.

Alternative flash content

Requirements

Get Adobe Flash player

Хабари-рӯз

Ба пойгоҳи 201-уми Русия дар Душанбе қасди амали террористӣ нашудааст

Кумитаи давлатии амнияти миллии Тоҷикистон расман маълум кардааст, ки ҳеҷ гуна қасде барои анҷоми амалиёти террористӣ дар пойгоҳи 201-и Русия дар Тоҷикистон вуҷуд надоштааст.

Сардори маркази матбуоти Кумитаи давлатии амнияти миллӣ Дилшод Абдулалимов бо хабаргузории «АП» гуфтааст, ки хабари боздошти гурӯҳе аз исломгароёнро, ки қасди анҷоми амалиёти террористӣ дар пойгоҳи 201-уми Русия дар Душанбе доштаанд, асос надорад. «Ин як хабари дурӯғ аст ва мо касеро боздошт накардаем», - гуфтааст ӯ.

Расонаҳо аз боздошти як гурӯҳи 12-нафарӣ, ки қасди инфиҷори пойгоҳи низомии 201-и артиши Русия дар ҷануби Душанберо доштанд, хабар дода буданд.

Дар ҳамин ҳол мақомоти пойгоҳи 201-и Русия эълом кардаанд, фаъолияти ин пойгоҳ тибқи ҳолати маъмулӣ ҷараён дорад ва онҳо аз ҳар гуна тарҳе барои ҳамлаи террористӣ ба пойгоҳ бехабаранд.

Хонданд 197
Қӯшунҳои сарҳадӣ: 400 сарбоз барои чӣ савганд хӯрданд?

400 нафар наваскари даъвати тирамоҳии имсола дар Маркази таълимии «Пойтахт»-и Қушунҳои сарҳадии КДАМ қасами ҳарбӣ ёд карданд.

Ба ин муносибат 10-уми ноябр дар ин Марказ бо боло баровардани байрақи ҷангӣ чорабинии тантанавӣ баргузор карда шуд.

Дар ин чорабинии мазкур муовини фармондеҳи Қӯшунҳои сарҳадии КДАМ ҶТ полковник Адбуллозода Н., сардори Маркази таълимии «Пойтахт»-и Қӯшунҳои сарҳадӣ, намояндагони Хадамоти сарҳадии Федератсия Русия дар Тоҷикистон, падару модарони сарбозон ва дигар меҳмонон низ иштирок доштанд.

Полковник Абдуллозода дар назди меҳмонон ва сарбозон аз садоқату ҷасорати касбӣ, фидокориву ҷоннисории афсарону сарбозони ин ниҳод тавсиф намуда, сулҳу субботи пойдор ва зиндагии осоиштаи мардуми кишварро маҳз ба хизматҳои шабонарӯзии онҳо рабт дод.

-Мубориза  бар зидди ҳамагуна хатарҳои эҳтимолӣ, ба хусус терроризми байналмилалӣ, экстремизми сиёсӣ ва дигар зуҳуроти номатлуб аз ҳар як афсару сарбоз омодабошии доимии ҳарбиро тақозо менамояд, зеро ҳифзи дастовардҳои истиқлолияти давлатӣ, аз ҳар як фарди содиқ ва бонангу номуси ин Ватан вобастагӣ дорад. Вазифаи аввалин дараҷаи ҳар як хизматчии ҳарбӣ ин садоқат ба Ватан ва Савганди ҳарбӣ мебошад,- гуфт муовини фармондеҳи Қӯшунҳои сарҳадии КДАМ ҶТ полковник Адбуллозода Н.

Ҳамчунин, падару модарон низ ба сухан баромада, аз наваскарон хизмати софдилона дар ҳифзи марзу буми кишварро тақозо карданд ва хизмати аскариро барои ҳар як ҷавон мактаби воқеии ҳаёт унвон намуданд.

Пас аз маросими савгандёдкунӣ, сарбозон ва ҳайати шахсии Маркази таълимии «Пойтахт» бо марши тантанавӣ аз назди меҳмонон гузаштанд/ Муовини Фармондеҳи Қӯшунҳои сарҳадии КДАМ ҶТ полковник Абдуллозода бо падару модарон ҳамсӯҳбат шуда, ба онҳо миннатдорӣ баён намуд ва ваъда дод, ки пас аз хизмат дар сафи Қӯшунҳои сарҳадии КДАМ ҶТ фарзандонашон бо сари баланд ба назди онҳо бармегарданд.

Дар анҷом аз ҷониби ансамбли ҳарбии «Марзбон»-и ҚС КДАМ ҶТ ба иштироккунандагон концерти идона намоиш дода шуд.

Хонданд 237
Мулоқоти Шукурҷон Зуҳуров бо Патрис Вершер дар Париж

Имрӯз,13-уми ноябр, дар шаҳри Париж вохӯрии раиси МНМО Шукурҷон Зуҳуров бо раиси Гуруҳи байнипарламентии дӯстии Фаронса ва ОМ дар Ассамблеяи миллии Фаронса Патрис Вершер баргузор гардид.

Ҷонибҳо зимни мулоқот маҷмӯи васеи масъалаҳои вобаста ба муносибатҳои дуҷонибаи Тоҷикистон ва Фаронса, аз ҷумла робитаҳои байнипарламентии ду кишварро мавриди муҳокима қарор доданд.

Дар рафти сӯҳбат таваҷҷуҳи ҷониби Фаронса ба иқтидору имкониятҳои фаровони рушди ҳамкориҳо дар соҳаҳои амният, энергетика, кишоварзӣ, нақлиёт ва коммуникатсия, сайёҳӣ, маориф ва фарҳанг ҷалб карда шуд. Дар ин радиф, аҳамияти тавсеаи пояи қарордодиву ҳуқуқии муносибатҳои мутақобилаи байни Тоҷикистон ва Фаронса барои ғанигардонии ҳамкориҳо бо мазмуну мундариҷаи мушаххас таъкид гардид.

Гуфтугӯи судманд ҳамчунин дар атрофи амнияти минтақа, махсусан дар мавзӯи Афғонистон сурат гирифт.

Хонданд 97

Дар шаҳри Самарқанди Ӯзбекистон кӯдаки 6-сола гаҳвораеро оташ зад, ки дохили он додари 2-моҳааш хоб буд.

Дар ин бора расонаҳои маҳаллӣ бо такя ба Вазорати корҳои дохилии Ӯзбекистон хабар медиҳанд.

Хабар дода мешавад, ки волидон кӯдаконро беназорат гузоштаанд ва кӯдаки 6-сола оташбозӣ карда, дар натиҷа гаҳвораҳо оташ задааст.

Дар ниҳоят оташ хомӯш ва кӯдакон дар бемористон бистарӣ шудаанд.

Хонданд 280

Хабари-рӯз

Минбари сардабир

  • симКАРта

    Дар ҳафтае, ки гузашт, дар шабакаҳои иҷтимоӣ ин калима аз…

Назарҳо

Яндекс.Метрика

 

Яндекс.Метрика

 

© «Фараж», 2011-2018. Истифодаи маводи сайти мазкур танҳо бо иҷозати хаттии идора мумкин аст.

Нишонии идора: шаҳри Душанбе, хиёбони Саъдии Шерозӣ, 16, ошёнаи 8.
Сайт бо кӯмаки моддии Free Press Unlimited сохта шудааст.