.

Alternative flash content

Requirements

Get Adobe Flash player

Хабари-рӯз

Имрӯз, 15-уми ноябр, дар ҷумҳурӣ ҳавои абрнок шуда, дар ағбаҳо фаромадани меғ пешгӯӣ карда мешавад, хабар медиҳад Агентии обуҳавошиносии Тоҷикистон.

Дар вилояти Суғд  ҳавои абрноки  тағйирёбанда шуда,  дар баъзе ҷойҳо фаромадани туман дар назар аст. Шамол аз самти ғарб 4-9  метр   дар як сония мевазад. Дамои ҳаво дар водиҳо шабона -0+5  ва рӯзона  8+13 дараҷа мешавад.

Дар вилояти Хатлон ҳавои абрноки  тағйирёбанда  шуда, дар водиҳо шабона 1+6 ва рӯзона +12+17 дараҷа гарм хоҳад шуд.

Дар Вилояти Мухтори Кӯҳистони Бадахшон ҳавои абрноки тағйирёбанда дар назар аст. Дамои ҳаво дар ғарби вилоят шабона -0-5, рӯзона  +6+11  ва дар шарқи ин вилоят шабона -3-18  ва рӯзона -0-5 дараҷа сард  мешавад.

Дар шаҳру ноҳияҳои тобеи марказ ҳавои абрнок шуда, дар ағбаҳо фаромадани меғ дар назар аст. Ҳарорат шабона 0+5  ва рӯзона  ба  11+16  дараҷа мерасад.

Дар шаҳри Душанбе ҳавои абрноки тағйирёбанда шуда, дамои он шабона +1+3  ва рӯзона +13+15 дараҷа гарм мешавад.

Хонданд 90
Дар Панҷ биноҳои баландошиёнаи истиқоматӣ бунёд мешаванд

Дар ноҳияи Панҷ то ҷашни 30-солагии Истиқлолияти давлатии кишвар 130 иншооти таъиноташон гуногун  бо харҷи 79 милону 517 ҳазор сомонӣ сохта мешаванд.  

Раиси ноҳияи Панҷ Сайфидинзода Маҳамадюнус зимни тасдиқи ин хабар афзуд, ки бахшида ба ҷашни 30-солагии Истиқлолияти давлатии Ҷумҳурии Тоҷикистон дар ноҳия корҳои ободониву бунёдкорӣ бо маром идома доранд.

Раиси ноҳия гуфт, аз ҳисоби ҳама сарчашмаҳои даромад, 131 иншоот ба нақша гирифта шудаанд, ки то имрӯз чанде аз онҳо мавриди истифода қарор гирифтаанд.

Ба гуфти манбаъ, дар се соли охир дар ноҳияи Панҷ 4 корхонаи истеҳсолӣ ва дузандагӣ,  19 майдончаи варзишӣ, 11 сартарошхона, 4 бинои маъмурӣ, 14 бунгоҳи тиббӣ, 9 муассисаи таълимӣ ва томактабӣ, 10 маркази савдо ва нуқтаҳои хизматрасонӣ, бунёди  4 гармхона ва  фермаҳои чорводорӣ, таъмири пойгоҳҳои обрасонии хати оби нушокӣ ва таъмиру чароғонкунии роҳу пулҳо ба нақша гирифта шудаанд.

Зикр шуд, ки тибқи  нақшаи генералӣ, бояд дар маркази ноҳия биноҳои баландошиёнаи истиқоматӣ  сохта шаванд, ки ва барои бунёди он соҳибкорони ватанӣ ҷалб шудаанд. 

Сайфидинзода Маҳамадюнус раиси ноҳия афзуд, ки ин ҳама талошҳои мо бо мақсади сазовор пешвоз гирифтани ҷашни 30- солагии Истиқлолияти давлатии кишвар мебошад.    

Раҳмоналӣ Додархӯҷаев

Хонданд 96

Бино ба иттилои Агентии обуҳавошиносии Тоҷикистон имрӯз, 14-уми ноябр, дар ҷумҳурӣ ҳавои абрнок шуда, борону  барф дар назаранд.

Дар вилояти Суғд  ҳавои абрноки  тағйирёбанда шуда, шамол аз самти ғарб 4-9  метр   дар як сония мевазад.  Ҳаво дар водиҳо шабона -3+2  ва рӯзона  5+10 дараҷа гарм мешавад.

Дар вилояти Хатлон ҳавои абрноки тағйирёбанда шуда, дар баъзе ҷойҳо фаромадани меғ дар назар аст. Ҳаво дар водиҳо шабона 1+6 ва рӯзона +10+15   дараҷа гарм хоҳад шуд.

Дар Вилояти Мухтори Кӯҳистони Бадахшон ҳавои абрноки тағйирёбанда пешгӯӣ карда мешавад Ҳаво дар ғарби вилоят шабона -3-8, рӯзона +4+9  ва дар шарқи ин вилоят шабона -13-18 ва рӯзона -4+1 дараҷа мешавад.

Дар шаҳру ноҳияҳои тобеи марказ ҳавои абрнок шуда, дар баъзе ҷойҳо фаромадани меғ дар назар аст.  Дамои ҳаво шабона ба 1+6  ва рӯзона ба 9+14  дараҷа мерасад.

Дар шаҳри Душанбе ҳавои абрноки тағйирёбанда шуда,   шабона +2+4  ва рӯзона +11+13  дараҷа гарм мешавад.

Хонданд 82
Байни Душанбеву Остона хатсайри ҳавоӣ роҳандозӣ мешавад

Дар хабар аст, ки пас аз як моҳи дигар парвози мустақими ҳавопаймоҳо миёни пойтахтҳои Тоҷикистону Қазоқистон роҳандозӣ хоҳад шуд.

Кумитаи ҳавопаймоии кишварии Қазоқистон дар вебгоҳи худ эълон кардааст, ки қарор аст, аз рӯзи 14-уми декабри 2018 нахустин хатсайри мустақими ҳавоӣ миёни шаҳрҳои Остона ва Душанбе анҷом шавад.

Барномарезиҳо барои роҳандозии парвози мустақими ҳавоӣ миёни Остона ва Душанбе бо мусоидати ширкати ҳавопаймоии "Скат"-и Қазоқистон ва дар чорчуби фаъолияти Комиссияи муштараки ҳамкориҳои иқтисодӣ–тиҷоратии Тоҷикистону Қазоқистон сурат гирифтааст.

Парвозҳо дар масири Душанбе-Остона ҳафтае ду бор дар рӯзҳои якшанбе ва ҷумъа доир шуда, қимати билет барои ҳар мусофир 124 доллар хоҳад буд.

Пеш аз ин, парвози миён ду пойтахт аз тариқи шаҳри Алмаато, пойтахти пешини Қазоқистон, тавассути ширкатҳои «Тоҷик Эйр» ва «Остона Эйр» анҷом мешуд.

Хонданд 59

Хабари-рӯз

Минбари сардабир

  • симКАРта

    Дар ҳафтае, ки гузашт, дар шабакаҳои иҷтимоӣ ин калима аз…

Назарҳо

Яндекс.Метрика

 

Яндекс.Метрика

 

© «Фараж», 2011-2018. Истифодаи маводи сайти мазкур танҳо бо иҷозати хаттии идора мумкин аст.

Нишонии идора: шаҳри Душанбе, хиёбони Саъдии Шерозӣ, 16, ошёнаи 8.
Сайт бо кӯмаки моддии Free Press Unlimited сохта шудааст.