.

Alternative flash content

Requirements

Get Adobe Flash player

Хабари рӯз

Мақомоти иҷроияи ҳокимияти давлатии ноҳияи Синои шаҳри Душанбе овозаҳо дар мавриди сохтмони бинои истиқоматӣ дар замини қабристони маҳаллаи Авулро рад карда мегӯяд, ки ин иқдом танҳо ба хотири тозаву озода кардани ин мавзеъ гирифта шудааст.

Мудири бахши танзими анъана ва ҷашну маросимҳои миллии ноҳияи Сино Муҳаммадсаиди Шарофиддин дар суҳбат бо faraj.tj гуфт, оромгоҳи маҳаллаи Авул аз куҳнатарин қабристонҳои шаҳри Душанбе ба ҳисоб меравад ва бо сабаби набудани ҷой аз соли 1974 гӯр кардани ҷаноза дар он манъ шудааст. Бино ба гуфтаи ин масъул, тасмими тоза кардани ин мавзеъ шахсан аз ҷониби ӯ гирифта шудааст. Чун пешниҳодро ба роҳбарият расондааст, он дастгирӣ ёфтааст.

- Рӯзе аз ин макон гузар мекардам, манзараи бисёр нороҳаткунандаеро мушоҳида кардам. Ин мавзеъ на оромгоҳ, баръакс макони амалҳои бади баъзе ҷавонон гаштааст. Аз ҳудуди ин манзилгоҳ писару духтареро дидам, ки берун шуданд. Баъдан, ба дохил даромадам, ки ҷангали анбуҳеро мемонад. Ифлосиҳо зиёд, ҳатто сӯзандорӯву дигар чизҳоро низ мушоҳида кардам. Роҳбарияти ноҳия пешниҳодро бо Шӯрои уламои маркази исломии Тоҷикистон мувофиқа кард. Фатвои уламои кишварро ҳам дар даст дорем, ки тибқи он пас аз гузаштани 40 сол аз охирон майити дафншуда мешавад, заминро ба дигар мақсад истифода кард, - гуфт М. Шарофиддин.

Ба қавли мудири бахши танзими ноҳияи Сино, кандану ба қабристони маҳаллаи Зарафшон бурдани устухонҳои ҷасадҳо тасмими худи пайвандонашон будааст.

- Ҳафтае қабл бо сокинони маҳаллаи Авул барои аз ҳама гуна ифлосиҳову алафу буттаҳои худрӯй тоза кардани оромгоҳ тариқи ҳашар маҷлис гузаронидем. Онҳо пешниҳод намуданд, ки агар имконият бошад, боқимондаи ҷасадҳоро ба қабристони маҳаллаи Зарафшон кӯчонем ва ин мавзеъро ҳамвору обод шавад. Мо ин пешниҳоди аҳолиро ба Шӯрои уламои Тоҷикистон мувофиқа кардем ва иҷозат дода шуд, - иброз дошт масъули танзим.

Фатвои Шӯрои уламои кишвар барои аз байн бурдани қабристон бо гузашти 40 сол пас аз охирон майити гуронидашуда дар ҳолест, ки дар ин макон ҷасадҳои нафарони замони ҷанги шаҳрвандии соли 1992 кушташуда низ хок шудаанд ва аз он замон ҳамагӣ 26 сол сипарӣ шудааст.

Шӯрои уламои маркази исломии Тоҷикистон бо вуҷуди зангҳои бешумори мо дар рӯзи гузашта ва ирсоли нома то ҳануз дар робита ба ин масъала ибрози назар накардааст.

Хонданд 745

12-уми март, соати 16:00, дар Театри давлатии академии драмавии ба номи Лоҳутии шаҳри Душанбе бахшида ба Рӯзи матбуоти тоҷик чорабинии тантанавӣ баргузор мегардад.

Тавре маркази матбуоти Вазорати фарҳанги Ҷумҳурии Тоҷикистон хабар медиҳад,   дар чорабинӣ қадрдонии фаъолони соҳаи матбуот ва ҷамъбасти озмуни ҷумҳуриявии «Беҳтарин мақола ва шеър дар бораи ҳаёт ва эҷодиёти Айнӣ» бахшида ба 140-солагии зодрӯзи Қаҳрамони Тоҷикистон Садриддин Айнӣ дар назар аст.

Дар ин рӯз ба журналистони ҷавон ҷоизаи ҳарсолаи факултети журналистикаи Донишгоҳи давлатии Тоҷикистон - Ҷоизаи Воҳид Асрорӣ низ тақдим мегардад.

Ба иттилои манбаъ, дар барномаи чорабинӣ намоиши рӯзномаву маҷаллаҳо ва адабиёти тозанашр, инчунин, барномаи адабию фарҳангӣ низ ҷой дода шудааст.

Мавриди зикр аст, ки тибқи бақайдгирии давлатӣ ва баҳисобгирии ташкилотҳои табъу нашр айни ҳол, дар ҷумҳурӣ 371 рӯзнома (109 адад давлатӣ ва 262 адад ғайридавлатӣ), 243 маҷалла (113 адад давлатӣ ва 130 адад ғайридавлатӣ), 71 нашриёт (10 адад давлатӣ ва 61 адад ғайридавлатӣ), 11 оҷонсиҳои иттилоотӣ (1 адад оҷонсии иттилоотии давлатӣ ва 10 адад ғайридавлатӣ) дар асоси Қонунҳои Ҷумҳурии Тоҷикистон «Дар бораи фаъолияти ноширӣ ва полиграфӣ» ва «Дар бораи матбуоти даврӣ ва воситаҳои ахбори омма» фаъолият менамоянд.

Хонданд 338

Акнун сокинони ду кишвар -Тоҷикистон ва Ӯзбекистон метавонанд, ки ба муддати 30 рӯз бидуни раводид ба кишварҳои якдигар сафар намоянд. Дар ин бора рӯзи 9-уми март президентҳои Тоҷикистону Ӯзбекистон пас аз мулоқоти ҳайатҳои ду кишвар дар Қасри Миллати Душанбе, ба мувофиқа расиданд. Миёни ду кишвар дар маҷмӯъ 27 созишнома ва санадӣ байниҳукуматӣ ба имзо расидааст.

Ба гуфтаи президенти Ӯзбекистон Шавкат Мирзиёев ягон масъалаи муҳими ҳалношуда боқӣ намондааст.

Президенти Тоҷикистон Эмомалӣ Раҳмон дар изҳороти матбуотии худ сафари Шавкат Мирзиёв ба Тоҷикистонро таърихӣ хонд ва гуфт, ки “ба созиши таърихӣ бо Ӯзбекистон даст ёфтем”. Ӯ ҳамчунин гуфт, ки ният доранд, ки ҳаҷми додугирифт миёни ду кишварро дар оянда то ба 1 миллиард доллар бирасонанд. Президенти Тоҷикистон марзи ду кишварро “сарҳади дӯстӣ” номид ва гуфт, ба созиш расиданд, ки аз захираҳои кӯли Сарез барои рушди ду кишвар истифода кунанд.

Шавкат Мирзиёев дар ин нишасти хабарӣ гуфт, ин сафараш аз он ҷиҳат таърихӣ аст, ки ҳайатҳои ду кишвар ҳама масъалаҳоро ҳал карданд. “Агар аз ман суол кунед, ки ягон масъалаи муҳими ҳалношуда боқӣ монд, ё не, ман дақиқан мегӯяд, ки не”, - афзуд Шавкат Мирзиёев.

Ӯ гуфт, ки гуфтугӯҳояшон бо ҷониби Тоҷикистон осон набуд, аммо ҷонибҳо мақсади ягонаи ҳалли ин масоилро доштанд. “Талошҳои мо хости мардуми ду кишвар буд ва мақсади ягонаи мо ҳам хурсанд кардани мардум аст”, - гуфт ӯ.

Хонданд 315

Раиси Маҷлиси намояндагони Маҷлиси Олии Тоҷикистон Шукурҷон Зуҳуров дар арафаи “Рӯзи матбуот”, ки ҳамасола рӯзи 11-март таҷлил мегардад, аҳли қалами кишварро табрику таҳният намуда, ин рӯзро аз санаҳои муҳими таърихӣ арзёбӣ кардааст. Мавсуф бахшида ба ин санаи таърихии фаромӯшнашавандаи қаламбадастони тоҷик рӯзи 7-уми март дар бинои Маҷлиси намояндагон бо рӯзноманигорони кишвар мулоқот доир намудааст.

Дар ин бора аз Маркази матбуотии Маҷлиси намояндагони Тоҷикистон хабар доданд.

Бинобар иттиллои манбаъ, Шукурҷон Зуҳуров зимни ироаи сухани табрикотӣ ҳамчунин аз нахустрӯзномаи тоҷикии Осиёи Миёна-«Бухорои шариф», ки 106 сол муқаддам рӯи чоп омадааст, ёдовар шуда, нақши онро дар фароҳам овардани заминаҳои устувори маънавию эҷодӣ барои мактаби рӯзноманигории тоҷик муҳим хондааст.

Раиси Маҷлиси намояндагон ҳамчунин таъкид доштааст, ки рӯзномаи «Бухорои шариф» дар як марҳилаи ҳассоси таърихӣ рӯи нашр омада, барои миллати тоҷик чун рисолаи раҳнамоӣ ё амсоли бонги бедории мардум хизмат кардааст.

-Муаллифони сабзхомаи он дар баробари монеаҳои шадиди низоми давр тавонистанд сухан аз мактабу маориф, иқтисоду тиҷорат, сиёсату фарҳанг, ободию озодӣ, пешрафту тараққиёт ва муҳимтар аз ҳама аз иттиҳоди миллию манофеи мардуми тоҷик бигӯянд. Дар ҳамон давру замон манфиатҳои миллии мо ва ҳақиқати таърихии ҳазорсола дар баробари афкори миллатгароёна ва туҳмату таҳқири нашрияҳои пантуркистӣ қарор дошт,-гуфтааст Зуҳуров.

Дар анҷоми мулоқот Раиси иттифоқи журналистони Тоҷикистон Зинатулло Исмоилзода ба Раиси Маҷлиси намояндагон Шукурҷон Зуҳуров, раиси кумитаи Маҷлиси намояндагон оид ба корҳои байналмиллалӣ, иттиҳодияҳои ҷамъиятӣ ва иттилоот Олим Салимзода ва мудири шуъбаи матбуоти Маҷлиси намояндагон Муҳамадато Султонов медали ҷашнии «100-солагии Матбуоти тоҷик»-ро тақдим намудааст.

Ҳамчунин, зимни ин чорабинӣ нусхаҳои электронии «Бухорои шариф», ки аз нодиртарин сарчашмаи пажӯҳиш мебошанд, чун рамзи арҷгузорӣ ба рӯзноманигорон, яъне пайравони мактаби эҷодии «Бухорои шариф» тақдим карда шуд.

Хонданд 336

Хабари рӯз

Минбари сардабир

  • симКАРта

    Дар ҳафтае, ки гузашт, дар шабакаҳои иҷтимоӣ ин калима аз…

Назарҳо

Яндекс.Метрика

 

Яндекс.Метрика

 

© «Фараж», 2011-2018. Истифодаи маводи сайти мазкур танҳо бо иҷозати хаттии идора мумкин аст.

Нишонии идора: шаҳри Душанбе, хиёбони Саъдии Шерозӣ, 16, ошёнаи 8.
Сайт бо кӯмаки моддии Free Press Unlimited сохта шудааст.