.

Alternative flash content

Requirements

Get Adobe Flash player

Скачать шаблоны для Joomla бесплатно
Светлые Joomla шаблоны.

Хабари-рӯз

Шумо дар Хабари-рӯз

Фестивали ҷаҳонии филмҳо дар мавзуи муҳоҷират–2018 дар Тоҷикистон

Дек 07, 2018 Хонданд: 78
Уникальная программа снижения веса от Фаберлик.
Новинки косметики фаберлик на faberllena.ru
Фестивали ҷаҳонии филмҳо дар мавзуи муҳоҷират–2018 дар Тоҷикистон

Фестивали сеюми ҷаҳонии филмҳо дар мавзуи муҳоҷират аз ҷониби Созмони байналмилалии муҳоҷират (СБМ) – Оҷонсии СММ доир ба муҳоҷират дар бештар аз сад кишвари ҷаҳон баргузор мегардад. Фестивал ба Рӯзи байналмилалии муҳоҷир, ки ҳамасола 18-уми декабр қайд мешавад, бахшида шудааст.

Фестивал дар Тоҷикистон 6-уми декабри соли 2018 бо намоиши филми «Дар як қаиқ», ки чеҳраҳои инсонии буҳрони муҳоҷирон дар Баҳри Миёназаминро нишон медиҳад, оғоз шуд. Намоиши филмҳои дигари фестивал дар Тоҷикистон дар оғози соли оянда ба нақша гирифта шудааст. Замон ва макони намоишҳои соли 2019 дар саҳифаи СБМ Тоҷикистон дар Фейсбук эълон хоҳад шуд.

Имсол, дар фестивал филмҳои ҳунарӣ ва ҳуҷҷатие, ки чолишҳо ва имкониятҳои муҳоҷират ва ҳамчунин, саҳми беназири муҳоҷирон ба ҷомеаҳои навашонро тасвир мекунанд, ба намоиш гузошта мешаванд. Ҳадафи фестивал баррасии фаъолонатари яке аз падидаҳои бузургтарини замони мо мебошад.

Кристина Ҷорҷ Транка, раҳбари Намояндагии СБМ дар Тоҷикистон, мегӯяд: “Филмҳо зиндагиҳои гуногунро аз мавқеъҳои гуногун нишон дода метавонанд, ки дар навбати худ ба бинанда имкон медиҳад, то бо дарки бештар вориди мавзӯъи муҳоҷирон гардад, воқеъияти онҳоро, ниёзҳояшонро, имкониятҳо ва ояндаашонро беҳтар фаҳмад. Фестивал ба мо замон ва макони мувофиқеро фароҳам меорад, то фикри ҳамватанонамонро бикунем ва тамосҳо миёни кишвари асл ва кишвари мизбон ва ҷомеаву муҳоҷиронро нигаҳ дорем. Барои Тоҷикистон низ муҳоҷират мавзӯъи нав нест, чунки дар ин ҷо мушкил аст касеро дарёфт, ки зиндагияш ба шакле зери таъсири муҳоҷират қарор нагирифта бошад. Ба андешаи мо, филмҳо дар мавзӯъи муҳоҷират ба мардум ёрӣ медиҳад, то доир ба ин падида тасаввуроти рӯшантар пайдо кунанд”.

Тӯли солиёни зиёд, филмҳо манбаъи иттилоот, тафреҳ, таълим ва оғози баҳс мебошанд. Бо назардошти ин, дар соли 2016, СБМ, Оҷонси СММ доир ба муҳоҷират, Фестивали ҷаҳонии филмҳо дар мавзӯъи муҳоҷиратро роҳандозӣ кард. Филмҳо метавонанд ба ҳайси василаи омӯзишӣ истифода шаванд, чунки онҳо ба дарк ва муносибат таъсир мегузоранд. Филмҳо, ҳамчунин, метавонанд барои баҳсҳои эҳтиромона ва ҳамкориҳо имконият фароҳам оранд.

Тағйироти охир Ҷумъа, 07 Декабр 2018 15:37
Хонданд 78
Баҳо диҳед
(0 )

Медиа

ШУМО НАЗАР Ё ПАЁМЕ ДОРЕД

_______________________________________________

Хабари-рӯз

Минбари сардабир

  • симКАРта

    Дар ҳафтае, ки гузашт, дар шабакаҳои иҷтимоӣ ин калима аз…

Назарҳо

Яндекс.Метрика

 

Яндекс.Метрика

 

© «Фараж», 2011-2018. Истифодаи маводи сайти мазкур танҳо бо иҷозати хаттии идора мумкин аст.

Нишонии идора: шаҳри Душанбе, хиёбони Саъдии Шерозӣ, 16, ошёнаи 8.
Сайт бо кӯмаки моддии Free Press Unlimited сохта шудааст.