гуфтед? Мегӯянд! (№1
Абдуалим ИСМОИЛЗОДА, раиси шаҳри Қӯрғонтеппа Хонандаи беҳтарин- Кӯшиш мекунам ҳар рӯз лоақал ...

Назарҳо

Яндекс.Метрика

 

Яндекс.Метрика

 

© «Фараж», 2011-2018. Истифодаи маводи сайти мазкур танҳо бо иҷозати хаттии идора мумкин аст.

Нишонии идора: шаҳри Душанбе, хиёбони Саъдии Шерозӣ, 16, ошёнаи 8.
Сайт бо кӯмаки моддии Free Press Unlimited сохта шудааст.