Президенти Тоҷикистон Эмомалӣ Раҳмон аз 21-ум то 23-юми март дар чорабиниҳои СММ бахшида ба Даҳсолаи байналмилалии амал «Об барои рушди устувор» ширкат мекунад, аз ин рӯ иштироки ӯ дар Наврӯзи Тоҷикистон, ки қарор аст 21-уми март дар шаҳри Панҷекат баргузор шавад, аз эҳтимол дур аст.
Як манбаъ аз ҳукумати ҷумҳурӣ ба ИА «АП» иттилоъ додааст, ки дар шаҳри Ню-Йорк ҳамчунин дидору гуфтушунидҳои Эмомалӣ Раҳмон бо раҳбарияти СММ, аз ҷумла Дабири кулли ин созмон Антониу Гутерриш низ, дар назар аст.
