.

Alternative flash content

Requirements

Get Adobe Flash player

Материалы отфильтрованы по дате: Ҷумъа, 16 Ноябр 2018 - || ФАРАЖ

16-уми ноябр бо иштироки президенти Ҷумҳурии Тоҷикистон Эмомалӣ Раҳмон дар ҳузури намояндагони воломақоми кишварҳои гуногуни олам, аз ҷумла Федератсияи Русия, Ҷумҳуриҳои Италия, Ҳиндустон, Покистон, Афғонистон, Белорус, Украина, Ӯзбекистон, Қазоқистон, Қирғизистон, дигар давлатҳо ва ташкилоту созмонҳои бонуфузи минтақавию байналмилалӣ агрегати якуми Неругоҳи барқи обии “Роғун”-ро ба кор андохт.

Чорабинии муҳимро бештар аз 200 нафар рӯзноманигори дохил ва хориҷи кишвар, агентиҳои иттилоотии бонуфузи байналмилалӣ аз Амрико, Италия, Олмон, Россия, Япония, Британияи Кабир, Хитой, Покистон, Қазоқистон, Қирғизистон, Ӯзбекистон ва дигар давлатҳо васеъ инъикос намуданд.

Эмомалӣ Раҳмон нахуст дар маҳалли сохтмони Неругоҳи барқи обии Роғун хатти баландшиддати интиқоли неруи барқи 500 кВ-и “Душанбе-Роғун”-ро бо пахши васлак ба истифода дод. Хатти баландшиддати интиқоли неруи барқи 500 кВ-и “Душанбе- Роғун” дар доираи лоиҳаи “Барқарорсозӣ ва сохтмони хати баландшиддати интиқоли неруи барқи 500 кВ дар ноҳияҳои тобеи ҷумҳурӣ” амалӣ шуда, арзиши умумии тарҳ 650 миллион сомонӣ мебошад. Лоиҳаи мазкур моҳи сентябри соли 2017 оғоз ёфта, анҷоми тадбиқи лоиҳа тибқи нақша моҳи августи соли 2021 пешбинӣ шудааст.

Сипас ,ба фаъолияти дастгоҳи тақсимкунандаи пӯшидаи элегазии Неругоҳи барқи обии Роғун оғози расмӣ бахшида шуд. Корҳои васлгарии таҷҳизоти Дастгоҳи маҷмӯии пӯшидаи тақсимкунии элегазӣ “КРУЭ” ҳанӯз моҳи феврали соли 2018 бо иштироки мутахассисони варзидаи маҳаллӣ бо сифати баланд ба анҷом расонида шуда буд.

Дар ин иншооти болопӯшида 19 адад дастгоҳи элегазии 500 кВ ва 4 дастгоҳи элегазии 220 кВ насб гардидааст. Интиқоли неруи барқ аз ин иншоот ба системаи ягонаи энергетикии мамлакат тавассути шаш хати барқи ҳавоии 500 кВ сурат мегирад. Ҳамчунин аз таҷҳизоти мазкур тавассути як хати дузанҷираи 220 кВ то Зеристгоҳи барқии шаҳри Роғун неруи барқ интиқол дода хоҳад шуд.

Фаъолияти ин маркази муқтадир дар ҳамкорӣ бо ширкати овозадори олмонии Siemens бо сифати баланд бунёд шуд. Маҳз аз ҳамин толор тавассути дастгоҳҳои истеҳсоли ширкати бонуфузи ҷаҳонӣ неруи барқи дар НБО Роғун истеҳсолшаванда ба хатҳои баландшиддат интиқол дода мешавад.

Дар дохили бинои КРУЭ 57 полюси васлакҳои элегазии 500 кВ, 99 трансформатори ҷараёнӣ, 30 модули дарозкунанда, 168 адад ҷудокунанда, 48 трансформатори шиддат ва 30 адад маҳдудкунандаи шиддати 500 кВ васл карда шуданд. Дар байни 36 полюс модулҳои мобайнии ҷараёнгузар насб гардидааст. Ҳамаи полюсҳои 500 кВ бо металлоконструксияҳои муҳофизатӣ ҷиҳозонида шудаанд.

Маҳз дар ҳамин рӯз дар таърихи давлатдории Тоҷикистони соҳибистиқлол рӯйдоди муҳиму тақдирсоз ба вуқӯъ пайваста, қадами устуворе барои расидан ба истиқлолияти комили энергетикӣ гузошта шуд. Эмомалӣ Раҳмон дар вазъияти тантанавӣ агрегати якуми Неругоҳи барқи обии «Роғун»-ро ба кор даровард ва ба фаъолияти ин иншооти бузурги аср, ки ба рушду тараққиёти кишвар мусоидат хоҳад кард, оғоз бахшид.

Дар маросими ба кор даровардани агрегати якуми Неругоҳи барқи обии «Роғун» коргарони неругоҳ, фаъолону зиёиёни кишвар, ҷавонон, собиқадорони меҳнат, намояндагони корпусҳои дипломатии муқими Душанбе ва коршиносони ташкилоту созмонҳои бонуфузи ҷаҳон иштирок карданд.

Баъди ба кор даровардани агрегати якум неруи барқи «Роғун» ба системаи умумии энергетикии мамлакат интиқол дода шуд.

Неругоҳи барқи обии «Роғун», пуриқтидортарин иншоотҳои силсилаи неругоҳҳои рӯди Вахш, аз 6 агрегат иборат аст, ки тавоноии ҳар кадом 600 мегаваттро ташкил медиҳад. НБО-и «Роғун» бо иқтидори 3600 мегаватт (беш аз 17 миллиард киловатт-соат) калонтарин неругоҳи барқи обӣ дар минтақа хоҳад буд.

Шумо дар Слайд

Муассисаи давлатии таълимии Литсейи касбии техникии шаҳри Бохтар, ки ҳоли хароб дошт, бо дасгирии ҳукумати маҳаллӣ ва маблағгузории созмонҳои хориҷӣ обод хоҳад шуд.

Директори  ин муассиса Сайдбурҳон Шарифов гуфт, ки ин муассиса пурра дар ҳолати таъмирталаб қарор дошт, хушбахтона дар як соли охир бо дасгирии мақомоти иҷроияи ҳокимияти давлатии шаҳри Бохтар, маблағгузории созмонҳои хориҷӣ то андозае,  беруни бино, роҳрав ва синфхонаҳои таълими таъмиру босозӣ гардиданд.

 Ба гуфти манбаъ барои ободонии Литсей беш аз 140 ҳазор сомонӣ масраф карда шудааст ва ҳоло таъмир дар хобгоҳ ва сехи муассиса идома дорад.   «Дар назар аст, ки то ҷашни 30-солагии Истиқлолияти давлатии кишвар муассисаи давлатии таълими Литсейи касбии техникии шаҳри Бохтар ба пурагӣ аз таъмири асосӣ бароварда шуда, барои касбомӯзон тамоми шароиту имконияти дарсомӯзи фароҳам оварда мешавад», - афзуд Сайдбурҳон Шарифов.

Манбаъ гуфт, ин ҳама талошҳои масъулони Летсей баҳри фароҳам овардани шароити хуб барои касбомузони ин таълимгоҳ мебошад.

Раҳмоналӣ Додархуҷаев

Шумо дар Хабари-рӯз

Моҳи марти соли равон бори аввал дар Тоҷикистон чорабинии бошукӯҳи Tajikistan Fashion Week (TFW) – Ҳафтаи мӯди Тоҷикистон баргузор гардид.  Ин ҷашнвораи тарроҳонро, ки сатҳи байналмиллалиро дошт, Агентии рекламавии «Тайрон» баргузор кард ва ҳамагонро ба ҳайрат овард. Ин шабу рӯзҳо тариқи шабакаҳои иҷтимоӣ аз баргузории даври дуввуми ҳафтаи мӯд эълонҳо пахш мешаванд. Бо мақсади огоҳ шудан аз сатҳи баргузории  Tajikistan Fashion Week  - коллексияи тирамоҳ-зимистон бо асосгузори он, директори Агентии рекламавии «Тайрон» Шаҳноза Ҳамдамова хостем ҳамсӯҳбат шавем. Баробари ворид шудан ба утоқи Шаҳноза бо фараҳ эшонро табрик кардам: 

-Шаҳноза, Шуморо бо баргузории даври дуввуми  ҷашнвораи «Tajikistan Fashion Week», ки ба наздикӣ дар Душанбе баргузор мегардад, табрик мегӯям.

Хаёлам, табрикоти ман ба Шаҳноза Ҳамдамова писанд наомад, ки чеҳраи хандонаш каме гирифт ва хеле сард посух дод:

- Мутаассифона, дар баргузории он банда даст надорад. Дар заминаи идеяи мо касоне пайдо шуданд, ки чолокӣ зоҳир намуданд ва аз мо пешдастӣ карданд. Аслан, ин одамон касоне буданд, ки дар баргузории «Tajikistan Fashion Week» аз ҷониби Агентии рекламавии «Тайрон» барои ҳамдастӣ даъват шуда буданд. Зеро «Ҳафтаи мӯди Тоҷикистон» чорабинии калон ва сатҳи ҷумҳуриявӣ аст. Мо ба ин кор аз қувваҳои беруна ва волонтёрҳо низ истифода кардем. Тоҳири Зоҳирро, ки ба мӯд шавқи зиёд дошт, бо пешниҳоди як кормандамон, ки бо ӯ дӯстӣ меварзид, ба ҳамкорӣ даъват шуд.  Ӯ ба боварии мо даромада, бо ҳушёрии ба худаш хос вориди ошхонаи мо шуда, кӯшиш дорад моликияти зеҳнии моро моли худ кунад. Ман ин иқдоми нодурусташро барояш гуфтам, вале тавре ки мебинед, аз раъяш нагашт. Ширкати «T&Z», ки ба Тоҳири Зоҳир таалуқ дорад, ҳоло даст ба ин кор задааст.

- То ҷое, ки ман огаҳӣ дорам, ӯ корманди гумрук аст, аз қонун бохабар аст, чаро ба ин кор даст зад?

- Инро аз худаш савол кунед.

-Аҷиб, ба ҳамагон маълум аст, ки шумо нахустин маротиба ин чорабиниро ташкил намудаву эълом дошта будед, ки тирамоҳи имсол давраи дуввуми онро баргузор мекунед. 

-Бале, шумо дуруст қайд кардед. Баргузории чунин як чорабинӣ заҳмат ва вақти зиёд мехоҳад. Тӯли 7 сол ин идеяро мо коркард кардем. Дар ин муддат дар саҳифаҳои маҷаллаи IDEAS ҳамеша аз дастовардҳои тарроҳони тоҷик матлабҳо нашр намуда, бештар ба тарроҳони ҷавон таваҷҷӯҳ зоҳир кардем. Ба ин васила хостем, ки индустрияи мӯди Тоҷикистонро ба вуҷуд орем ва онро тарғиб кунем, ба сатҳи ҷаҳон барорем. Билохира, орзуи 7- солаи мо дар Наврӯзи имсола амалӣ шуд. Мо «Ҳафтаи мӯди Тоҷикистон»-ро дар Душанбе баргузор намудем. Дар ҳафтаи мӯди мо намояндагони 7 кишвар: Тоҷикистон,  Ӯзбекистон, Озарбойҷон, Қазоқистон, Гурҷистон, Италия ва Фаронса ширкат карданд ва коллексияҳои худро ба намоиш гузоштанд. Идеяи моро ҳамагон ба хушӣ қабул карданд. 

- Хабар дорам, дар як мусоҳибааш сафири Фаронса хонум Ясме Гуедар чунин гуфта буд: «Ман бо дидани ин либосҳо ва ин чорабинии сатҳи баланд ба ҳайрат афтодам.  Бовар намекардам, ки дар Тоҷикистон чунин як чорабиниро гузаронидан имкон дорад. Тарроҳони тоҷик ба ман писанд омаданд. Ман ваъда медиҳам, ки барои тарғиби онҳо ва дар Фаронса нишон додани коллексияҳошон мусоидат мекунам». 

- Бале. Ногуфта намонад, ки пас аз чорабинии мо хонуми сафир ба ваъдаи худ вафо карда, тарроҳони моро ҳаматарафа дастгирӣ карданд. Дар бисёр чорабиниҳои сафорати Фаронса тарроҳони мо коллексияҳои худро ба намоиш гузоштанд. Яъне мо ба ҳадафи худ расидем: тарроҳони ҷавони мо эътироф шуданд. 

Аммо шумо нағз медонед, ки расидан ба ҳадаф кори душвор аст. Мо то баргузории ҳафтаи мӯд азобҳои зиёд кашидем, ширкати тарғитботӣ ба вуҷуд овардем, то ки ҳадафҳои худро тариқи ВАО-и ватаниву хориҷӣ ба мардум ва алоқамандони мӯди ҷаҳонӣ расонем. 

-Ҷолиб ин буд, ки Шумо бори аввал дар кишварамон коллексияи либосҳои мардонаро ҳам нишон додед… 

-Бале. Ибтидо фикр мекардем, ки шояд коллексияи мардонаро истисно кунем, зеро ба шумо маълум, ки алоқамандони мӯд дар Тоҷикистон бештар ба коллексияҳои занона таваҷҷӯҳ доранд, аммо мо таваккал кардем ва дере нагузашта ҷавононе пайдо шуданд, ки майли чун модел ба подиум баромаданро карданд. Ҳамин тавр, коллексияи мардона низ хеле хуб қабул карда шуд. Натанҳо либоси мардона, балки бисёр чизҳо таҷрибаи нахустин буданд, бори аввал моделҳои тоҷик рӯйи подиуми 30-метра қадам мезаданд. 

Тарроҳи машҳури кишвар, муаррихи либосҳо Мукаррама Қаюмова дар яке аз мусоҳибаҳои худ гуфтаанд: «Моро «Тайрон» ба ҳайрат овард. Баргузории чунин чорабинии сатҳи баланд ва сатҳи ҷаҳонӣ дар Тоҷикистон орзуи чандинсолаи ман буд, ки онро Шаҳноза Ҳамдамова бо ҳайати кормандонаш дар ҳаёт татбиқ кард».

-Шаҳноза, Шумо дар хотимаи «Ҳафтаи мӯди Тоҷикистон» эълон карда будед, ки ин чорабинӣ ҳар сол ду маротиба баргузор мешавад ва коллексияи тирамоҳ-зимистонро ҳам шумо муаррифӣ мекунед. 

-Бале, мо аз раъямон нагаштаем. Омодагӣ дар ин самт идома дорад. Рӯзи баргузориашро ҳатман ба шумо хабар медиҳем.

Мусоҳиб Нигора Саидбекова, «Фараж»

Шумо дар Слайд

Дар вебгоҳи нашрияи “Независимая газета”-и Русия сар аз 17 сентябр то 12 ноябри имсол дар се мақолаи марбут ба Тоҷикистон: «Рахмон наметил спецоперацию на Памире», «Неформальные лидеры Памира угодили в ловушку» ва «Глава Таджикистана представит президенту РФ своего преемника» назари коршиносе бо номи “Адолат Мирзоева” истифода шудааст.

Муаллифи ин се мақола рӯзноманигор Виктория Панфилова аст. Панфилова пештар аз ин дар чанд расонаи байналхалқӣ фаъолият карда ва барои рӯзноманигорони Тоҷикистон як чеҳраи ошност. Аммо коршиноси Панфилова - "Адолат Мирзоева" кист? Аз чанд хабарнигор  пурсидам, ки оё коршиносе бо ин ному насаб мешиносанд. Бархеҳо изҳори бехабарӣ карданд ва иддае ба Адолати Мирзо - муассис ва сармуҳаррири нашрияву сомонаи "Миллат" ишора намуданд.

Аз Адолати Мирзо пурсидам, ки ҳамсуҳбати Виктория Панфилова ӯст? Ӯ гуфт, дарвоқеъ дар ин авохир шуморе аз дӯстону ошноён ҳам ин суолро аз ӯ мекунанд.

"Чун коршиноси ношиноси "Независимая газета"-ро касе дар Тоҷикистон намешиносад, хонандаро ба иштибоҳ меандозад, ва ангушти ишорати бархе ба сӯи ман аст. Агар коршиносе бо ин ном зуҳур кардаву худро таҳлилгари масоили ҷомеаи мо медонад, хуб аст, то чеҳраи худро ба мардум ошкор кунад. Ва агар касе муғризона пушти ин ном сарнавишти миллатро ба бозӣ гирифта бошад, мояи нигаронӣ аст. Агар ҳампешаи гиромии мо кори ҳирфаӣ мекунад, бояд ин коршиноси ношиносро муаррифии дуруст бикунад, вале агар дидаву дониста ин корро мекунад, мояи таассуф аст. Шахсан ман бо хабарнигори "Независимая газета" Виктория Панфилова суҳбат накардаам ва дар бораи ҳодисаҳои Бадахшон ҳам дар ҳеч куҷо назар надодаам", - гуфт Адолати Мирзо.

Бори дигар ҳамон суол - пас "Адолат Мирзоева"-и Панфилова кист? Чунин коршиносе бо он сатҳи огоҳӣ аз вазъи Бадахшону Тоҷикистон чаро барои аҳли матбуоти Тоҷикистон то кунун ношинохта боқӣ мондааст?

Мустақиман ба худи Виктория Панфилова дар Фейсбук паём фиристодам ва хоҳиш кардам, ки дар пайдо кардани "Адолат Мирзоева" кумак расонад. "Ман ҳам мехоҳам аз ӯ назар бигирам", - навиштам ба Виктория Панфилова. Баъд аз чанд лаҳза Панфилова посух дод, ки "Адолат Мирзоева" иқтисоддоне аз шаҳри Душанбест ва паёми маро ба ӯ расонидааст. "Агар зарур донад, худаш бо шумо тамос мегирад", - навишт дар паёми баъдӣ Виктория Панфилова.

3-4 рӯз аз паёми дувуми Панфилова гузашту аз "Адолат Мирзоева" хабаре набуд. Бори севум аз Панфилова хоҳиш кардам, ки шумораи телефон ё василаи дигари пайдо кардани коршиносро бидиҳад. Ин бор Панфилова навишт, ки: "Адолат - номи мустаор аст. Вай намехоҳад худашро ошкор кунад. Мебахшед. Шумо бояд инро дарк кунед".

Дар ниҳоят хабарнигори "Независимая газета" эътироф кард, ки коршиносаш шахси мустаор аст ва чеҳраи воқеӣ надорад! Муаллиф дар се мақола пайи ҳам назари коршиносеро бо номи "Адолат Мирзоева"-ро истифода, аммо ҷое ишора накардааст, ки ин ному насаб мустаор аст. Ҳамин боис шуд, ки хонандагон Адолати Мирзо - сармуҳаррири "Миллат"-ро бо "Адолат Мирзоева"-и тахаюлии Панфилова иштибоҳ гиранд.

Агар бо диққат назар кунем, як фарқияти кӯчак байни ду ном ҳаст, вале ин боис нашуд, хонандаи "Независимая газета" дар Тоҷикистон он фарқиятро дарк кунад. Пас суол ин аст, ки чаро коршинос ва хабарнигори нашрияи мазкур чеҳраи худро пушти номи шахсони воқеӣ пинҳон мекунанд? Ахлоқи касбӣ чаро риоя нашудааст? Дар ҳоле ки бояд муаллифи мақолаҳо ҷое ишора мекард, ки номи коршиносаш мустаор аст. Не?!

Шумо дар Слайд
  •  << 
  •  < 
  •  1 
  •  > 
  •  >> 
саҳ 1 аз 2

Хабари-рӯз

Календар

« Ноябрь 2018 »
Пн Вт Ср Чт Пт Сб Вс
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Минбари сардабир

  • симКАРта

    Дар ҳафтае, ки гузашт, дар шабакаҳои иҷтимоӣ ин калима аз…

Нигоҳи хос

Парадокс

Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ...
Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ба ...
Гуфтед? Мегӯянд! (№3
Бег САБУР, раиси Хадамоти алоқа:- Ман қарорамро бекор накардаам.Танз: Офарин ба Шумо, оғои Бег ...
Гуфтед? Мегӯянд! (№2
Аскар ҲАКИМ, Шоири халқии Тоҷикистон:- Дар замони шӯравӣ мо асареро пайдо намекунем, ки дар ...
Гуфтед? Мегӯянд! (№1
Абдуалим ИСМОИЛЗОДА, раиси шаҳри Қӯрғонтеппа Хонандаи беҳтарин- Кӯшиш мекунам ҳар рӯз лоақал ...

Назарҳо

Яндекс.Метрика

 

Яндекс.Метрика

 

© «Фараж», 2011-2018. Истифодаи маводи сайти мазкур танҳо бо иҷозати хаттии идора мумкин аст.

Нишонии идора: шаҳри Душанбе, хиёбони Саъдии Шерозӣ, 16, ошёнаи 8.
Сайт бо кӯмаки моддии Free Press Unlimited сохта шудааст.