.

Alternative flash content

Requirements

Get Adobe Flash player

Скачать шаблоны для Joomla бесплатно
Светлые Joomla шаблоны.

Хабари-рӯз

Шумо дар Хабари-рӯз

Муҳоҷирон дар Челябинск аз рондани таксӣ маҳрум мешаванд

Нояб 16, 2018 Хонданд: 137
Уникальная программа снижения веса от Фаберлик.
Новинки косметики фаберлик на faberllena.ru
Муҳоҷирон дар Челябинск аз рондани таксӣ маҳрум мешаванд

Муҳоҷирон, аз ҷумла муҳоҷирони тоҷик аз оғози соли 2019 аз ҳаққи ронандагии таксӣ ва васоили нақлиёти умумӣ дар қаламрави вилояти Челябинск, дар минтақаи умдатан саноатии Русия маҳрум мешаванд. Дар ин бора parstodayдар такя ба гузориши вебгохи Эхо-Маскав хабар дод.

Гуфта мешавад, ки раиси вилояти Челябинск Борис Дубровский бо имзои фармоне ронандагии коргарони муҳоҷири хориҷиро дар қаламрави ин минтақа аз аввали январи соли 2019 мамнуъ кардааст.

Дар ин фармон таъкид шудааст, ки ронандагони хориҷӣ, аз ҷумла шаҳрвандони кишварҳои Осиёи Марказӣ ҳатто дар сурати доштани муҷаввизи расмии кор ва иқомат дар Русия аз аввали январи соли 2019 аз ҳаққи фаъолият дар бахши ҳамлунақли умумӣ ва масирҳои байнишаҳрӣ маҳрум мегарданд.

Масъулони созмонҳои коргарони муҳоҷири тоҷикистонӣ дар вилояти Челябинск аз ин иқдом ибрози нигаронӣ мекунанд ва онро муҷиби аз кор маҳрум шудани ҳазорон тоҷик медонанд, ки дар ин минтақа ҳамчун ронандаи таксӣ фаъолият мекунанд.

Қаблан раиси вилояти Новосибирск низ фармони мушобеҳеро имзо карда буд.

Аз сӯйи дигар, мудофеи ҳуқуқи коргарони муҳоҷири хориҷӣ дар Русия Валентина Чупик гуфтааст, ки фармони раиси вилояти Челябинск бар хилофи қонунҳои ин кишвар ва табъизи ошкор алайҳи ронандагони хориҷӣ аст. Аз ин рӯ, алайҳи ин фармон ба Суди конуститутсионии Русия шикоят хоҳад кард.

Тағйироти охир Ҷумъа, 16 Ноябр 2018 10:39
Хонданд 137
Баҳо диҳед
(0 )

Медиа

ШУМО НАЗАР Ё ПАЁМЕ ДОРЕД

_______________________________________________

Хабари-рӯз

Минбари сардабир

  • симКАРта

    Дар ҳафтае, ки гузашт, дар шабакаҳои иҷтимоӣ ин калима аз…

Назарҳо

Яндекс.Метрика

 

Яндекс.Метрика

 

© «Фараж», 2011-2018. Истифодаи маводи сайти мазкур танҳо бо иҷозати хаттии идора мумкин аст.

Нишонии идора: шаҳри Душанбе, хиёбони Саъдии Шерозӣ, 16, ошёнаи 8.
Сайт бо кӯмаки моддии Free Press Unlimited сохта шудааст.