.

Alternative flash content

Requirements

Get Adobe Flash player

Материалы отфильтрованы по дате: Сентябр 2018 - || ФАРАЖ
Панҷшанбе, 13 Сентябр 2018 10:12

Душанбе: Авбошон дастгир шуданд

9-уми сентябр, тақрибан соати 18:20, дар кӯчаи Қаҳҳорови шаҳри Душанбе  дар назди бинои тарабхонаи «Мумтоз» як гурӯҳ шаҳрвандон аз ҳиссиёти авбошӣ тартиботи ҷамъиятиро дағалона вайрон намуда, байни ҳамдигар муноқиша кардаанд.

Қисми навбатдорӣ гурӯҳи фаврӣ-тафтишотии Раёсати ВКД дар шаҳри Душанбе ба ҷойи ҳодиса ҳозир шуда, вобаста ба ҳолати мазкур, ҳамчун гумонбар дар содир намудани ҷинояти авбошӣ шаҳрвандон Саидов Давлат Шералиевич, Саидов Нурулло Шералиевич ва Риоев Далер Пулодовичро дастгир кардаанд.

Зимни пешбурди корҳои фаврӣ-тафтишотӣ муайян карда шуд, ки номбурдагон дар ҳолати мастӣ тартиботи ҷамъиятиро муддати 15-20 дақиқа дағалона вайрон карда, бо шаҳрвандон Абдуқодиров Улуғбек Алиҷонович ва Пиров Довуд Мустафоевич муноқиша ва онҳоро зери латукӯб қарор додаанд, ки дар натиҷа номбурдагон ҷароҳатҳои гуногуни ҷисмонӣ бардоштаанд.

Айни замон гумонбарон Саидов Давлат, Саидов Нурулло ва Риоев Далер дар ҳабси пешакӣ қарор дошта, нисбаташон бо моддаи 237, қисми 2-и Кодекси ҷиноятии Ҷумҳурии Тоҷикистон парвандаи ҷиноятӣ оғоз гардидаааст.

Шумо дар Хабари рӯз

Дар Малайзия Чемпионати футболи Осиё байни наврасон баргузор мегардад, ки дастаи мунтахаби Тоҷикистон дар гурӯҳи «А» бо дастаҳои мунтахаби Малайзия, Ҷопон ва Таиланд қувва меозмояд.

Дастаи мунтахаби наврасони то 16-солаи Тоҷикистон барои омодагии ниҳоӣ ба ин мусобиқа дирӯз ба Малайзия сафар кард. Вохӯрии аввалро наврасони мо  бо дастаи мутахаби Малайзия 20 сентябр дар Варзишгоҳи миллии шаҳри Куала-Лумпур мегузаронанд. Бозии дуюми онҳо бо дастаи мунтахаби Ҷопон дар варзишгоҳи «UM Arena» ва дидори сеюм бо футболбозони Таиланд 26 сентябр дар ҳамин варзишгоҳ баргузор мегардад.

Дар сурати ба бозиҳои чорякниҳоӣ роҳхат гирифтан наврасони Тоҷикистон бо яке аз дастаҳои гурӯҳи «В» рӯ ба рӯ хоҳанд шуд.

Давоми як ҳафта футболбозони мо барои одат кардан ба иқлими Малайзия дар майдонҳои футболи ин кишвар тамрин гузаронида, вохӯриҳои санҷишӣ баргузор мекунанд. Сармураббии дастаи мунтахаби наврасони Тоҷикистон Зайниддин Раҳимов бо худ бозингарони зеринро ба Малайзия бурдааст:

Дарвозабонҳо:  Муҳриддин Ҳасанов («Парвоз»), Самандар Каримов («Локомотив-Помир»), Фирӯз Назаров (Академияи футболи ФФТ «Орзу-2026»);

Муҳофизатгарон: Муҳаммадрасул Лутфуллоев, Шаҳром Назаров, Меҳробҷон Азимов, Ҷонибек Шарифов, Исроил Холов, Шоҳрух Сангов (ҳама аз – «Локомотив-Помир»);

Ниммуҳофизатгарон: Иброҳим Зокиров («Регар-ТадАЗ»), Муҳаммадалӣ Азизбоев («Истаравшан»), Озодбек Панҷиев, Ҳамзаҷон Аҳтамов, Ҳамадонӣ Камолов, Нидоёр Забиров, Шарифбек Раҳматов, Умедҷон Холиқов, Парвиз Ҳоҷиев, Эмомалӣ Аҳмадхон (ҳама аз – «Локомотив-Помир»);

Ҳамлагарон: Сунатулло Исмоилов («Хатлон»), Рустам Соиров, Ислом Зоиров, Азизбек Ҳасанов (аз – «Локомотив-Помир»).

Шумо дар Хабари рӯз

Шурӯъ аз имрӯз то 14 сентябр дар ҷумҳурӣ ҳаво номусоид гашта, дар ноҳияҳои кӯҳӣ боронҳои кӯтоҳмуддат ва ба амал омадани раъду барқ дар назар аст. Шабона дар баландиҳои 2500 м борон ба барфи тар мубаддал мегардад. Ҳарорати рӯзона то 8 дараҷа паст гашта, шамол аз самти ғарб то  ба 20-25 метр дар сония мевазад. 

Агентии обуҳавошиносии Тоҷикистон хабар медиҳад, ки имрӯз дар Вилояти Мухтори Кӯҳистони Бадахшон ҳавои камабри тағйирёбанда шуда, боридани борон ва дар баландиҳои 3500 м боридани барфи  тар дар назар аст. Ҳарорат дар ғарби вилоят шабона 5-10, рӯзона 20+25 ва дар шарқи ин вилоят шабона 5 ва рӯзона +10+15 дараҷа гарм мешавад.

Дар вилояти Суғд ҳаво қисман абрноки тағйирёбанда шуда, боридани борон ва ба амал омадани раъду барқ пешбинӣ шудааст. Дар водиҳо шабона +10+15 ва рӯзона +24+29 дараҷа гарм мешавад.

Дар вилояти Хатлон ҳавои камабри тағйирёбанда пешгӯӣ шуда, дар ноҳияҳои кӯҳӣ борон меборад.  Ҳаво дар водиҳо шабона +13+18 ва рӯзона 30+35 дараҷа гарм хоҳад шуд.

Дар шаҳру ноҳияҳои тобеи марказ ҳаво абрноки тағйирёбанда гашта, боридани борон ва ба амал омадани раъду барқ дар назар аст. Шабона +10 +15 ва рӯзона +28+33 дараҷа гарм мешавад.

Имрӯз дар шаҳри Душанбе ҳавои тағйирёбандаи камабр пешгӯӣ шуда, шабона +11+13 ва рӯзона +29+31 дараҷа гарм мешавад.

Шумо дар Хабари рӯз

Имомхатиби масҷиди «Бодомзор»-и шаҳри Тошканд Раҳматулло Сайфиддинов ҳафтаи гузашта дар намози ҷумъа гуфт, шарҳнависонеро, ки зидди назари ӯ дар бораи бастани рӯймол дар муассисаҳои таълимиянд, ба пахтачинӣ хоҳад фиристод.

Ин таҳдиди имом-хатиби ӯзбек дар посух ба танқиди корбароне садо дод, ки ӯро дар шабакаҳои иҷтимоӣ, аз ҷумла дар Фейсбук сахт интиқод ва ба саркашӣ аз қонунҳи Ислом айбдор карданд.

«Агар ихтиёр дар дасти ман мебуд, ҳамаи ин шарҳнависонро ба пахтачинӣ мефиристодам. Ҳоло мавсими пахтачинӣ оғоз шудааст. Бигзор рафта, пахта чинанд ва ҳадди ақал кумаке ба давлат хоҳад шуд. Баъди баргашт аз пахтачинӣ дигар тавони телефон ба даст гирифтану навиштанро нахоҳанд дошт», - изҳор дошт ӯ.

Сайфиддинов 2-юми сентябр дар як барномаи телевизионии «Ӯзбекистон-24» аз қарори девони вазирони Ӯзбекистон барои роҳандозии либоси ягонаи мактабӣ дар кишвараш ҷонибдорӣ кард. Ӯ ҳамчунин ба суоли баранда посух дод, ки бастани рӯймоли исломӣ барои хонандагон дар муассисаҳои таълимӣ то куҷо дуруст аст.

«Бояд кӯдакони мо либоси ягона пӯшанд. Зеро ин яке аз талаботи тарбия аст. Либос ба раванди таълими кӯдакон ҳатман таъсир мерасонад. Он дар зеҳнашон фарҳанги ягонаро эҷод мекунад. Танҳо дар ин сурат, дар миёни онҳо баробарӣ хоҳад буд. Як низом хоҳад буд ва ин қарори хеле хуб аст», - афзуд ӯ.

Суханҳои Сайфиддинов баҳсҳои тундеро дар миёни корбарони Фейсбук ба бор овард. Бархе корбарон ҳато ӯро ба саркашӣ аз қонунҳои Ислом айбдор карданд. Вале имом-хатиб онҳоро «ҷоҳил» ва «туҳматчӣ» номид.

Бар пояи қарори ҳукумати Ӯзбекистон, хонандагони ин кишвар имсол ихтиёрӣ ва аз соли оянда ба таври ҳатмӣ либоси ягона хоҳанд пӯшид.

Шумо дар Хабари рӯз
саҳ 20 аз 40

Хабари рӯз

Календар

« Сентябрь 2018 »
Пн Вт Ср Чт Пт Сб Вс
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Минбари сардабир

  • симКАРта

    Дар ҳафтае, ки гузашт, дар шабакаҳои иҷтимоӣ ин калима аз…

Нигоҳи хос

  • «РИСК»

    Ба назар чунин мерасад, ки нависандагони мо ба «бемории хомӯшӣ»…
  • Чаро бояд китоб хонд?

    Инсон дар таърих ду кашфиёти бузург дорад: яке ҳунари ноширӣ,…

Парадокс

Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ...
Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ба ...
Гуфтед? Мегӯянд! (№3
Бег САБУР, раиси Хадамоти алоқа:- Ман қарорамро бекор накардаам.Танз: Офарин ба Шумо, оғои Бег ...
Гуфтед? Мегӯянд! (№2
Аскар ҲАКИМ, Шоири халқии Тоҷикистон:- Дар замони шӯравӣ мо асареро пайдо намекунем, ки дар ...
Гуфтед? Мегӯянд! (№1
Абдуалим ИСМОИЛЗОДА, раиси шаҳри Қӯрғонтеппа Хонандаи беҳтарин- Кӯшиш мекунам ҳар рӯз лоақал ...

Назарҳо

Яндекс.Метрика

 

Яндекс.Метрика

 

© «Фараж», 2011-2018. Истифодаи маводи сайти мазкур танҳо бо иҷозати хаттии идора мумкин аст.

Нишонии идора: шаҳри Душанбе, хиёбони Саъдии Шерозӣ, 16, ошёнаи 8.
Сайт бо кӯмаки моддии Free Press Unlimited сохта шудааст.