.

Alternative flash content

Requirements

Get Adobe Flash player

Super User

Роҳбарияти Агентии суғуртаи иҷтимоӣ ва нафақаи назди Ҳукумати ҶТ аз рӯзноманигорон хоҳиш намуданд, ки бо қонунгузории соҳа дуруст шинос шаванд ва дар мавриди нафақаи калон гирифтани шахсони дар вазифаҳои баланд фаъолиятнамуда маводҳои нодуруст нашр насозанд.

Панҷшанбе, 15 Феврал 2018 13:08

Акбар Ғуломов: Ҷойгузини падар

ҶДММ “Ғаюр”- яке аз корхонҳои калонтарин ва бо шиддат рушдкунундаи сармоягузорие мебошад, ки дар ҷалби сармояи хориҷӣ ба бахшҳои гуногуни иқтисодиёти Ҷумҳурии Тоҷикистон ва бунёди корхонаҳои азими истеҳсолӣ нақши муҳим дорад. Ҷамъият дар як мудати кӯтоҳ бо ҷалби сармояи хориҷӣ якчанд лоиҳаҳои сармоягузориро бо маблағи 330 миллион доллари ИМА амалӣ намуд, ки бештари онҳо барои иқтисодиёти Ҷумҳурии Тоҷикистон нақши калидӣ доранд.

Муассис, раиси Шӯрои директорони ҶДММ “Ғаюр” Ғуломов Акбар Асадуллоевич, 15-уми феврали соли 1981 таваллуд шудааст. Соли 2002 Донишкадаи андоз ва ҳуқуқро бо ихтисоси ҳуқуқшинос, Донишгоҳи техникии Тоҷикистон ба номи Осимӣ бо ихтисоси сохтмончӣ ва соли 2013 Академияи хизмати давлатии назди Президенти Федератсияи Россияро хатм намудааст.

Акбар Ғуломов бо мақсади дастгирии молиявии варзишгарони тоҷик ва оммавигардонии варзиш сарпарастии расмии Кумитаи миллии олимпии Тоҷикистон ба ӯҳда гирифтааст. Маблағҳои аз ҷониби Ҷамъият барои Кумита ҷудогардида барои гузаронидани чорабиниҳои варзишӣ, иштирок дар мусобиқаҳои байналмилалӣ, баргузории тамринҳои таълимию варзишӣ, таъмин бо витаминҳо ва ташхиси тибии варзишгарон, таъмири иншоотҳои варзишӣ истифода мегардад.

Бояд қайд кард, ки муассис ва раиси Шӯрои директорони ҶДММ “Ғаюр” Ғуломов Акбар Асадуллоевич тибқи қарори Кумитаи миллии олимпии Тоҷикистон ноиби президенти Кумитаи миллии олимпии Тоҷикистон, ки роҳбарии онро Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, мӯҳтарам Эмомалӣ Раҳмон ба ӯҳда дорад, интихоб гардидааст.

Акбар Ғуломов дар якҷоягӣ бо ҶДММ “Хуаксин Ғаюр Семент” фонди ҷамъиятии “Ман Тоҷикистонро дӯст медорам”-ро таъсис додааст, ки лоиҳаҳои гуногуни хайриявиро дар соҳаҳои мароиф, тандурустӣ, фарҳанг, нақлиёт, варзиш ва ғайра маблағгузорӣ менамояд. Соли 2014 аз ҳисоби фонди мазкур лоиҳаҳои гуногуни хайривӣ ба андозаи 680 ҳазор сомонӣ ва соли 2015 ба андозаи 3 миллион сомонӣ барои 4 соли оянда маблағгузорӣ гардидааст.

ҶДММ “Ғаюр” бо мақсади рушди футбол ва дастгирии молиявии дастаи футболи ватанӣ сарпарасти кулли дастаи футболи “Вахш” (Қурғонтеппа) гардидааст. Тибқи шартнома дар либосҳои бозингарони даста ва дигар ашёҳое, ки даста истифода мебарад логотипи Сарпарасти кул - ҶДММ “Ғаюр” ҷойгир карда мешавад.

Ширкати мазкур мактаби нави таҳсилоти умумии ҳамагонӣ барои 640 нафар хонанда дар ноҳияи Ёвони вилояти Хатлон сохта ба истифода додааст, ки дар маросими кушодашавии он Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, мӯҳтарам Эмомалӣ Раҳмон иштирок намудааст.

Акбар Ғуломов инчунин аъзои Шӯрои машваратии назди Президенти Ҷумҳурии Тоҷикистон оид ба беҳтар намудани фазои сармоягузорӣ, ки роҳбарии онҳоро Асогузори сулҳу ваҳдати миллӣ-Пешвои миллат, Прзиденти Ҷумҳурии Тоҷикистон, мӯҳтарам Эмомалӣ Раҳмон ба ӯҳда дорад, мебошад.

Айни замон ширкати ватании мазкур таҳти роҳбарии ҷавони кордону боирода Акбар Ғуломов сохтмони чанд иншооти дигарро дар миқёси ҷумҳурӣ ба уҳда дорад, ки мо аминем, мисли иншооти дигари бунёднамуда саривақт ва бо сифати баланд ба анҷом мерасонад.

Хотиррасон бояд кард, ки Акбар Ғуломов фарзанди яке аз шахсиятҳои баруманди ҷумҳурӣ, собиқ муовини сарвазири ҶТ марҳум Асадулло Ғуломов буда, дар зиндагии худ умеду ормонҳои падари барӯмандашро сармашқи кори худ намудааст. Ин аст, ки руҳи падар ва дуои халқ барои қуллаҳои баланди муроду мақсад расидан, ҳамеша ҳамроҳу мададгораш аст.

Мо ҳам дар ин рӯзи муборак зодрӯзашонро хуҷастабод гуфта, таманнои онро дорем, ки танашон сиҳат, иқболашон баланд ва дар ҷодаи пешгирифтаашон ҳамеша бурдбору комёб бошанд. Зодрӯз муборак Акбар Асадуллоевич!

Бибиҷон Ашӯрова, «Фараж»

Душанбе, 29 Январ 2018 17:15

Гуфтед? Мегӯянд! (№4 2018)

Саидмукаррам АБДУҚОДИРЗОДА, раиси Шӯрои уламо

- Зиёда аз ин, тавассути тағйиру иловаҳое, ки ба қонуни танзим ворид шуд, мардум аз асли дин беҳтару бештар огоҳӣ ёфт. Акнун ҳама маросимҳои сӯгу сур, ҳама ойинҳову анъанаҳо тибқи муқаррароти аслашон баргузор мешаванд ва инро як гардиши куллие дар мафкураи динии мардум бояд донист.

Cуол: Мо ҳам шукр мегӯем, ки қонуни танзим қабул шуд, аммо ҳайронем, ки чаро Шумо то қабули ин қонун «ретсепт»-и маъракаҳоро мисли имрӯз, ки қонун муайян кардааст, намегуфтед? Ва ё нав ба фикри Шумо ҳам зад, ки исрофкор бародари шайтон аст?

 

Доналд ТРАМП, президенти Амрико

- Ин чӣ низомест? Онҳо ба воситаи пирӯзӣ дар бахтозмоӣ ба кишвари мо меоянд. Кишварҳо бароямон шаҳрвандони пасттаринашонро медиҳанд, онҳоро мисли “партов” мепартоянд.

Нешханд: Омадани мардум ба Амрико ҷои Шуморо танг карда истодааст, ҷаноби Трапм? Дар Амрико амрикоиро ёфтан мушкил, бахилӣ накарда, шукр кунед, ки ҳамон “партов”-ҳо Амрикоро обод карда истодаанд.

 

ЗАМИРА, маслиҳатҷӯ

- ... Аммо аз набудани ӯ истифода бурда, волидони ман ба сари ишқи мо об рехтанд.

Маслиҳат: Ба ишқи шумо оби қайтарма рехтанд ва бояд шумо назди мушкилкушое рафта, мушкили коратонро кушоед, вагарна кор аз кор мегузарад.

 

Абдуқодир АБДУҚАҲҲОР, директори Китобхонаи шаҳрии ба номи А. Лоҳутӣ

- Оқибат барф борид, хостам бо ояте ё ҳадисе ин неъматро ситоиш кунам, вале на дар Қуръон ва на дар Ҳадис вожаи барф нест.

Шубҳа: Ааа, мо нав сабаби барф набориданро фаҳмидем. Наход мулло Абдуқодир як оят ё ҳадисе наёфта бошанд дар бораи барфу борон!? Кобед устод, мардум ба умеди Шумо!

 

Аслиддин ДОСТИЕВ, рӯзноманигор

- Ба назар чунин мерасад, ки ҳамаи шабакаҳои ТТ гӯё 1 диски сужавӣ омода карда, онро бо навбат ба манзари тамошо мемонанд.

Пешниҳод: Оғои Аслиддин! Чуқуртар кобед, шояд ҳамон диски мегуфтаатонро телевизионҳои мо аз интернет «скачат» карда бошанд.

 

Мулло ҲАЙДАР, имомхатиби масҷиди ҷомеи шаҳри Кӯлоб

- Шарт аст, ки дар паҳлуи ҳар хона як масҷид бошад?

Луқма: Рақобати носолим домулло! Ҳамагӣ масҷиди ҷомеъ раванд гуфтанӣ будед?

 

Таҳияи Ҳафизуллоҳи ТОҲИРӢ

саҳ 14 аз 14

Хабари рӯз

Минбари сардабир

  • симКАРта

    Дар ҳафтае, ки гузашт, дар шабакаҳои иҷтимоӣ ин калима аз…

Назарҳо

Яндекс.Метрика

 

Яндекс.Метрика

 

© «Фараж», 2011-2018. Истифодаи маводи сайти мазкур танҳо бо иҷозати хаттии идора мумкин аст.

Нишонии идора: шаҳри Душанбе, хиёбони Саъдии Шерозӣ, 16, ошёнаи 8.
Сайт бо кӯмаки моддии Free Press Unlimited сохта шудааст.