Як мард дар Ҳисор бар асари мастӣ ба тани ҳамсари бародараш бо корд зада, қасди куштани ӯро кардааст.

Ҳангоми доир намудани чорабиниҳои оперативӣ-ҷустуҷӯӣ аз ҷониби кормандони милитсия марди 43-солаи шаҳри Ҳисор ҳамчун гумонбар дар содир намудани ҷинояти сӯиқасд ба куштор дастгир карда шудааст.

Номбурда, рӯзи 20-уми сентябри соли ҷорӣ, тахминан соати 08:00, дар ҳолати мастӣ ба манзили истиқоматиашон омада, аз сабаби муноқишаи ба миён омада, бо корди дар дасташ буда 4 маротиба ба аъзои бадани ҳамсари додараш, зани 24-сола задааст. Дар натиҷа ҷабрдида ҷароҳати вазнини ҷисмонӣ бардошта, дар беморхона бистарӣ гаштааст.

Аз рӯи ин ҳодиса парвандаи ҷиноятӣ оғоз гардида, тафтишот идома дорад.

ЯК ҶАВОБ ТАРК

Please enter your comment!
Please enter your name here