Дар як кӯчаи пойтахт, дар ҳавлие, шабона зани 61-солае кушта шудааст, ки гуфта мешавад аз ҷониби ҳаммаҳаллааш ба қатл расонида шудааст.  

Ба ШВКД-1 дар ноҳияи Сино марди 30-солаи сокини кӯчаи Нурулло Ҳувайдуллоеви пойтахт муроҷиат кардааст, ки 1-уми октябри соли 2018, тахминан соатҳои 02:30, шахсони номаълум вориди хонаи истиқоматиашон шуда, модараш зани 61-сола, зодаи ноҳияи Ванҷ, сокини кӯчаи Нурулло Ҳувайдуллоевро зери лату кӯб қарор дода, бо олоти халандаю бурранда 3 маротиба ба қисми чапи гарданаш задаанд.

Дар натиҷа, ҷабрдида ҷароҳати вазнини ҷисмонӣ бардошта, дар ҷои ҳодиса ба ҳалокат расидааст.

Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 74-солаи зодаи ноҳияи Ванҷ, сокини кӯчаи мазкур ҳамчун гумонбар дар содир намудани ҷинояти одамкушӣ дастгир карда шуд.

Аз рӯи ин ҳодиса парвандаи ҷиноятӣ оғоз гардида, тафтишот идома дорад.

ЯК ҶАВОБ ТАРК

Please enter your comment!
Please enter your name here