.

Alternative flash content

Requirements

Get Adobe Flash player

Материалы отфильтрованы по дате: Панҷшанбе, 30 Август 2018 - || ФАРАЖ

Як гурӯҳи падару модарон аз шаҳри Панҷакент барои дидори фарзандону наздикони наваскарашон, ки дар Маркази таълимии «Пойтахт»-и Қӯшунҳои сарҳадии Кумитаи давлатии амнияти миллии Ҷумҳурии Тоҷикистон адои хизмат мекунанд, ба шаҳри Душанбе омаданд.

Дар ин бора сардори маркази матбуоти Қӯшунҳои сарҳадии КДАМ ҶТ Муҳаммад Улуғхоҷаев ба «Фараж» иттилоъ дод.

Бино ба маълумоти манбаъ, ин иқдом бо ташаббуси кумитаи иҷроияи Ҳизби Халқии Демократии Тоҷикистон дар шаҳри Панҷакент сурат гирифтааст.

Нахуст падару модарон дар ин маркази таълимӣ ҷойи хобу ғизохӯрӣ, синфхонаҳои таълимӣ, китобхона ва осорхонаро аз назар гузаронида, аз шароитҳои хуби мавҷуда барои сарбозон изҳори қаноатмандӣ кардаанд. Ҳамчунин, ба падару модарон иттилоъ дода шуд, ки сарбозони ин маркази таълимӣ баъд аз маросими савгандёдкунӣ самти фаъолияти худро интихоб карда, аз рӯи 17 самт ба омӯзиш фаро гирифта мешаванд.

Сарбози қаторӣ Қудратулло Ҷалилов, ки бештар аз панҷ моҳ дар Маркази таълимии «Пойтахт»-и Қӯшунҳои сарҳадӣ хизмат мекунад, аз фароҳам овардани ҳама шароити зарурӣ барои сарбозон дар қисми ҳарбӣ  таъриф намуда иброз доштааст, ки сарбозон бо се вақт хӯроки гарм, сарулибос ва хобгоҳи замонавӣ таъминанд.

- Аз Президенти кишвар, Сарфармондеҳи Олии Қувваҳои Мусаллаҳ, муҳтарам Эмомалӣ Раҳмон хеле миннатдор ҳастем, ки маҳз дар партави сиёсати ин марди хирад тӯли 27-соли Истиқлолияти давлатӣ Ҷумҳурии Тоҷикистон ба чунин пешравиҳо ноил гардид. Аз иқдоми пешгирифтаи Ҳукумати ҷумҳурӣ ва ҲХДТ низ истиқбол мекунем, ки чунин як ташаббуси хуб нишон дода, падару модарони сарбозонро аз шаҳру навоҳии дурдаст ба дидорбинии фарзандонашон меоранд. Дар ҷавоб ба ин ғамхориҳо мо хизмати содиқона ба Ватан, ҳифзи марзу буми онро вазифаи ҷонии худ шумурда, барои дифои сарҳадамон аз таҳоҷуми бегона сина сипар хоҳем кард,- гуфтааст сарбоз дар вохӯрӣ бо волидон.

Ҳамчунин, ба қали сардори ин қисми ҳарбӣ Абдулвоҳид Мирзозода ин аввалин маркази таълимӣ дар Осиёи Марказӣ мебошад, ки соли 1930 таъсис ёфтааст: «Баъд аз пошхӯрии Иттиҳоди Шӯравӣ 23 марти соли 2005 ин марказ ба тобеияти Қӯшунҳои сарҳадии КДАМ гузашт. Бо ташаббус ва дастгириҳои бевоситаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тамоми шароити хизматӣ барои ҳайати шахсӣ фароҳам оварда шуд».

Дар охири вохӯрӣ ансамбли «Марзбон»-и Қӯшунҳои сарҳадии КДАМ-и Ҷумҳурии Тоҷикистон барои падару модарон ва сарбозон барномаи фарҳангӣ доир кардааст.

Шумо дар Хабари рӯз

50 нафар донишҷӯи соли охири факултети тибби ветеринарии Донишгоҳи аграрии Тоҷикистон ба номи Шириншоҳ Шоҳтемур бо шарофати лоиҳаи Созмони озуқаворӣ ва кишоварзӣ (ФАО), ки аз ҷониби Иттиҳоди Аврупо маблағгузорӣ карда мешавад, соҳиби таҷрибаи касбӣ дар соҳаи худ хоханд шуд.

Ҳадафу мақсадҳои асосии лоиҳа баҳри дастгирӣ намудани Вазорати кишоварзӣ ва Хадамоти назорати давлатии байторӣ ҷиҳати таҳия намудани сиёсат равона карда шудаанд. Чорабинии мазкур дар ҳамкории зич бо Ассотсиатсияи байторони Тоҷикистон амалӣ мегардад.

Таҷрибаомӯзӣ қариб ду моҳ, аз моҳи август то моҳи октябр давом карда, ба донишҷӯён имконият медиҳад, ки он донишу малакае, ки дар синфхонаву озмоишгоҳҳо аз худ намуда буданд, дар амал татбиқ намоянд. Ҳамчунин курси мазкур тавассути беҳтар намудани сифати хизматрасониҳои ветеринарӣ ба мардуми маҳаллӣ, ки амнияту бехатарии маҳсулотҳои чорводориро барои истеъмоли дохилӣ ва фурӯш мустаҳкам мекунад ва талафоти чорворо коҳиш медиҳад, метавонад барои паст кардани сатҳи камбизоатӣ дар деҳот таъсир расонад.

“Таъмини сифати хизматрасониҳои ветеринарӣ дар деҳоти Тоҷикистон хеле муҳим мебошад, - гуфт устоди факултети тибби ветеринарӣ Фирӯз Раҳимов. - Дастрасӣ ба чунин хизматрасониҳо барои мардуми маҳаллӣ дар кишлоқҳо барои таъмини саломатӣ ва маҳсулнокии чорво хеле муҳим мебошад”.

Донишҷӯёни беҳтарин дар асоси натиҷаҳои санҷиш ва дигар меъёрҳои дахлдор интихоб карда шуданд. Онҳо дар клиникаҳо ва фермаҳои ноҳияҳои тобеи ҷумҳурӣ ва вилояти Хатлон таҷриба омӯхта, бо ветеринарҳои пуртаҷриба таҳти роҳбарии устодони худ зич фаъолият мекунанд.

Чорводорӣ дар рушди иқтисоди Тоҷикистон нақши муҳимро мебозад. Чорвои солим ба амнияти озуқавории миллионҳо нафар аҳолии кишвар мусоидат мекунад.

Шумо дар Хабари рӯз

Имрӯз ду паҳлавонписар ва як духтари варзишгари тоҷик ба набарди чудо камар бастанд ва дар Бозиҳои Осиё-2018 майдондорӣ карданд, ки мутаассифона бе медал монданд.

Беҳрӯз Хоҷазода, ки дирӯз дар кураш дар вазни -81 кг медали нуқра ба даст овард, имрӯз дар вазни -73 кг дар ҷудо ба майдон баромад. Ӯ дар набарди якум варзишгари Лаос Маниван Ламфанро бо ду вазарӣ мағлуб кард. Дар даври баъдӣ Беҳрӯз бо Халил Ребаҳӣ аз Қатар мубориза бурд ва бо ду вазарӣ дар муқобили як вазарӣ дастболо гардид. Сипас, ин паҳлавони тоҷик дар даври чорякфинал бо Ан Шангрим аз Кореяи Ҷанубӣ набард кард ва бо гирифтани як шидо ва бартарии як вазарӣ бар нафъи ҳариф мағлуб гардид.

Паҳлавони дигари тоҷик Акмал Муродов, ки дирӯз дар кураш низ ноком шуда буд, имрӯз дар ҷудо низ ба мақсад нарасид. Ӯ дар вазни -81 кг дар даври аввал, бо он ки ҳарифаш Весам Абурмилаҳ аз Фаластин 3 шидо гирифт, ғолиб омад. Дар даври баъдӣ аз паҳлавони Муғулистон Ууганбаатар Отгонбаатар бо як ипон шикаст хурд.

Шоҳида Қаландарова дар вазни -57 кг байни духтарон Тоҷикистонро намояндагӣ кард, ки дар даври аввал ба шикаст дучор гардид. Ӯ бо ду вазарӣ набардро бар варзишгар аз Кореяи Ҷанубӣ Ҷандӣ Ким бохт.

Шумо дар Хабари рӯз

Имрӯз дар арафаи таҷлили ҷашни 27-умин солгарди Истиқлолият президенти Тоҷикистон Эмомалӣ Раҳмон дар баробари фаъолони ҷумҳурӣ, як гурӯҳ ходимони давлатӣ, намояндагони соҳаи илм, маориф ва фарҳанги Ӯзбекистони ҳамсояро бо мукофотҳои давлатии Тоҷикистон сарфароз гардонд.

Дар Фармон гуфта мешавад, ки ин нафарон барои давоми солҳои соҳибистиқлолӣ дар таҳкиму тавсеа ва густариши муносибатҳои дӯстӣ, ҳусни ҳамҷаворӣ, робитаҳои фарҳангию башардӯстона, иҷтимоию иқтисодӣ, илмию техникӣ ва ҳамкориҳои ҳамаҷонибаи самарабахши байни ду кишвар ба манфиати мардумони тоҷику ӯзбек саҳми босазо гузоштан, бо мукофотҳои давлатии   Тоҷикистон сарфароз гардонида мешаванд.

Абдулло  Орипов — сарвазири Ҷумҳурии Ӯзбекистон ва Абдулазиз Комилов — вазири корҳои хориҷии Ҷумҳурии Ӯзбекистон бо Ордени “Исмоили Сомонӣ” дараҷаи II сарфароз шуданд.

Шавкат Ҳамроев — вазири хоҷагии оби Ҷумҳурии Ӯзбекистон, бо ордени “Шараф” дараҷаи I, Зокирҷон Алматов — мушовири вазири корҳои дохилии Ҷумҳурии Ӯзбекистон, Абдуваҳҳоб Воҳидов — раиси маркази фарҳанги миллии тоҷики вилояти Самарқанд, Исмоил Ҷурабеков — мушовири вазири хоҷагии оби Ҷумҳурии Ӯзбекистон, Тухтамиш Тухтаев — мудири шуъбаи рӯзномаи “Овози тоҷик” ва Таваккал Чориев — профессори кафедраи таҳсилоти ибтидоии Донишгоҳи давлатии Бухоро бо Ордени “Дӯстӣ” қадршиносӣ гардиданд.

Барои саҳми арзанда дар таҳкими муносибатҳои фарҳангӣ Шералӣ Ҷураев — ҳофизи муассисаи давлатии “Узбекконсерт” ва Мавлуда Халилова — ходими калони илмии шуъбаи “Устод — шогирд мактабӣ»-и Маркази миллии ӯзбекии санъати мақоми Ҷумҳурии Ӯзбекистон бо унвони фахрии “Ҳунарпешаи  халқии Тоҷикистон”сарфароз гардиданд.

Шумо дар Хабари рӯз
  •  << 
  •  < 
  •  1 
  •  > 
  •  >> 
саҳ 1 аз 2

Хабари рӯз

Календар

« Август 2018 »
Пн Вт Ср Чт Пт Сб Вс
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Минбари сардабир

  • симКАРта

    Дар ҳафтае, ки гузашт, дар шабакаҳои иҷтимоӣ ин калима аз…

Нигоҳи хос

  • Чаро бояд китоб хонд?

    Инсон дар таърих ду кашфиёти бузург дорад: яке ҳунари ноширӣ,…
  • зодРӮЗ

    Андӯҳи ту, ки хуршедро падруд мегӯяд, ба андозаи ҳасрати як…

Парадокс

Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ...
Гуфтед? Мегӯянд! (№4
Саидмукаррам АБДУҚОДИРЗОДА, раиси Шӯрои уламо - Зиёда аз ин, тавассути тағйиру иловаҳое, ки ба ...
Гуфтед? Мегӯянд! (№3
Бег САБУР, раиси Хадамоти алоқа:- Ман қарорамро бекор накардаам.Танз: Офарин ба Шумо, оғои Бег ...
Гуфтед? Мегӯянд! (№2
Аскар ҲАКИМ, Шоири халқии Тоҷикистон:- Дар замони шӯравӣ мо асареро пайдо намекунем, ки дар ...
Гуфтед? Мегӯянд! (№1
Абдуалим ИСМОИЛЗОДА, раиси шаҳри Қӯрғонтеппа Хонандаи беҳтарин- Кӯшиш мекунам ҳар рӯз лоақал ...

Назарҳо

Яндекс.Метрика

 

Яндекс.Метрика

 

© «Фараж», 2011-2018. Истифодаи маводи сайти мазкур танҳо бо иҷозати хаттии идора мумкин аст.

Нишонии идора: шаҳри Душанбе, хиёбони Саъдии Шерозӣ, 16, ошёнаи 8.
Сайт бо кӯмаки моддии Free Press Unlimited сохта шудааст.