.

Alternative flash content

Requirements

Get Adobe Flash player

Материалы отфильтрованы по дате: Душанбе, 03 Сентябр 2018 - || ФАРАЖ

Назарҳо нисбати нуфуси тоҷикон дар Афғонистон гуногун аст. Бархе аз қавмгароҳои пуштун мехоҳанд, ки нуфусу нақши тоҷикон дар ин кишварро камранг нишон диҳанд. Аммо тоҷикони ин кишвар бар ин боваранд, ки аксарияти ҷамъияти Афғонистонро тоҷикон ташкил медиҳанд. Дар ҳамин ҳол, донишманди тоҷики Афғонистон доктор Ҳамид Муфид зиёда аз 40 дарсади ҷамъяити ин кишварро дар пажуҳиши тозаи худ тоҷик баршумурдааст, ки  «Самак» лозим донист фишурдаи пажуҳиши ин донишмандро бе ягон тағйиру илова пешниҳоди Шумо намояд.  

Доктор Ҳамид Муфид: Анқариб 40 дарсади ҷамъияти Афғонистон тоҷиканд

Дӯстони азиз, қаблан хидмататон арз намуда будам, ки омори нуфуси Афғонистонро дар 34 остон (вилоят) таҳти баррасӣ мегирам ва акнун бо истифода аз манобеъи муътабар ва додаҳои идороти муайян ин корро анҷом додам. Ҳарчанд душвориҳо зиёд буд, вале бо ин ҳама бо диққати болотар аз 98 дарсад ин омор дар муддати наздик ба як сол ҷамъоварӣ ва омода шуд.

Ин омор ҳақиқати талху ширин аст, ба касе ширин ва ба иддаи дигаре талх... 

Бояд ёдовар шуд, ки омори то ҷое дақиқи нуфуси кишвар ба хотири аҳдофи муайян то имрӯз махфӣ буд ва ҳатто то имрӯз низ дар ин маврид фиреб идома дорад. Масалан, чанд сол қабл китобе ба номи “Доиратул маориф” дар мавриди дарсадии нуфуси ақвоми бузурги Афғонистон ба нашр расида буд, ки омори он китоб воқиан хандаовар ва музҳик буд. Дар ин китоб паштунҳо 62%, тоҷикҳо 12 % ва ҳазораҳо 9% зикр гардида буданд, ки бо ин арқоми бебунёд мешавад нависандаи ин китобро падари таассуб номид.

Бояд таъкид кард, ки дар омори мо остонҳое, ки нуфуси зиёд доранд, мардуми онҳо тақрибан бумӣ ҳастанд ва агар нуфуси кам доранд, ноқилин (омада)-анд. Дар омор остонҳо ба ҳуруфи алифбо (форсӣ) оварда шудаанд:

Ҳама нуфуси кишвар 34 миллиону 180 226 нафар

1.Урузгон -  499.800 нафар, паштун 80%, тоҷик 10 % , ҳазора 5%

2.Бодғис - 600 150 нафар, паштун 65%, тоҷик 25%, ҳазора 0%

3.Бомиён - 499 850 нафар, паштун 5%, тоҷик 15%, ҳазора  75%

4.Бадахшон - 1 200 250 нафар, паштун 0%, тоҷик 75%, ҳазора 5%

5.Бағлон - 1000 375 нафар, паштун 15%, тоҷик 50%, ҳазора 30%

6.Балх - 2000 050 нафар, паштун 15%, тоҷик 65%, ҳазора 25%

7.Парвон - 1 000 850 нафар, паштун 5%, тоҷик 85%, ҳазора 10%

8.Пактиё - 600 755 нафар, паштун 65%, тоҷик 20%, ҳазора 5%

9.Пактико - 579645 нафар, паштун 90%, тоҷик 10%, ҳазора 0%

10.Панҷшир - 499 255 нафар, паштун 0%, тоҷик 100%, ҳазора 0%

11.Тахор - 795 541 нафар, паштун 15%, тоҷик 45%, ҳазора 0%

12.Ҷузҷон - 791 300 нафар, паштун 5%, тоҷик 20%, ҳазора 5%

13.Кунар - 599 305 нафар, паштун 90%, тоҷик 10%, ҳазора 0%

14.Лағмон - 806 972 нафар, паштун 65%, тоҷик 35%, ҳазора 0%

15.Лӯгар - 489 725 нафар, паштун 50%, тоҷик 20%, ҳазора 10%

16.Майдон - Кописо 696 406 нафар, паштун 35%, тоҷик 60%, ҳазора 0%

17.Нангарҳор - 2 035 620 нафар, паштун 85%, тоҷик 10%, ҳазора 0%

18.Нуристон - 397 646 нафар, паштун 5%, тоҷик 5%, ҳазора 0%

19.Нимрӯз - 1 005 894 нафар, паштун 10%, тоҷик 15%, ҳазора 0%

20.Ҳирот - 2 549 740 нафар, паштун 15%, тоҷик 65%, ҳазора 20%

21.Ҳилманд - 1 003 459 нафар, паштун 85%, тоҷик 5%, ҳазора 5%

 

Се қавми бузург ба асоси дарсадӣ:

Тоҷикҳо - 39,64%

Паштунҳо - 34,67%

Ҳазораҳо - 12,65%

Бақия ақвом - 13, 04%

Азизон, аз ироъаи ин омор ҳадафи сӯ надорам, хостам ба қишри бузурги ватандорони худ хидмате карда бошам. Мавзӯи аксарият ва ақалият назди мардуми чизфаҳм аҳамият надорад ва гузаштаҳо гузашт ва сабти таърих шуд ва хуб аст, ки дар ҷомиае ба номи Афғонистон зиндагии бародарона дошта бошем. Худованд ҳама ақвоми Афғонистонро ба дӯстиву бародарӣ ҳидоят фармояд.

Шумо дар Ҷаҳон

Аз 6 то 10-уми сентябр дар Шаҳрисабзи Ҷумҳурии Ӯзбекистон аввалин Форуми байналмилалии санъати мақом баргузор мегардад, ки дар он ҳайати ҳунарпешагон ва санъатшиносони Ҷумҳурии Тоҷикистон ширкат меварзанд.

Маркази матбуоти Вазорати фарҳанги Ҷумҳурии Тоҷикистон хабар медиҳад, ки дар доираи Форум баргузории Конференсияи амалӣ дар мавзӯи «Санъати мусиқии мақом ва мавқеи ӯ дар тамаддуни ҷаҳонӣ» дар назар дошта шудааст.

Тибқи барнома, асбобҳои мусиқӣ ва маҳсулоти ҳунарҳои мардумӣ, ки ба санъати мақом вобаста аст, ба маърази тамошо гузошта мешавад.

Шумо дар Хабари-рӯз

Дастрасӣ ба иттилоот барои таҳияи матолиби рӯзноманигорӣ дар вилояти Хатлон торафт мушкил мешавад. Метавон инро дар муносибати сардори идораи нотариалии  вилояти Хатлон Хушвахт Ашӯров маънидод кард.

Рӯзи 15- уми августи соли равон ба идораи давлатии нотариалии вилояти Хатлон барои гирифтани иттилои зарурӣ рафтем. Пас аз чанд лаҳзаи интизорӣ пушти дари утоқи сардори идораи нотариалии вилоят Хушвахт Ашӯров билохира вориди утоқи кории ӯ гардидем. Баъд аз муаррифӣ ва хоҳиши гирифтани иттилоъ, ӯ бо баҳонаи он ки журналистон ба мо маълумотнома намеоранд, аз суҳбат худдорӣ кард ва гуфт: «Ман ба шумо суҳбат намекунам ва гуфтаҳои маро ба роҳбарони болоиятон расонед. Ман ба сардори раёсати адлия дар вилояти Хатлон ва вазири адлия ҳам ин гапҳоро гуфтаам». 

Дар боби дуюми Конститутсияи ҶТ омадааст: «Ба ҳар кас озодии сухан, нашр, ҳуқуқи истифодаи воситаҳои ахбор кафолат дода мешавад».

Ҳарчанд мехостем ба ӯ фаҳмонем, ки тибқи Қонунҳои амалкунандаи кишвар барои дастрас кардани иттилоот масъулед, вале ӯ бо исрор иброз кард ки «ҳуқуқшиносам ба андозаи шумо фаҳмиш надорам?». 

Ёдрас мешавем, ки аз ҷумла дар Қонуни Ҷумҳурии Тоҷикистон «Дар бораи матбуоти даврӣ ва дигар ВАО» омадааст: «Ҳама гуна поймол кардани озодии матбуоти даврӣ ва дигар ВАО аз ҷониби шахс, шахсони мансабдори мақомоти давлатӣ, ҷамъиятӣ, аз ҷумла дахолат кардан ба фаъолияти касбии редаксияи ВАО, ғайриқонунӣ боздоштан ва ё қатъ намудани фаъолияти он тибқи қонунгузорӣ боиси ба ҷавобгарӣ кашидан мегарданд».

Дар баробари надодани иттилоъ, ба мо боз маълумотнома ё мактуби идораамонро талаб кард. Ҳамчунин таҳқиромез гуфт: «Журналистон дурӯғ мегӯянд».  Шахсе, ки дар вазифаи баланди давлатӣ фаъолият мекунад, набояд чунин муносибат дошта бошад. Агар муносибат бо намояндагони ВАО чунин аст, пас аз ҷониби ин масъули давлатӣ бо мардуми оддӣ чӣ гуна бархӯрд сурат мегирад?

Аҳмадҷон Раҳимзода

Раҳмоналӣ Додархуҷаев

Шумо дар Хабари-рӯз

Дар бинои «Тоҷик эйр» 27- солагии Истиқлолияти давлатии Ҷумҳурии Тоҷикистон ва Рӯзи авиатсияи ҷумҳуриро қайд карданд. 3 сентябри соли равон дар толори конфронсҳои ширкати миллии ҳавопаймоии «Тоҷик Эйр» ҷаласа бахшида ба ҷашни 27-солагии Истиқлолияти давлатии  Ҷумҳурии Тоҷикистон ва Рӯзи авиатсияи Ҷумҳурии Тоҷикистон баргузор гардид.

Дар ҷаласаи тантанавӣ Шералӣ Ганҷалзода, муовини вазири нақлиёти Тоҷикистон, Икром Субҳонзода, директори Агентии авиатсияи граждании назди Ҳукумати Ҷумҳурии Тоҷикистон, Хайрулло Раҳимов, директори генералии ҶСК «Тоҷик Эйр», Лоиқ Ашӯров, директори генералии КВД «Тоҷикаэронавигатсия», Аслиддин Меликов, муовини директори генералии ҶСК «Фурудгоҳи байналмилалии Душанбе», Суҳроб Ҷӯраев, муовини якуми директори генералии ҶДММ «Ширкати ҳавопаймоии «Сомон Эйр», Саидҷон Касиров, раиси Кумитаи ҷумҳуриявии кормандони соҳаи авиатсияи граждании Тоҷикистон, собиқадорони соҳаи авиатсияи гражданӣ, намояндагони корхонаю ширкатҳои ҳавопаймоӣ ва иттифоқҳои касабаи соҳа иштирок намуданд.

Дар ин ҷаласа, директор оид ба парвозҳои ҶСК «Тоҷик Эйр» Файзулло Сатторов иброз дошт, ки мо дар арафаи ҷашни бузург - 27-умин солгарди Истиқлолияти давлатии Ҷумҳурии Тоҷикистон ва Рӯзи авиатсияи граждании Тоҷикистон қарор дорем.

- Ҳамаи Шуморо ба ин муносибат самимона табрик менамоям. Дар солҳои сипаришуда ҳавопаймоии гражданӣ чун як соҳаи муҳими иқтисодиёт хеле пеш рафт. Дар ин қатор Ширкати “Тоҷик Эйр”, ки интиқолдиҳандаи миллӣ маҳсуб меёбад, бо вуҷуди баъзе душвориҳо дар рушди иқтисодиёти мамлакат ва қонеъ гардонидани талабот ба интиқолоти ҳавоӣ саҳми муносиби худро мегузорад. Боварии комил дорам, ки кормандони ҶСК “Тоҷик Эйр” минбаъд низ таҳти роҳбарии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баҳри пешрафти иқтисодию иҷтимоии мамлакатамон фаъолият намуда, ба натиҷаҳои дилхоҳ ноил мешаванд. Ҷашнҳои Истиқлолияти давлатӣ ва Рӯзи авиатсияи граждании Тоҷикистон муборак бод. Ба ҳар яки Шумо ва аҳли хонаводаатон саломатӣ, хушиҳои рӯзгор ва комёбиҳои беназирро орзумандам», - дар анҷом гуфт Файзулло Сатторов.

Азиз Хайруллоев, сухангӯи ҶСК “Тоҷик Эйр” мегӯяд, ки Ширкати миллии ҳавопаймоии Ҷумҳурии Тоҷикистон - ҶСК «Тоҷик Эйр» соли 1930 ташкил гардидааст.

- Ширкати ҳавопаймоии «Тоҷик Эйр» фаъолияташро бо мақсади  интиқоли мусофирон, бору бағоч, ҳамчунин хизматрасонии техникӣ ва таъмири техникаи ҳавопаймоӣ ба роҳ мондааст. Стратегияи «Тоҷик Эйр» аз қонеъ гардонидани эҳтиёҷоти муштариён, рақобати солим ва иттилои ошкор иборат аст. Тақвияти географияи парвозҳо, таъмини бехатарӣ ва мунтазамии парвозҳо, эътимодият ва ҳузуру ҳаловати мусофирон вазифаҳои асосии Ширкати «Тоҷик Эйр» мебошанд,- илова намуд Азиз Хайруллоев.

Гуфтан ба маврид аст, ки айни ҳол дар  ҶСК «Тоҷик Эйр» зиёда аз 500 мутахассиси соҳаи ҳавопаймоӣ фаъолият доранд. Ҳавопаймоҳои ҶСК «Тоҷик Эйр» парвозҳои мунтазамро ба Ӯзбекистон (Самарқанд), Ҳиндустон (Деҳлӣ), ҶМЧ (Урумчӣ), Эрон (Теҳрон), Қазоқистон (Алмаато), Қирғизистон (Бишкек) ва Федаратсия Русия (Маскав, Санкт-Петербург, Екатеринбург, Сургут, Нижневартовск, Новосибирск) анҷом медиҳад. Ширкати ҳавопаймоии «Тоҷик Эйр» ҳамчунин парвозҳои мунтазамро дар хатсайрҳои дохилӣ ба марказҳои маъмурии Вилояти Мухтори Куҳистони Бадахшон - шаҳри Хоруғ ва вилояти Суғд - шаҳри Хуҷанд низ анҷом медиҳад.

Ёдовар мешавем, ки парвозҳо аз ҷониби ҶСК “Тоҷик Эйр” бо ҳавопаймоҳо ва чархболҳои “Boeing” 737-300, “Boeing” 757-200, “Boeing” 767-300, Ан-28, Ми-8 МТВ ва аз ҷониби ҶДММ “Сомон Эйр” бо ҳавопаймоҳои “Boeing” 737-300, “Boeing” 737-800 ва “Boeing” 737-900 анҷом дода мешавад.

Парвиз Аминзода

Шумо дар Слайд
саҳ 4 аз 6

Хабари-рӯз

Календар

« Сентябрь 2018 »
Пн Вт Ср Чт Пт Сб Вс
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Минбари сардабир

  • симКАРта

    Дар ҳафтае, ки гузашт, дар шабакаҳои иҷтимоӣ ин калима аз…

Нигоҳи хос

Парадокс

Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ...
Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ба ...
Гуфтед? Мегӯянд! (№3
Бег САБУР, раиси Хадамоти алоқа:- Ман қарорамро бекор накардаам.Танз: Офарин ба Шумо, оғои Бег ...
Гуфтед? Мегӯянд! (№2
Аскар ҲАКИМ, Шоири халқии Тоҷикистон:- Дар замони шӯравӣ мо асареро пайдо намекунем, ки дар ...
Гуфтед? Мегӯянд! (№1
Абдуалим ИСМОИЛЗОДА, раиси шаҳри Қӯрғонтеппа Хонандаи беҳтарин- Кӯшиш мекунам ҳар рӯз лоақал ...

Назарҳо

Яндекс.Метрика

 

Яндекс.Метрика

 

© «Фараж», 2011-2018. Истифодаи маводи сайти мазкур танҳо бо иҷозати хаттии идора мумкин аст.

Нишонии идора: шаҳри Душанбе, хиёбони Саъдии Шерозӣ, 16, ошёнаи 8.
Сайт бо кӯмаки моддии Free Press Unlimited сохта шудааст.