.

Alternative flash content

Requirements

Get Adobe Flash player

Скачать шаблоны для Joomla бесплатно
Светлые Joomla шаблоны.

Хабари рӯз

Шумо дар Хабари рӯз

РВКД назоратро пурзӯр мекунад, ё ҷиноятҳо рӯйпӯш мемонанд?

Фев 27, 2018 Диданд: 472
Уникальная программа снижения веса от Фаберлик.
Новинки косметики фаберлик на faberllena.ru

Раёсати Вазорати корҳои дохилӣ дар шаҳри Душанбе барои пешгирии ҳуқуқвайронкунӣ ва ҷинояткорӣ миёни ноболиғон, ҷавонон, муҳассилини муассисаҳои таҳсилоти миёнаи умумӣ, миёнаи махсус ва олии шаҳри Душанбе ба ҳар як муассисаи таълимӣ як корманди милисаро вобаста кардааст, то аз ҳама гуна амалҳои номатлуб ҷилавгирӣ карда шавад.

Ин иқдом тибқи фармони махсуси сардори Раёсати ВКД дар шаҳри Душанбе генерал-майори милитсия Назарзода Шариф Раҳмон таҳти №51 аз 23-юми феврали соли равон амалӣ шудааст.

Банди 2-и фармони мазкур кормандони ба муассисаҳои таҳсилоти ибтидоӣ, миёна ва олии касбии ҳудуди шаҳри Душанбе вобастагардидаро муваззаф месозад, ки робитаю ҳамкории зичро бо маъмурияти муассисаҳои таълимӣ ба роҳ монанд. Аммо назарҳо нисбат ба талаботи банди 3-и ин фармон, ки «дар сурати рух додани чунин ҳодисаҳои номатлуб нисбати корманди милиса санҷишҳои хизматӣ гузаронида шуда, ҷазоҳои сахти интизомӣ татбиқ карда мешавад», гуногунанд.

Бархе сокинон бар он назаранд, ки татбиқи ин фармон акнун ҳуқуқвайронкунию ҷиноятҳо ва дигар амалҳои номатлубро миёни хонандагони мактабу муассисаҳои таълимӣ коҳиш хоҳад дод, зеро назорати ҷиддии корманди милиса метавонад, ба одобу рафтор ва гуфтори хонандагон низ таъсир гузорад. Дар баробари ин, сарусадоҳое ҳам ҷой доранд, ки аз ин ба баъд кормандони масъули милиса на танҳо талоши ошкор сохтани қонунвайронкуниҳо ва ҳатто ҷиноятҳои минтақаашонро намекунанд, балки кӯшиши руйпӯш сохтан ва ҳалли «бомаслиҳат»-и онро авлотар медонанд, чун аз ҷиноятҳо ба боло гузориш диҳанд, ҳатман худ ҷазо хоҳанд гирифт.

Мувофиқи фармони мазкур, ки иқдоми навбатии роҳбарияти мақомоти иҷроияи ҳокимияти давлатӣ ва корҳои дохилии шаҳри Душанбе дар самти пешгирии ҳуқуқвайронкуниву ҷинояткорӣ гуфт мешавад, инчунин шомилшавии ноболиғон ва ҷавонон ба ҳизбу ҳаракатҳои ифротгаро, ҳолатҳои бо мошинҳои шахсӣ, телефонҳои мобилӣ ва бо сару либоси ғайритавсиявӣ ҳозир шудани хонандагону донишҷуён низ зери назорати қатъӣ гирифта хоҳад шуд.

Гуфта мешавад, давоми соли 2017 бо иштироки мактаббачагони муассисаҳои таҳсилоти умумии шаҳри Душанбе 4 ҷинояти авбошии гурӯҳӣ содир гардидааст, ки дар натиҷа 2 нафар ҳалок ва 4 нафар ҷароҳатҳои гуногуни ҷисмонӣ бардоштаанд.

Тағйироти охир Сешанбе, 27 Феврал 2018 16:45
Хонданд 472
Баҳо диқед
(0 )

ШУМО НАЗАР Ё ПАЁМЕ ДОРЕД

_______________________________________________

Хабари рӯз

Минбари сардабир

  • симКАРта

    Дар ҳафтае, ки гузашт, дар шабакаҳои иҷтимоӣ ин калима аз…

Назарҳо

Яндекс.Метрика

 

Яндекс.Метрика

 

© «Фараж», 2011-2018. Истифодаи маводи сайти мазкур танҳо бо иҷозати хаттии идора мумкин аст.

Нишонии идора: шаҳри Душанбе, хиёбони Саъдии Шерозӣ, 16, ошёнаи 8.
Сайт бо кӯмаки моддии Free Press Unlimited сохта шудааст.