.

Alternative flash content

Requirements

Get Adobe Flash player

Скачать шаблоны для Joomla бесплатно
Светлые Joomla шаблоны.

Хабари-рӯз

Шумо дар Хабари-рӯз

Мастчоҳиён Рӯзи президентро истиқбол мегиранд

Нояб 12, 2018 Хонданд: 182
Уникальная программа снижения веса от Фаберлик.
Новинки косметики фаберлик на faberllena.ru
Мастчоҳиён Рӯзи президентро истиқбол мегиранд

Таҳти унвон «Нақши Президенти Ҷумҳурии Тоҷикистон муҳтарам Эмомалӣ Раҳмон дар таҳкими сулҳу ваҳдат ва рушди устувори мамлакат» рӯзи 10 ноябри соли ҷорӣ дар ноҳияи Мастчоҳ бо ибтикори кумиҷроияи вилоятӣ ва ноҳиявии ҲХДТ ба истиқболи Рӯзи Президенти Ҷумҳурии Тоҷикистон  ҳамоиши ҷавонону бонувони фаъоли вилояти Суғд баргузор гардид.

Масъулини кумиҷроияи ноҳяивии ҲХДТ ва мақомоти иҷроияи ҳокимияти давлатии ноҳияи Мастчоҳ дар назди муҷассамаи Исмоили Сомонї дар маркази ноҳия – шаҳраки Бӯстон меҳмононро бо анъанаҳои неки маҳаллӣ қабул намуданд.

Сипас, намояндагони шаҳру навоҳии вилояти Суғд ба роҳпаймоии идонаи ҷавонони фаъоли ноҳия ҳамроҳ шуда, то қасри фарҳанги шаҳраки Бӯстон пиёда рафтанд. Дар назди қасри фарҳанги мазкур намоиши ҳунарҳои мардумӣ баргузор шуд. Дар он ҳунармандону косибон, бонувони гулдаст, санъаткорони халқӣ ва дигар ҳавасмандони ҳунарҳои мардумӣ маҳсули дасти худро ба намоиш гузошта буданд. Меҳмонон зимни боздид аз растаҳои ҳунармандон ба ҳунару маҳорати дӯзандагону ошпазҳои хурокҳои маҳаллӣ баҳои баланд доданд.

Шиносоӣ бо ҷараёни сохтмони Қасри фарҳанги ноҳия, ки бо супориши Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон бо тамоми шароит ва дорои 1000 ҷои нишаст бунёд мешавад, ба меҳмонон таассуроти нек бахшид.

Сипас дар қасри фарҳанги шаҳраки Бӯстон бо иштироки олимону коршиносон, аъзои фаъоли ҳизб, раисони ташкилоти ибтидоӣ, роҳбарони намояндагии ТҶҶ “Созандагони Ватан” дар шаҳру навоҳии вилояти Суғд ва намояндагони ВАО конференсия дар мавзӯи мазкур баргузор шуд. Нахуст Дилшод Зокиров, раиси КИ ҲХДТ дар ноҳияи Мастчоҳ оид ба муҳтаво ва мақсади конфронс маълумот дод. Таъкид гардид, ки мавзӯи конфронс хеле муҳим аст, зеро тамоми дастовардҳои давлату ҳукумати кишвар дар давоми қариб 30 соли Истиқлолият бо ному фаъолияти шабонарӯзӣ ва пурсамари Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон иртиботи мустақиму ногусастанӣ ва хеле муассир дорад.

- Маҳз сиёсати созандаву оқилонаи сарвари давлат муҳтарам Эмомалӣ Раҳмон Тоҷикистонро аз кишвари ҷангзада бароварда, ба мамлакати рӯ ба рушд ва амну пешрафта табдил дод. Дар ин конфронс аз меҳнатҳои фидокоронаи Пешвои муаззами миллат, Президенти Тоҷикистон муҳтарам Эмомалӣ Раҳмон дар таҳкими сулҳу ваҳдат ва рушди устувори мамлакат ёдоварӣ мешавад. Итминони комил дорам, ки конфронси имрӯзаи мо барои ҳамаи иштирокчиён, махсусан ҷавонони мо бисёр маълумотҳои наву муфидро эҳдо мекунад, ки албатта аз манфиат холӣ нест, - изҳор дошт раиси КИ ҲХДТ дар ноҳияи Мастчоҳ Д. Зокиров.

Раиси КИ ҲХДТ дар вилояти Суғд, номзади илмҳои филологӣ Сарфароз Фаттоҳзода зимни маърӯзаи худ дар мавзӯи “Эмомалӣ Раҳмон – Президенти мардумӣ ва Қаҳрамони Тоҷикистон” аз нақши тақдирсози Пешвои миллат дар самти наҷоти кишвар аз бунбастҳои пурхатар ва таъмини рушди устувори мамлакат сухан гуфта,  изҳор дошт, ки маҳз донишу хирад, муҳаббати бузург нисбат ба халқу ватан ва иродаи шикастнопазири ин фарзонафарзанди миллат моро аз вартаи махуфи ҷанги шаҳрвандӣ ба имрӯзи ободу осуда ва пур аз нусрат расонид.

Музаффар Азизов, и.в. роҳбари Дастгоҳи раиси ноҳияи Мастчоҳ зимни суханронӣ дар мавзӯи “Президенти Тоҷикистон муҳтарам Эмомалӣ Раҳмон ва татбиқи ҳадафҳои бузург” аз корнамоиҳои беназири Пешвои миллат дар 27 соли соҳибистиқлолии мамлакат ёдоварӣ намуд.

Фирдавс Саидов, роҳбари намояндагии ТҶҶ “Созандагони Ватан” дар вилояти Суғд дар мавзӯи “Нақши Эмомалӣ Раҳмон дар рушди давлатдории миллӣ” маърӯза карда, изҳор дошт, ки мо ҷавонон пайравони Пешвои миллат ва татбиқкунандаи сиёсати созандаи ин шахси бузург ҳастем.

Сангин Гулов, номзади улуми филологӣ ва мудири кафедраи радио ва телевизиони Донишгоҳи миллии Тоҷикистон дар мавзӯи “Эмомалӣ Раҳмон – бунёдгузори Роғун ва имрӯзу ояндаи равшани Тоҷикистон”  суханронӣ кард. Мавсуф зимни маърӯзаи пурмуҳтаво аз нақши таърихии Пешвои миллат дар истиқрори сулҳу ваҳдати миллӣ, таъмини якпорчагии мамлакат ва эҳёи бузургтарин нерӯгоҳи асри Тоҷикистон – НБО “Роғун” ёдовар шуд.

Фирӯза Раҳимӣ, мудири шуъбаи кор бо занони КИ ҲХДТ дар вилояти Суғд зимни суханронии худ дар мавзӯи “Меъмори давлати миллӣ ва бунёдгузори сулҳу ваҳдат” аз фидокориҳои Пешвои миллат муҳтарам Эмомалӣ Раҳмон дар роҳи расидан ба сулҳу иттиҳоди комил ёдоварӣ намуда, изҳор дошт, ки таҷрибаи сулҳофари Президенти мо то ҳол дар сатҳи ҷаҳонӣ бузургу беназир аст.

Дар мавзӯи “Амнияти миллӣ ва амнияти иттилоотӣ аз нигоҳи Пешвои миллат муҳтарам Эмомалӣ Раҳмон” роҳбари намояндагии ТҶҶ “Созандагони Ватан” дар ноҳияи Мастчоҳ ва сардабири рӯзномаи “Нигоҳи халқ”  Муродулло Почозода маърӯза кард.

Муҳаммадраҷаб Шарифзода, узви собиқадори ҲХДТ ва муовини мудири шуъбаи фарҳанги ноҳияи Мастчоҳ зимни маърӯзаи худ дар мавзӯи “Президенти мо – Пешвои миллат” аз муҳаббати бузурги мардум нисбати фарзонафарзанди халқ муҳтарам Эмомалӣ Раҳмон сухан гуфт.

Родмеҳр Сулаймонӣ, эҷодкори ҷавон ва роҳбари маҳфили “Эҷод”-и Коллеҷи омӯзгории Мастчоҳ шеъри худро дар бораи бузургию саодатофарии Пешвои миллат муҳтарам Эмомалӣ Раҳмон қироат кард.

Дар охири чорабинӣ ба як гуруҳ фаъолон Сипоснома ва туҳфаҳои хотиравии КИ ҲХДТ дар вилояти Суғд тақдим карда шуданд. Аз ҷумла, сардабири рӯзномаи “Нигоҳи халқ” Муродулло Почозода бо медали ҷашнии “20-солагии  ҲХДТ” ва мудири бахши кор бо занони кумиҷроияи ноҳиявии ҲХДТ Гулнора Ҷӯраева бо Сипосномаи кумиҷроияи вилоятӣ сарфароз гардонида шуданд.

Пас аз анҷоми конфронс меҳмонон ба хонаи яке аз иштирокчиёни Иҷлосияи таърихии 16-уми Шӯрои Олӣ шодравон Малик Қурбонов рафта, ёди ӯро гиромӣ доштанд. Фарзандони марҳум барои чунин қадршиносӣ ба КИ ҲХДТ дар вилояти Суғд изҳори сипос карданд.

Муллошукур ШОКИРЗОДА,

н. Мастчоҳ

Тағйироти охир Душанбе, 12 Ноябр 2018 10:13
Хонданд 182
Баҳо диҳед
(0 )

Медиа

ШУМО НАЗАР Ё ПАЁМЕ ДОРЕД

_______________________________________________

Хабари-рӯз

Минбари сардабир

  • ДАВоДАВ

    Масофаи роҳ бо машинае, ки 150 ҳазор доллар нарх дорад…

Назарҳо

Яндекс.Метрика

 

Яндекс.Метрика

 

© «Фараж», 2011-2018. Истифодаи маводи сайти мазкур танҳо бо иҷозати хаттии идора мумкин аст.

Нишонии идора: шаҳри Душанбе, хиёбони Саъдии Шерозӣ, 16, ошёнаи 8.
Сайт бо кӯмаки моддии Free Press Unlimited сохта шудааст.