.

Alternative flash content

Requirements

Get Adobe Flash player

Слайд

Як хафта мешавад, ки дар баъзе шаҳру ноҳияҳои вилояти Хатлон бо реҷа додани нерӯи барқ ба аҳолӣ оғоз гардидаааст. Ин вазъ сокинони вилоятро ба ташвиш овардааст.

Сокини ноҳияи Кӯшониён Қурбоналӣ Бердиев гуфт, ки: “Хурсанд шуда будем, ки ду сол боз барқро хомӯш намекунанд, аммо ин хурсандии мо дер давом накард, зеро як ҳафта боз қувваи барқ аз соати 9-и субҳ то 5-и бегоҳ ва аз соати 23-и шаб то 4-и бомдод хомӯш карда мешавад. Яку якбора хомӯш шудани қувваи барқ боиси вайрон шудани таҷҳизоти барқӣ гаштааст”.

Сокини дигар аз ноҳияи Ховалинг донишҷӯ Абдураҳмон зимни тамоси телефонӣ гуфт, ки дар ин ноҳия низ хомӯш кардани қувваи барқ як ҳафта боз мушоҳида мешавад. Ӯ гуфт, ин ҳолат боис мегардад, ки ба донишгоҳ бе тайёрӣ равем.

Ба мисли ин сокинон, даҳҳо нафари дигар аз хомӯш шудани қувваи барқ изҳори нигаронӣ намуда гуфтанд, ки бармаҳал хомӯш шудани барқ сабаби вайрон шудани асбобҳои барқӣ, аз қабили телевизору яхдон ва дигар таҷҳизот шудааст.

Дар ҳамин ҳол, сармуҳандиси шабакаҳои Барқи Ҷануб дар минтақаи Бохтар Раҷабалӣ Бояков гуфт, ки сабаби асосии хомӯш шудани барқ дар минтақа ва умуман вилоят омодагии шабакаҳои барқ ба давраи тирамоҳу зимистон аст. Манбаъ гуфт: “Дар кутоҳтарин муҳлат ин мушкилӣ ҳалли худро пайдо хоҳад кард  ва аҳолӣ бо барқи доимӣ таъмин хоҳанд шуд”.

Раҳмоналӣ Додархӯҷаев

Хонданд 54

 

Бо мақсади гузаронидани корҳои таъмирӣ-профилактикии шабакаҳои обтаъминкунии Корхонаи воҳиди давлатии «Обу корези Душанбе» барои омодагӣ  ба  давраи тирамоҳу зимистони солҳои 2018-2019  дар истгоҳҳои обтозакунии «Фишорӣ», «Худҷореъ», «Ҷанубӣ-Ғарбӣ» ва «Кофарниҳон»  интиқоли оби нӯшокӣ  муваққатан катъ мегардад.

Бо  қарори раиси шаҳри Душанбе Рустами Эмомалӣ нақшаи чорабинии муваққатан қатъ кардаги интиқоли оби нӯшокӣ дар ин истгоҳҳо тасдиқ  гардидааст.

Аз соати 23:00 рӯзи 3 октябр то соати 00:00 рӯзи 5 октябр дар ҷараёни иҷрои корҳои таъмирӣ ва васлкунии таҷҳизот дар истгоҳҳои обтозакунии «Фишорӣ» интиқоли оби нӯшокӣ дар маҳаллаҳои Шараф, Ал-Берунӣ, Беморхонаи клиникии ҷумҳуриявии №3 ба номи Дяков, Муассисаи давлатии «Боғи ҳайвоноти шаҳри Душанбе», КВД «Варзишгоҳи марказии ҷумҳуриявӣ», ҶДММ «Кохи Наврӯз» ва кӯчаи Варзишгарони  ноҳияи Сино ва хиёбони Рӯдакӣ (аз кӯчаи Бухоро то кӯчаи С.Ғанӣ), хиёбони Исмоили Сомонӣ, кӯчаҳои М.Турсунзода, Шевченко, Шероз, С.Носир, Шотемур, Ф.Ниёзӣ, А.Командир, М.Холов, Л.Шералӣ, Ғ.Абдулло, Азизбеков, Ф.Шаҳобов, Л.Толстой, М.Миршакар, Пушкин ва Теҳрони ноҳияи Исмоили Сомонӣ  қатъ мегардад.

Дар истгоҳҳои обтозакунии «Кофарниҳон» интиқоли оби нӯшокӣ дар  маҳаллаҳои Гулбутта, Маърифат, Крупская-1,2, 61, 63, 64, 65, кӯчаҳои Н.Қарабоев, Қаҳҳоров, Фучик ва Абдуллоев Наҷмиддини ноҳияи Фирдавсӣ ва кӯчаҳои Назаршоев, Қаротегин, Ховарон, Гулобод, Зебуниссо, Чиноро-1,2, К.Хуҷандӣ, Восифӣ, Хайробод, Ҷавонон, Фучик, Карин Манн, Зафар, С.Р.Афардӣ, Улуғбек, У.Зоконӣ, А.Савдо, Афзалӣ, хиёбони Рӯдакӣ, аз бинои роҳи оҳан то КВД меҳмонхонаи «Душанбе» ва қисмати кӯчаи С.Айнӣ, то гардиши КВД «Фурудгоҳи байналмилалии Душанбе», маҳаллаҳои 191, 192, Бинокорон ва комбинати коркарди чӯби ноҳияи Шоҳмансур  аз соати 23:00 рӯзи 10 октябр то соати 00:00 рӯзи 12 октябр қатъ мегардад.

Дар ҷараёни иҷрои корҳои таъмирӣ ва васлкунии таҷҳизот дар истгоҳҳои обтозакунии «Худҷореъ» интиқоли оби нӯшокӣ дар маҳаллаҳои Хуҷамбиёи боло ва поён, Шафақ, А.Соатов, Амиршоев, Заҳматобод, Саҳбо, Қ.Раҳимов, Анзоб, Гулистон, Зайнаб-бибӣ, У.Хайём ва Сари-Осиё, кӯчаҳои П.Толис, Гагарин, Сурхоб, Меҳнат, Карамов, Шевченко, хиёбони Рӯдакӣ (аз буриши кӯчаи У.Хайём то кӯчаи С.Ғанӣ), инчунин Боғи С.Айнӣ, Беморхонаи ҷумҳуриявӣ ва шаҳрчаи тандурустии  ноҳияи Исмоили Сомонӣ, маҳаллаҳои Н.Муҳаммад, Қӯрғон, Хоруғ, Баҳорӣ ва Бадахшон-1,2, кӯчаҳои Дӯстии халқҳо, А.Дониш, Истаравшан, Ҳусейнзода, Нарзиқулов, Академикҳо Раҷабовҳо ва С.Айнӣ аз хонаҳои 1 то 77-и  ноҳияи Шоҳмансур, маҳаллаҳои  10-15, 15А, 31, 82, 91, 92, 101, 102, 112, Зарафшон 1 ва 2, Испечак 1 ва 2, Муҳандис, Меҳробод, Мир Саид Алии Ҳамадонӣ, Навободи боло ва поён, Буни Ҳисорак, Деҳи боло, Панҷруд, Ободкорон, Бунёдкорон, Лучоби боло ва поён, Комсомол, Қазоқон-1 ва 2, Мовароуннаҳр, Камонгарон, Шишхона, Ҳаёти нав, Қарамишикор ва кӯчаи Бобо Ҳамдами  ноҳияи Сино ва  дар ноҳияи Фирдавсӣ дар  кӯчаҳои Қаҳҳоров, Миралӣ, Мушфиқӣ, Соҳилӣ, Н.Қарабоев то кӯчаи Шестопалов, маҳаллаҳои 23, 24, Равшангарон, Дарвоз, Яккачинор ва Маркази истеҳсоли  барқу гармидиҳии шаҳри Душанбе   аз соати 23:00 рӯзи 17 октябр то соати 00:00 рӯзи  19 октябр қатъ мегардад.

Дар ҷараёни иҷрои корҳои таъмирӣ ва васлкунии таҷҳизот дар истгоҳҳои обтозакунии  «Ҷанубӣ-Ғарбӣ» дар маҳаллаҳои 43, 64, 65, кӯчаҳои Борбад ва Фирдавсии ноҳияи Фирдавсӣ ва маҳаллаҳои Меҳнатобод, Наврӯз, Роҳи нав, 32, 33, 52, 53, 83, 84, 103, 104, кӯчаҳои Нахимов, Мир, Юсуф Вафо, А.Қаҳҳорӣ, П.Сулаймонӣ, Тургенев, Р.Набиев ва  Ханжини  ноҳияи Сино  аз соати 23:00 рӯзи 31 октябр то  соати  00:00 рӯзи 2 ноябр қатъ мегардад.

Тибқи қарори дахлдори раиси шаҳри Душанбе,  раисони ноҳияҳои Исмоили Сомонӣ, Фирдавсӣ, Шоҳмансур, Сино ва директори Корхонаи воҳиди давлатии «Обу корези Душанбе» вазифадор гардидаанд, ки  дар давраи иҷрои корҳои ба нақшагирифташуда, бо истифода аз мошинҳои обкашӣ, сокинони минтақаҳои номбурдаро бо оби нӯшокӣ таъмин намоянд.

 

Хонданд 33

Бохтар: Номи калону шаҳри вайрон

Сен 22, 2018
Диданд: 61
Бохтар: Номи калону шаҳри вайрон

Ба гуфтаи масъулин, аз масофаи 1979,6 км роҳҳои маҳаллии минтақаи Бохтари вилояти Хатлон фақат 20 дарсади онҳо ба рои рафту омади  нақлиёт мувофиқанд. Омили асосии харобии роҳҳои маҳаллӣ нокифоя будан ё дар тамоман  ҷудонашудани маблағ аз буҷетҳои шаҳру навоҳии вилоят мебошад.

Вазъи хароби роҳҳои маҳаллии вилояти Хатлон ронандагонро сахт нигарон кардааст. Онҳо аз он изҳори нигаронӣ мекунанд, ки бо вуҷуди сари вақт супоридани андозҳо, роҳҳо то кунун ба талаботи мардум ҷавобгӯ нестанд. Олимбек Маҳмудов, ронандаи воситаи нақлиёти мусофиркаш аз ноҳияи Вахш гуфт, ки қариб ҳама роҳҳои маҳаллӣ дар ин ноҳия хароб мебошанд ва қариб сари ҳар моҳ мошинҳои худро аз нав таъмир мекунанд. Ӯ мегӯяд, ки дар фасли зимистон дар роҳҳои ҷамоати шаҳраки Кирови ноҳияи Вахш тамоман рафтуомади нақлиёт мушкил мешавад.

Дар ҳамин ҳол, сардори муассисаи давлатии нигоҳдории роҳҳои автомобилгарди ноҳияи Вахш Наҳтулло Олимов мегӯяд, ки барои таъмири роҳҳо дар 8 моҳи соли равон азҳисоби бӯҷаи ноҳия танҳо 9540 сомонӣ ҷудо карда шудааст, ки ин бар сари ҳар як километр роҳ 17 дирам рост меояд. Ӯ гуфт, ки айни замон дар ихтиёри идора 169 км роҳҳои аҳмияти маҳаллидошта мебошад, ки аз он 90 фоизаш ба таъмир ниёз дорад.

Инчунин, ронандагони дигар аз он изҳориноризоӣ карданд, ки саривақт андози роҳмесупоранд, аммо ҳолатироҳҳо қариббетағйирбоқи мондааст. Музафар Холиқов, самуҳандиси Муассисаи давлатии Идораи Хоҷагии роҳҳои автомобилгарди минтақаи Бохтар зимни сӯҳбат бо мо гуфт, ки дар 8 моҳи соли равон барои таъмири роҳҳои маҳаллӣ аз тарфи буҷетҳои маҳаллии 8 шаҳру ноҳияҳо 536 ҳазору 600 сомонӣ ҷудо карда шудааст. Ин дар ҳолест, ки ба гуфтаи ӯ аз масофаи 1979,6 км роҳҳоимаҳаллии минтақаи Бохтари вилояти Хатлон ҳамагӣ 20 дарсади онҳо барои рафтуомади нақлиётмувофиқанд, боқимонда 80 фоизи дигар ба таъмир ниёз доранд. Маблағҳое, ки аз тарафи ҳукуматҳои маҳал ҷудо карда шудааст, сари ҳар як км роҳ аз 5 то 8 сомонӣ рост меояд. Ин дар ҳолест, ки барои таъмири асосии як км роҳ 1 миллиён сомонӣ лозим аст. Ба гуфтаи ӯ аз тарафи буҷетҳои маҳаллии шаҳру ноҳияҳои Кушониён, Панҷ, Ҷайҳун ва Леваканд дар 8 моҳ барои таъмири роҳҳои маҳал тамоман маблағ ҷудо карда нашудааст. Ҷудо нашудани маблағ аз тарафи ҳукуматҳои шаҳру ноҳияҳо, мегӯяд ӯ, аз иҷро нашудани қарори ҳукумати ҶТ таҳти №639 “Дар бораи ҳисоботи Вазири нақлиёт ва камуникатсияи ҶТ оид ба ҳолати нигоҳдории роҳҳои автомобилгард ва бехатар намудани фаолияти вазорат дар ин самт” гувоҳӣ медиҳад.

Сардори шӯъбаи соҳаи иқтисоди Сараёсати молияи вилояти Хатлон Холмуҳаммад Одинаев мегӯяд, кидар 8 моҳи соли 2018 аз тарфи мақомтҳои шаҳру ноҳияҳои Кушониён, Ҷайҳун, Панҷ,Шаҳритус,Леваканд, Балҷувон, Ҳамадони, Фархор, Ховалингва ноҳияи Шамсиддини Шоҳин тамоман барои таъмири роҳхои маҳаллӣ маблағ ҷудо карда нашудааст.

Гуфта мешавад, ки ҳатто аз буҷетҳои ноҳияҳои Ховалинг, Ҳамадонӣ, Балҷувон, Носири Хусрав, Дӯстӣ, Ҷайҳун ва шаҳри Норак ду сол мешвад, ки барои таъмири роҳҳои маҳаллӣ тамоман маблағ ҷудо карда намешавад. Ӯ гуфт, ки барои таъмири роҳхои аҳамияти маҳаллидошта дар ин давра 2 миллиёну 850 ҳазор сомонӣ пешбинӣ гардидааст, ки аз он 1 млн 529 ҳазор сомонӣ ҷудо карда шудааст. Ҷудо нашудани маблағ аз ҳисоби буҷетҳои шаҳру ноҳияҳо барои таъмири роҳҳои аҳамияти маҳаллӣ дошта аз иҷро нашудани даромади буҷети шаҳру ноҳияҳо дарак медиҳад.

Соҳибкорон умеди охиринанд.

Музафар Холиқов мегӯяд, ки аз тарафи соҳибкорони маҳаллӣ барои таъмири роҳхои аҳамияти  маҳаллидошта беш аз 2 миллиону 228 ҳазор сомонӣ ҷудо карда шудаст. Қисмати зиёди роҳҳои маҳаллӣ аз ҳисоби ин маблағ таъмир карда шудаанд. Сардори муассисаи давлатии нигоҳдории роҳҳои автомобилгарди ноҳияи Вахш Наҳтулло Олимов низ афзуд, ки барои таъмири роҳҳо имрӯз танҳо умед ба соҳибкорон бастаанд. Дар 8 моҳи соли равон аз тарафи соҳибкорон 725 ҳазору 500 сомонӣ  маблағ ҷамъ шуда, чанде аз роҳҳои харобгашта таъмиру бозсозӣ шудаанд.

Нурмаҳмад Қаҳҳоров Сардори муассисаи давлатии нигоҳдории роҳҳои автомобилгарди ноҳияи Кушониён ба мо гуфт, ки аз тарафи мақомоти маҳал барои таъмири роҳҳои маҳаллӣ тамоман маблағ ҷудо нашудааст, вале бо дасгирии ҳукумати ноҳия ва маблағгузории соҳибкорони маҳаллӣ беш аз 3 км роҳ таъмир карда шуда, 2 км роҳҳои дигар сангфаршшуда, ҳамчунин 147 км дигар аз нав бозсозӣ шудааст, ки маблағи он 915 ҳазор сомониро ташкил медиҳад.

Вазъи 24 пул хароб аст. 

Ба иттилоъи масъулин дар минтақаи Бохтари вилояти Хатлон 24 пули мошингузар дар роҳҳои маҳаллӣ дар ҳолати садамавӣ қарор доранд. Дар умум дар роҳҳои маҳаллӣ 485 пули мошингузар мебошад, ки 99 фоизи он ниёз ба таъмир доранд.Харобшавии пулҳои мазкур боиси халалдор шудани ҳаракати нақлиёт дар роҳ гаштааст. Ҳарчанд, ҳукумати кишвар ҳама талошҳои хешро баҳри таъмиру таҷдиди роҳҳо харҷ намуда, маблағгузориро дар ин самт афзоиш додааст, аммо то кунун роҳҳои маҳаллӣ дар минтақаи Бохтари вилояти Хатлон ба талаботи мардум ҷавобгӯ нестанд. Беҳтар кардани ҳолати роҳҳои маҳаллӣ дар вилояти Хатлон барои афзоиши суръати интиқоли бору коло ва рушди иқтисоду саноат, инчунин боло бурдани сатҳи некӯаҳолии мардум нақши муҳим дорад. Ҳалли мушкилоти мазкур таваҷҷуҳи хоси масъулинро мехоҳад. Вале суоли матраҳ ин аст, ки чаро аз ҳисоби буҷетҳои маҳалҳо дар ин самт маблағ ҷудо намешавад? Кӣ дар ин сарзамин ғами мардумро бояд хӯрад?

Раҳмоналӣ Додархӯҷаев,

Хабарнигори махсуси “Фараж” 

дар вилояти Бохтар

Хонданд 61

Дирӯз Суди олии Тоҷикистон нсибати роҳбари ширкати «Умед-88» Раҷабалӣ Одинаев ҳукм баровард, ки дар асоси он ин соҳибкори тоҷик ба муддати 24 сол бояд дар паси панҷара монад.

Раҳбарияти ширкат ба азхудкунии воситаҳои давлатӣ ва ғайримақсаднок истифода бурдани қарз гунаҳкор дониста шудааст. Мудири ширкат Идибек Иброҳимов ба 22 соли зиндон маҳкум шудааст.

Муассиси ширкат Раҷабалӣ Одинаев ба иттиҳоми азхудкунии воситаҳои давлатӣ, камомад ва ғайримақсаднок истифода бурдани қарз ба 24 сол аз озодӣ маҳрум гардиааст. Адвокатҳои судшавандагон аз шарҳу тавзеҳи масъала худдорӣ варзиданд.

Раҳбарияти ширкати “Умед-88” 14 октябри соли гузашта боздошт шуда будШ. Гуфта мешуд, ки ин ширкат аз Вазорати молия дар ҳаҷми 170 млн. сомонӣ қарз гирифта, муддати қариб 4 сол аст онро ба давлат баргардонидааст. Охири моҳи майи соли ҷорӣ парвнада ба баррасии суд дода шуд. Моҳи июл раиси Суди олии Тоҷикистон Шермуҳаммад Шоҳиён ба журналистон хабар дод, ки роҳбари ширкати “Умед-88” дар содир намудани ҷиноят аз рӯи 7 модда гумонбар дониста шуда, бо сабаби махфӣ будани баъзе ҳолатҳои ҷиноятҳои Одинаев, мурофиаи судӣ пушт дарҳои пӯшида баргузор мешавад.

Ширкати “Умед-88” муддати беш аз 20 сол ба воридот ва фурӯши чаканаи маҳсулоти нафтӣ дар Тоҷикистон машғул буд. Ширкат асосан аз Русия ва Қазоқистон бензин ва сӯзишвории дизелӣ ворид мекард.

Хонданд 265
  •  << 
  •  < 
  •  1 
  •  > 
  •  >> 

Хабари рӯз

Минбари сардабир

  • симКАРта

    Дар ҳафтае, ки гузашт, дар шабакаҳои иҷтимоӣ ин калима аз…

Назарҳо

Яндекс.Метрика

 

Яндекс.Метрика

 

© «Фараж», 2011-2018. Истифодаи маводи сайти мазкур танҳо бо иҷозати хаттии идора мумкин аст.

Нишонии идора: шаҳри Душанбе, хиёбони Саъдии Шерозӣ, 16, ошёнаи 8.
Сайт бо кӯмаки моддии Free Press Unlimited сохта шудааст.